ROOMA 4:25 - KARÚK-PËRIM KAWALU Nouveau Testament

²⁵ nul na wëlee undo ngëjuban nja a na natsee di pëcäts undo n ja pëtsua bamabal.

ROOMA 4:25 ပူးပေါင်းရင်းမြစ်များ

MATEU 20:28

unk di Abuk ñaan-najin bi run; cits pa pëkëmandaa, maa pëkëmand, në wël ubiiraul pa pëlukar bañaan bacumal.”

ROOMA 3:25

Nul ni Nasien-batsi tsu un, pa pëñaakul pëci ujampësaani ngëjuban tsi uwak; pa nul Nasien-batsi pëpiban bëmabalul undo bi na wët bi pëpikaar bañaan tsi ngëjuban ngandola ngi uwal ujon,

ROOMA 5:18

A bi u ci bunk tsi undo ulaci ñaan naloole baŋ, a ulaci baandë-ni bañaan-bajin bëlieng; unk buts, ko umabal wi ñaan naloole baŋ do wi, a pëtsua bamabal pi ka wël pi ubiira baandi tsi bañaan-bajin bëlieng.

ROOMA 8:3

Par ko wi ngëtsua roots wi yëlan përo, undo bi uliaf tsu bi wul kakaats-pëyëlan, Nasien-batsi aro wul, bi na wëtani Abukul bërierul tsi bënaam uliaf ujuban, a na lacan ujuban un ci wi tsi uliaf,

1 KORINTU 15:17

A uci Këristu natsaatsee di pëcäts, uwak ind kaats bëkat, a nda wama liincandar tsi ngëjuban ind.

2 KORINTU 5:15

A nul, a cätsar bañaan bëlieng, pa biki ka yafënts biki, bu katse ka yafëntsar iyeen bukul bërier bukul, maa bu ka yafëntsar nan catsar unk bukul, a na natsee di pëcäts pa bukul.

2 KORINTU 5:21

Nul Këristu nan kaatsi ujuban, Nasien-batsi tsul a na ci ujuban; pa tsi nul, nja ka ci bëmabal Nasien-batsi.

GALAASIA 1:4

nul na wëli beenul undo ngëjubani njatsi uŋal Nasien-batsi Asini njapa pëpënani nja tsi uwal un ntsari wi, u waraatsa wink.

GALAASIA 2:20

Nji man yafënts, maa katse ci nji ka n yafënts un, aci Këristu ka yafëntsun di nji; a ubiira wi n ciina wink inkri tsi uliaf, mán tsijëna wul tsi uwak wi n ka wi tsi Abuk Nasien-batsi, nul na ŋalini, a na wël beenul bërierul undo nji.

GALAASIA 3:13

Këristu aweelësi nja di bëjuats ulua, bi na tsu bi beenul bërierul na ci bëjuats tsi pëlas nja. Par iink picana run: “Na laantee-ba këlaanta di pëmul, aci bëjuats.”

EFEESU 5:2

nda yandaari tsi bëŋal, bi Këristu ŋal nja bi a na wël ubiiraul bërierul pa n ja, pi bëtseend ni bëjakan ba líl bi pëñal pa Nasien-batsi.

TIITU 2:14

Awël ubiiraul bërierul panjapa pëweelësi nja tsi kamabats kan ci ki ba këci, ni pëjëntsan bañaan-ucaak pa nul baŋ, bu ka ci ban pats biki, bu kë yëkandar karo ngëwar.

BAYEBËREU 8:3

Nan pei pëci nawiak-bajakan nan ci ba këci, atsua puu wël ngëtseend ni ijakan. Unk, namëntsi buts, aka pëka ko wi nu wël wi.

BAYEBËREU 9:28

unk buts Këristu ajakan ubiiraul uyaas uloole baŋ, pëpënan ngëjuban bacumal. Nul, ka pibandari uyaas ucints tsi ban ci biki tsi pëlipul undo pëbuer, te di ka ci-undo ujuban.

1 PER 1:21

A tsi nul, tsi nda wakëna tsun Nasien-batsi, nul na natsaniuli di bacäts, a na wëlul përëmb, pa uwak ind ni uwats ind pëciina tsi Nasien-batsi.

1 PER 2:24

Nul na yuuntsi ngëjuban nja tsi uliaful bërierul di ruets pëmul, pa n ja pëcäts pa ngëjuban, nja ka kak koo yafënts tsi bëmabal. A mlupiul mi nda yësanaana mun.

1 PER 3:18

Këristu, nul anoor bëyaas bëloole baŋ pa ngëjuban, pa sandëndën, nul namabal pa bamabats, pa pëtsëpand ind di Nasien-batsi. Nul tsi uliaf, afiŋa; maa tsi Uwejats Nasien-batsi a na kak nayësal.

1 JOŊ 2:2

Nul ci-un bëjakan bi kan pënan bi ngëjuban nja a cits ngëjuban nja rin, maa ngi bañaan umundu bëlieng.

UPIBAN 1:5

ni pëpën-ni tsi Yeesu Këristu, nul nan ci na maatiri a na mob tsi përim, nan cakësi pënatsee tsi bacäts, nawiak ban ci biki basien umundu. Nul na ŋalinjai; a ni pëñaakul a na pënani nja tsi ngëjuban nja

UPIBAN 5:9

A ngul ni bukul kë ya kaya kawalu, koo ja: “M tsënkan pëjaa m jej ulibëru umënts wun kë pënan ngënuek wul, par m do jakanaa; ni pëñaaku a m weelësi bañaan pa Nasien-batsi, ban pënë-ni biki kara pëbuka, ni kara uliingu, ni kara bañaan-ucaak, ni kara ucaak.

UPIBAN 7:14

A n yankul a n ja: “Nawiak nji! Wi m me.” A na jain: “Bamënts biki aci ban pëni biki di unoor uwiak. Bë nijëna iŋi bukul yi bëtiema ba faacanaan yul tsi pëñaak Ubuk-unkaanel wun.