ROOMA 5:1 - KARÚK-PËRIM KAWALU Nouveau Testament

¹ Inkri, bi ngë tsua bink bamabal tsi uwak, ngë kaana pëfac tsi Nasien-batsi undo Ajug nja Yeesu Këristu.

ROOMA 5:1 ပူးပေါင်းရင်းမြစ်များ

LÚKAS 19:38

“Nasien ni kan bi ink tsi katim Ajug, a jara ngëwar! Pëfac, pa ciin di batsi; përëmb, pa ciin di tsëko tsan pe tsi pëci di ruets.”

LÚKAS 19:42

aja: “Uci pëjaa tsi unu wi, wi buts m me ko wi ka wëlu wi pëfac! Maa inkri, ko umënts abekau a m winats wul;

LÚKAS 2:14

“Përëmb pa ciin pa Nasien-batsi di tsëko tsan pe tsi pëci di ruets, a pëfac pa ciin tsi bañaan biki na lílandër biki tsi umundu.”

KAKÚRAN-KAWAR YEESU KRISTU BI JOŊ LEENŢ BI KUL AJA 14:27

Mán dukar ind pëfac; pëfac nji, mán wël ind pul. In di ka wël bi umundu kë wël bi. Ngëwaas ind tsë coka, te ind tsë ci ni bëlal.

KAKÚRAN-KAWAR YEESU KRISTU BI JOŊ LEENŢ BI KUL AJA 16:33

Man ja ind ngëmënts ngan, pa nda ka pëfac tsi nji. Nduu ka unoor tsi umundu; maa nda kaan katsëb, man gaañaar umundu ukam.”

KAKÚRAN-KAWAR YEESU KRISTU BI JOŊ LEENŢ BI KUL AJA 20:31

Maa, ngëko ngi apicanaa, pa ind pëfiaar u ci Yeesu ci-un Mesia, Abuk Nasien-batsi, pa uwal wi nda ci wi tsi pëwak, ndë ka ubiira tsi katimul.

KAKÚRAN-KAWAR YEESU KRISTU BI JOŊ LEENŢ BI KUL AJA 5:24

Mán leents ind ucär: Nan tei përim nji a na wak tsi na yëliini, aka ubiira un dits wi ka ba; di ka wata pëleents, apar ba tsi pëcäts pa ubiira.

NGËRO 10:36

Awëtani përimul pa babuk Israel, pa pëleents bukul Upetsan-uwar pëfac tsi Yeesu Këristu. Namëntsi ci-un Ajug bañaan bëlieng.

ROOMA 1:17

Par tsi wul tsi bëmabal Nasien-batsi pibanaana tsun, pëpën-ni tsi uwak pa uwak, bi u picana bi aja: “Namabal, ka kaana ubiira tsi uwak.”

ROOMA 1:7

Ind bëlieng biki Nasien-batsi ŋal biki, ban ci biki di Rooma, a nduu rua bayëman, bëtseend ba wëlaan ind ni pëfac pan pënë-ni pi tsi Nasien-batsi, Asin nja ni tsi Yeesu Këristu Ajug.

ROOMA 10:10

Par, pëwak tsi uwaas ka tsu ñaan tsi bëmabal, a pëpets ni mtum kë tsu ñaan tsi pëbuer.

ROOMA 10:15

A um bi bu kë leents bun përim, uci ba yëlaatsa? Bi u picana bi, aja: “Ko wi i wara wi, itsiim biki ka leents biki ngëwar!”

ROOMA 14:17

par Pësien Nasien-batsi cits bariala ni përaan, maa aci bëmabal ni pëfac ni ulílan tsi Uwejats-ujënts.

ROOMA 15:13

Nasien-batsi uwats, na cumani ind ulílan un ci wi-ba këci, ni pëfac, tsi uwak; pa ind pëka uwats uwiak tsi pëyëlan Uwejats-ujënts.

ROOMA 15:33

Nasien-batsi pëfac, na ciin ni ind bëlieng. Ameen!

