ROOMA 2:5 - KARÚK-PËRIM KAWALU Nouveau Testament

⁵ Maa bi m liinc bunk been, ni bi uwaasu dits bunk ka witsësa, m ci tsi pëwúkandar beenu uriab, pa unu uriab, wi kawat-pëleents Nasien-batsi kamabal kë pibandari wi,

ROOMA 2:5 ပူးပေါင်းရင်းမြစ်များ

ROOMA 1:18

Uriab Nasien-batsi apibandari di batsi pa bañaan-bajin, undo karika-lënk Nasien-batsi kan ci ki-ba këci, ni kamabats kan ci ki-ba këci, bukul ba nëts biki ucär tsi kamabats;

ROOMA 11:25

Batsaar ni nji, nji n ŋalats ind pëpaaŋ un doots wink mea, pa ind përits tsu iyeen ind pëci bameko: katamb-uwaas abi tsi balon bañaan Israel, te uwal wi ban cits biki Bajudeu niaji wi bëlieng aba.

ROOMA 9:22

Wee kë ja wun uci Nasien-batsi ŋal pëpiban uriabul, ni pëtsu bañaan ba me pëyëlanul? Nul ajon mak ki na ci ki tsi pëmiira ban ka biki pëtsua tsi unoor, a ba yecisa pa pëniam,

2 KORINTU 5:10

Par nja bëlieng, ngë ka pëband di tsëko Këristu tsi kawat-pëleents, pa nan ci, në yank bëluk ko wi na ro wi, uwal wi na wama wi ci tsi uliaf wi; u ci ank uwar, oo u waraatsa wi.

2 TESALONIKA 1:5

Ngul apiban kawat-pëleents ki Nasien-batsi kë wat ki ci kamabal. Unk ngul, ngë tsu ind pëtsënkan pëci biki pësien Nasien-batsi, pul pi nda ci pi tsi pënoorar.

BAYEBËREU 3:13

Maa kara unu, tsi uwal u yëla wi ba këyëla pëjaa Ntsari, nda liinc-liincandari ngëwaas, pa manfalar ujuban tsë tsu nin nalon tsi ind na liinc been.

BAYEBËREU 3:15

bi u jaka bi: “Ntsari, uci nda te përimul, ind tsë tamban ngëwaas ind, bi u rolaa bi tsi kapok-ko un jaka wi.”

BAYEBËREU 4:7

Nasien-batsi atsu kak unu, a uu jaka, Ntsari, uwal wi u bi par ajon, a na ja ni mtum Dawid, bi u jakaa bi ba: “Ntsari, uci nda te përimul, ind tsë tamban ngëwaas ind.”

JAKOB 5:3

Uwëru ind, ni uncaam ind utsak area krus; a krus ngul kë natsara ind, kë leents nda lac, kë re uyamats ind pi bërua. tsi ngënu ngëtuami, nda jukëlën bëka ind!

2 PER 2:9

Ko wi, apiban nja Ajug yël përand balënk-nasien-batsi mteenamana, ni pëwët ba mabats biki tsi unoor, te Unu kawat-pëleents.

2 PER 3:7

Maa batsi ni utsia ngul ngan ci ngink inkri, përim Nasien-batsi pëloole pëmënts pun, ayecis ngul pa bërua, a pa gaangar ngul Unu kawat-pëleents, ni pëniam bameets-nasien-batsi.

JÚDAS 1:6

A ngëwaanju ngan tsuunkarats ngi ko wi nga ci wi, maa nga bër tsi nga ro tsi ciina, Nasien-batsi agaang ngul di bametsu karëm, a nga ricara sandëndën, pa Unu uwiak, wi kawat-pëleents.

UPIBAN 2:21

Man wëlul uwal pa na yaar ibats, maa ŋalats pëwëtan katúk-ufuts ki na ciina ki.

UPIBAN 6:17

Par unu uwiak, wi uriab bukul, abaandi! A yën ka yëlan un pëliincandër?”