ROOMA 3:21 - KARÚK-PËRIM KAWALU Nouveau Testament

²¹ Maa inkri, pëteenënats tsi ngëtsua, bëmabal Nasien-batsi apibandar; ngëtsua ni bayëlia aleents uleka bul.

ROOMA 3:21 ပူးပေါင်းရင်းမြစ်များ

LÚKAS 24:44

Na ja bukul: “Yi ci yun irim nji, i n do yi ka leents ind, bi n wama bi n ci ni ind: Ngan picana ngi bëlieng tsi uleka nji tsi ulua-Moises, ni tsi bayëlia, ni tsi uya-ubëndan, aka përolaa.”

KAKÚRAN-KAWAR YEESU KRISTU BI JOŊ LEENŢ BI KUL AJA 1:45

A Filip win Natanael, a na jaul: “Wund awin nan picana unk ulekaul tsi ulua-Moises, ni tsi ngi bayëlia pican ngi: aci Yeesu Kanpënë-ni-nasaret, abuk Juse.”

NGËRO 10:43

Ulekaul wi bayëlia bëlieng ñakandar wun aja: Na waki ba këwak tsi nul, në jampësaa ngëjuban tsi katimul.”

NGËRO 15:11

Maa, ngë fiaar u ci tsi bëtseend Yeesu Ajug tsi ngë bëërëna tsun, pi bukul buts.”

NGËRO 26:22

Maa, Nasien-batsi tsënkin a wama ci te pënak pëntsari; nji i kaats ko wi ndë leents wi upäts ni bawiak, ucits ba ko wi bayëlia ja wi ni Moises kee u ci,

NGËRO 28:23

A ba tsu unu ni Pol. Tsi unu umënts wun, a ba cumi ee jëk ni Pol di katoul, ki bëfa te bëtakala, na leents bukul uleka pësien Nasien-batsi ajëntsan. A nuu tsas pëtsu bukul ba niiran uleka Yeesu, bi na ci bi tsi pëñakan tsi uleka ulua-Moises, ni bayëlia.

ROOMA 1:17

Par tsi wul tsi bëmabal Nasien-batsi pibanaana tsun, pëpën-ni tsi uwak pa uwak, bi u picana bi aja: “Namabal, ka kaana ubiira tsi uwak.”

ROOMA 1:2

Upetsan-uwar umënts wi, tsi uwal ujon, Nasien-batsi awatsanaan wul tsi bayëliaul tsi Bëpican Bëyëman.

ROOMA 16:26

maa inkri, a u pibanaa, a bañaan bëlieng me wul, undo Bëpican bayëlia, bi Nasien-batsi narika-ba tsu bi, pa ban cits biki Bajudeu bëlieng pëniiran përimul, undo uwak.

ROOMA 3:28

Par ngë win u ci uwak ka tsu wun ñaan-najin në ci namabal, cits ngi ngëtsua tsu ngi përo.

ROOMA 5:19

Par bi ñaan-najin naloole baŋ niiraants bunk përim, a bañaan bacumal tsuaa bajuban; unk buts di bañaan bacumal kë tsua run bamabal, undo bi ñaan-najin naloole baŋ niiran bunk përim.

ROOMA 5:21

a bi ujuban sienëna bunk pëcäts, unk buts, tsi Yeesu Këristu Ajug nja di bëtseend sienëna run bamabal pa ubiira un dits wi ka ba.

ROOMA 9:30

We wnja kë ja wun-i? Ban cits biki Bajudeu, bukul ban tsasats biki bëmabal, bu tsënkan bëmabal, bëmabal ban pënë-ni bi tsi uwak;

1 KORINTU 1:30

Maa ind nda ci bayiicul tsi Këristu Yeesu, nul nan dukee ciir nja ka meko kan pënë-ni ki tsi Nasien-batsi, ni bëmabal, ni uyëman, ni kaluk-pëbuer.

2 KORINTU 3:9

A uci ulua wi kan lacan wi ñaan rëmbana, a um bi ulua wi kan tsu wi ñaan na mab, dits run ka pe këpe pëtsiji përëmb?

2 KORINTU 5:21

Nul Këristu nan kaatsi ujuban, Nasien-batsi tsul a na ci ujuban; pa tsi nul, nja ka ci bëmabal Nasien-batsi.

GALAASIA 3:8

Bëpican acar apiban Nasien-batsi kë tsu ban cits biki Bajudeu pëci bamabal, tsi undo uwak bukul, a na cakës aleents Abraam upetsan uwar wi, aja: “Tsi uwi, tsi ngëcaak bëlieng kë beeniraana tsun.”

GALAASIA 5:5

Par wund, tsi Uwejats Nasien-batsi, undo uwak, wund aci tsi pëlip uwats bëmabal.

FILIIPUS 3:9

ka winaa tsi nul, te u rits ciina tsi bëmabal nji bërierin ban pënëni bi tsi ulua-Moises, maa ban pënëni bi tsi uwak tsi Këristu. Aci bëmabal ban pënëni bi tsi Nasien-batsi a ba sëtsaraan tsi uwak.

1 PER 1:10

Aci-undo pëbuer pëmënts pi, pi bayëlia tsas pun pëme a bu kë teen uwar, a ba leents umeaatsa wi uleka bëtseend ba n jaakara ind bi;

2 PER 1:1

Simon Per naleemp, a na ciind Napostolu Yeesu Këristu, pa ban tsënkan bukunk uwak un ka wi bëkat pi wiic nja tsi bëmabal Nasien-batsi nja, ni Yeesu Këristu Nabueran.