ROOMA 2:27 - KARÚK-PËRIM KAWALU Nouveau Testament

²⁷ A na welaatsa unk kambac tsi uliaf kë ro ko wi ngëtsua ja wi, nul di kee watu pëleents-a? Wi na welee kambac, a m tsij bëpic, a kë ro ko wi ngëtsua pok wi.

ROOMA 2:27 ပူးပေါင်းရင်းမြစ်များ

MATEU 3:15

A Yeesu yankul, ajaul: “Wamaan wët. Par, unk di ngë ka run pëpiban ngëmabal bëlieng roaa.” A Joŋ niiranul.

NGËRO 13:22

Bi na pënan bi Sol, na natsandari bukul Dawid na ci nasien, nul ni Nasien-batsi ñakandari buts ulekaul aja: ‘Man win Dawid abuk Jese, niints nan ci pi uwaas nji, ni kan doi uŋal nji bëlieng.’

ROOMA 13:10

Nan kai bëŋal di ka ro acintsul ko u waraatsa wi; wul ka wun, nan kai bëŋal, aro ko wi ngëtsua tsu wi bëlieng.

ROOMA 2:15

Bukul bu piban uleemp ngëtsua picana di ngëwaas bukul, ngëwejats bukul apiban bukul ko umënts wan, a ngëtsaag bukul kë yankësar tsi pëtumtsar bukul ni pënatsar bukul;

ROOMA 2:20

wi nakus bameets-ko, najukan upäts, a tsi ngëtsua, m ci pi m ka ume ni ucär;

ROOMA 2:25

Tsi ucär kambac aka bëkat, uci m mob tsi përo ko wi ngëtsua ja wi; maa uci m ci naro ko wi ngëtsua pok wi, kawela-kambacu ka witsa ka ci kawelaatsa-kambac.

ROOMA 2:26

A uci ñaan na welaatsee kambac kë ro ngi ngëtsua tsu ngi, kawelaatsa-kambacul di ka winaa ka ci kawela-kambac-a?

ROOMA 2:29

maa Najudeu, aci nan ci-unk Najudeu di bametsuul, a kawela-kambac ci ki uwaas, kan pënë-ni ki tsi Uwejats; cits tsi bëpic. Namënts nun, cits bañaan-bajin ka rëmbanul bukun maa aci Nasien-batsi.

ROOMA 3:30

par tsi ucär, Nasien-batsi aci naloole baŋ, a nul ka tsu un ba wela biki kambac ba ciina bamabal tsi uwak; nul ka tsu un buts ba welaatsa biki kambac ba ciina bamabal tsi undo uwak.

ROOMA 8:4

pa bëmabal ban ci bi tsi ngëtsua pëci ba band bi tsi nja; n ja ban dits biki ka yandaar tsi uŋal uliaf, maa tsi Uwejats.

1 KORINTU 7:19

Kambac bërier kul cits ulon ko, maa ko u wara wi, aci pëmob tsi utsua Nasien-batsi.

2 KORINTU 3:6

Nul ci-un na wël wundi pëyëlan pëci baleemp tsi Karo-pëloole kawalu. Cits tsi upic, maa tsi Uwejats; par upic ka fiŋ, maa Uwejats ka wël wun ubiira.

GALAASIA 5:14

Par ulua un ci wi ba këci, abandanaana tsi përim pëloole rin, un ci wi: “Kë ŋal acintsu bi m ŋal bi beenu.”

EFEESU 2:11

Wul ka wun, nda lesan ki uwal ujon, ind ban cits biki Bajudeu tsi uyamats, a ban tsuar bukunk pëci biki iñan bañaan-bajin welan biki kambac tsi uyamats, kë ru ind koo ja bawelaatsa-kambac.

2 TIMOTEU 3:15

a m les, m me Bëpican Bëyëman ki m wam ki napäts. Ngul, a yëlan pëwëlu kameko, pa pëtsëpandu aa uwaku tsi Këristu Yeesu ka bueranu.

BAYEBËREU 11:3

Uwak, wi ngë meena wun uci përim Nasien-batsi leempëna pun ngëmundu. Unk, ko u wina wi pënënatsi tsi ko un yëlan wi pëwina iink.