ROOMA 3:22

Nasien-batsi ka tsuuna bañaan pëci bamabal tsi uwak tsi Yeesu Këristu. Aro unk bañaan ba uwak biki bëlieng. Ngëkicës cits tsul,

ROOMA 3:30

par tsi ucär, Nasien-batsi aci naloole baŋ, a nul ka tsu un ba wela biki kambac ba ciina bamabal tsi uwak; nul ka tsu un buts ba welaatsa biki kambac ba ciina bamabal tsi undo uwak.

ROOMA 4:5

Maa nan ditsi ka leemp, a na wak tsi ni kan tsui bameets-nasien-batsi ba ci bamabal, uwak namënts un atsuaul bëmabal.

ROOMA 5:11

Cits umënts wan din, maa buts, ngë bundandar tsi Nasien-batsi undo Yeesu Këristu, Ajug nja nan kai ngë kak ateelar inkri ni Nasien-batsi.

ROOMA 5:18

A bi u ci bunk tsi undo ulaci ñaan naloole baŋ, a ulaci baandë-ni bañaan-bajin bëlieng; unk buts, ko umabal wi ñaan naloole baŋ do wi, a pëtsua bamabal pi ka wël pi ubiira baandi tsi bañaan-bajin bëlieng.

ROOMA 6:23

Par bëluk ujuban, aci pëcäts; maa utseend Nasien-batsi u lukaatsa wi, aci ubiira un dits wi ka ba, tsi Këristu Yeesu, nul Ajug nja.

ROOMA 9:30

We wnja kë ja wun-i? Ban cits biki Bajudeu, bukul ban tsasats biki bëmabal, bu tsënkan bëmabal, bëmabal ban pënë-ni bi tsi uwak;

GALAASIA 2:16

Wund ame ne, cits përo ko wi ulua tsu wi ka tsu wun ñaan pëci namabal, maa pëka uwak tsi Këristu Yeesu ka tsu pun ñaan pëci namabal; a wund wak buts tsi Këristu Yeesu, pa wund pëtsua bamabal, tsi undo uwak wund tsi Këristu; cits pëjaa përo ko wi ulua tsu wi, tsu wund wun pëci bamabal, par përo ko wi ulua tsu wi di ka tsu ñaan pëci namabal.

GALAASIA 3:25

Maa, bi uwak baandi bi, inkri katse ci najukan tsij-ni jaun.

GALAASIA 5:22

Maa ko wi Uwejats Nasien-batsi kë buk wi aci: bëŋal, ni ulílan, ni pëfac, ni umiira, ni karo uwar, ni kawara-uwaas, ni kamob-tsi-uwak,

EFEESU 2:7

pa tsi ngëwal ngi kan bi ngi, në piban përëmbul pan pelëk pi tsi bëtseendul, bi na ci bi uwar pa n ja tsi Këristu Yeesu.

FILIIPUS 3:9

ka winaa tsi nul, te u rits ciina tsi bëmabal nji bërierin ban pënëni bi tsi ulua-Moises, maa ban pënëni bi tsi uwak tsi Këristu. Aci bëmabal ban pënëni bi tsi Nasien-batsi a ba sëtsaraan tsi uwak.

KOLOS 1:20

a na tsu ngëko bëlieng nga teelaraan ni nul tsi Abuk, uci ank ngan ci ngi tsi utsia oo ngan ci ngi di batsi; bi na tsu bi pëfac a pa ci, undo pëñaakul pi kruusul.

KOLOS 3:15

Pëfac pan ci pi pi Këristu, pa ciin pan tsijëna pi ngëwaas ind, undo nda ruee tsi pul pa pëci uliaf uloole baŋ. Nda ciin babaran.

1 TESALONIKA 5:23

Nasien-batsi pëfac, bërierul na jëntsani ind cës; a uwejats ind u gaangaan ni uwaas, ni uliaf tsi kakaats-ulaci, te ubiri Ajug nja Yeesu Këristu.

2 TESALONIKA 3:16

Ajug pëfac, nul bërierul na wëlan ind pëfac, pa sandëndën, bi u ci bi ba këci. Ajug na ciin ni ind bëlieng.

BAYEBËREU 13:20

Nasien-batsi kankaana pëfac, nul nan katii nayafan ngënkaanel nawiak di bacäts, un ci wi Ajug nja Yeesu, undo pëñaak karo-pëloole kan dits ki ka ba.