ROOMA 3:22 - KARÚK-PËRIM KAWALU Nouveau Testament

²² Nasien-batsi ka tsuuna bañaan pëci bamabal tsi uwak tsi Yeesu Këristu. Aro unk bañaan ba uwak biki bëlieng. Ngëkicës cits tsul,

ROOMA 3:22 ပူးပေါင်းရင်းမြစ်များ

LÚKAS 15:22

Maa, asinul ja baleemparul: ‘Nda tsiji ucar kaŋí-bëtiem kan pe kunk pëwara, nda tiemaniul, nda tsuunul kanel tsi pëkuanj, ni iraala tsi itsiim.

NGËRO 11:12

A uwejats jain tsëp ni bukul, nji tsë tsij ngëwejats ngëtëb. A batsaar tsi Këristu, bañaan paaj biki, tsëp buts ni nji, a wund niaj di kato niints namënts un.

NGËRO 15:9

patsëlanatsi njani bukul; a tsi uwak, na jëntsan ngëwaas bukul.

NGËRO 3:16

Aci pëyëlan tsi katim Yeesu wël pun niintsi uyëlan; ko wi nda win wink a nda meend, arolaa ni uwak tsi katim Yeesu, par aci uwak tsi katimul yësan wun niintsi tsi bërun ind bëlieng.

ROOMA 1:17

Par tsi wul tsi bëmabal Nasien-batsi pibanaana tsun, pëpën-ni tsi uwak pa uwak, bi u picana bi aja: “Namabal, ka kaana ubiira tsi uwak.”

ROOMA 10:12

Kaats ko un patsëlan wi Najudeu ni nagërek, par bukul bëlieng bu bof Ajug, a na ci narëmb pa ba nja biki ba roon bu kë ruul bëlieng.

ROOMA 10:4

Par utuami ngëtsua, aci Këristu, pa bëmabal pëci pa na waki ba këwak.

ROOMA 2:1

Bi u ci bank, wi ñaan-najin ni m ci ba këci, a kë wat pëleents, m da n jats ulaci; par bi kë wat bunk balon pëleents, m ci tsi pëlacandar bërieru, par wi ni ka wat unk pëleents, m ja m doon këro ngëmënts ngun.

ROOMA 3:30

par tsi ucär, Nasien-batsi aci naloole baŋ, a nul ka tsu un ba wela biki kambac ba ciina bamabal tsi uwak; nul ka tsu un buts ba welaatsa biki kambac ba ciina bamabal tsi undo uwak.

ROOMA 4:16

Unk, uwatsan umënts wi aci-undo uwak, pa u ci bëtseend, uwatsan ka baar pëci tsi kajër Abraam bëlieng, cits pa biki ngëtsua baŋ; maa buts ban ka biki uwak Abraam, nul na ci asin nja bëlieng,

ROOMA 8:1

tsi inkri, nin pëlon pëlacana cits pa ban ci biki tsi Këristu Yeesu.

ROOMA 9:30

We wnja kë ja wun-i? Ban cits biki Bajudeu, bukul ban tsasats biki bëmabal, bu tsënkan bëmabal, bëmabal ban pënë-ni bi tsi uwak;

1 KORINTU 12:13

Par nja bëlieng ngë mijana tsi Uwejats uloole, pa pëci uliaf uloole rin; uru ci ank Bajudeu uu, oo Bagërek uu, baluek uu, oo bafacal. A nja bëlieng, Uwejats uloole umënts wun din wi ngë wëlaa wun përaan.

1 KORINTU 4:7

Yën tsuu un pëpe balon? Wee m ka wun kalon, wi m wëlaatsa wi këwëla? A uci m wëla këwëla, we ka wun a kë riang beenu, pi m wëlaatsa këwëla?

GALAASIA 2:16

Wund ame ne, cits përo ko wi ulua tsu wi ka tsu wun ñaan pëci namabal, maa pëka uwak tsi Këristu Yeesu ka tsu pun ñaan pëci namabal; a wund wak buts tsi Këristu Yeesu, pa wund pëtsua bamabal, tsi undo uwak wund tsi Këristu; cits pëjaa përo ko wi ulua tsu wi, tsu wund wun pëci bamabal, par përo ko wi ulua tsu wi di ka tsu ñaan pëci namabal.

GALAASIA 2:20

Nji man yafënts, maa katse ci nji ka n yafënts un, aci Këristu ka yafëntsun di nji; a ubiira wi n ciina wink inkri tsi uliaf, mán tsijëna wul tsi uwak wi n ka wi tsi Abuk Nasien-batsi, nul na ŋalini, a na wël beenul bërierul undo nji.

GALAASIA 3:22

Maa, Bëpican atsu ngëko bëlieng tsi utsia ujuban, pa tsi undo uwak tsi Yeesu Këristu, ba uwak biki ka wëlaa uwatsan.

GALAASIA 3:28

Unk, katse ka Najudeu nin nagërek; katse ka naluek nin nafacal; katse ka niints nin ŋaats; par ind bëlieng nda ci baloole tsi Këristu Yeesu.

EFEESU 3:12

A tsi uwak, ngë kaana tsi Yeesu bëyeentsal ni uwats pëband di Nasien-batsi.

FILIIPUS 3:9

ka winaa tsi nul, te u rits ciina tsi bëmabal nji bërierin ban pënëni bi tsi ulua-Moises, maa ban pënëni bi tsi uwak tsi Këristu. Aci bëmabal ban pënëni bi tsi Nasien-batsi a ba sëtsaraan tsi uwak.

KOLOS 3:11

tsul, katse ka nagërek oo Najudeu; katse ka nawela-kambac oo nawelaatsa-kambac; katse ka napayi oo najintela-ngëcaay; katse ka naluek oo nafacal; maa Këristu ci-un, nul nan ci blieng, tsi blieëng.

JAKOB 2:23

Unk piban dun ko wi Bëpica n ja wi rolaa: “Abraam awak tsi Nasien-batsi, a na tsua namabal, undo uwakul;” a nuu rua bëfetsar Nasien-batsi.