ROOMA 16:5 - KARÚK-PËRIM KAWALU Nouveau Testament

⁵ Nda leendarin buts Ngëriisia ngan ci ngi di kato bukul. Nda leendarin Epainetu, ni n ŋali, nul nan ci nacak na niirani Këristu di Aasia.

ROOMA 16:5 ပူးပေါင်းရင်းမြစ်များ

MATEU 18:20

Par, tsi batëb oo bawaants júk tsi, tsi katim nji, man ci tsi pëncuaf bukul.”

NGËRO 16:6

A Pol ni Silas yaana Friijia ni pëboos Galaasia, par Uwejats-ujënts apok bukul pëleents përim di Aasia.

NGËRO 18:12

Maa bi Gaaliu ci bi na tsijëna-pëboos Akaaya, Bajudeu baar pëloole a ba natsara Pol, ba tsëpandul kato kawat-pëleents,

NGËRO 18:27

Bi na wejats bi pëband Akaaya, a batsaar tsi Këristu liinc-liincanul uwaas, ba picandar bafets Yeesu ban ci biki rul, pa ba welanul uwar. Bi na band bi rul, tsi bëtseend Nasien-batsi na ci bëtsënk pa ba uwak biki;

NGËRO 2:9

Nja ban pënë-ni biki Partos, Medos, Elamit, ni ban tsoar biki di Mesopotaamia, ni Judeeya, ni Kapadoosia, ni Pontus, ni Aasia,

ROOMA 11:16

Uci kafa kacak ki ifar ci kayëman, yul ifar bëlieng aci iyëman; a uci kabuul bëko ci kayëman, ina aci buts iyëman.

ROOMA 15:26

Par Ngëriisia Masedoonia ni ngi Akaaya, bëbaaraan pëwël bëtseend, pëtsënkëna baranj tsi bayëman ban ci biki di Jerusalem.

ROOMA 16:12

Nda leendarin Trifeena ni Trifoosa, bukul ba leemp biki ulemp uñatsal tsi Ajug. Nda leendarin Persis, na ŋalee, nul na noori mak tsi uleemp Ajug.

ROOMA 16:4

bukul ba niajan biki iyeen bukul tsi bëjuats, undo ubiira nji; a ndu n baran bukul tsi ko wan, te cits nji rin n baran un bukul, maa iriisia bëlieng yi ban cits biki Bajudeu, abaran buts bukul.

ROOMA 16:6

Nda leendarin Maaria, nul na noorar indi mak.

ROOMA 16:8

Nda leendarin Ampëliatus, natsaar ni nji ni n ŋali tsi Ajug.

1 KORINTU 16:15

Inkri, mán ñaan ind batsaar ni nji, nda me ne, bañaan kato Estefanas ci bukun bacak ba niiran biki Yeesu di Akaaya, a ba wël ngëbiira bukul pa uleemp bayëman.

1 KORINTU 16:19

Iriisia Aasia aleeni ind; Akiilas ni Priskila, bë leeni ind mak tsi Ajug, ni Ngëriisia ngan ci ngi di kato bukul.

2 KORINTU 1:1

Pol, Napostolu Këristu Yeesu tsi uŋal Nasien-batsi; ni Timoteu na tsaar ni nja tsi uwak, pa Ngëriisia Nasien-batsi ngan ci ngi di Korintu, ni bayëman bëlieng ban ci biki di Akaaya bëlieng.

2 KORINTU 9:2

par man me uwar bi nda car bi yecis tsi uŋal ind, a n píc tsi undo ind, tsi bërun bañaan Masedoonia; a nja: “Bañaan Akaaya ayecis ba ki baneki.” A undo bi nda yëkandar bi ko wan, a u liinc-liincan ngëwaas bacumal.

KOLOS 4:15

Nda leendarin ban tsaar biki ni njaa ba ci di Laodiseeya. Ndë leendarin buts ŋaats ni ka n jaka unk Nimfa, ni Ngëriisia ngan ci ngunk di katoul.

FILEMON 1:2

ni pa Apëfia, ŋaats nan tsaari ninjani pa Arkiipu, wi, acints wund nakaman, ni pa Ngëriisia ngi kan júk ngunk di katou.

JAKOB 1:18

abukëni nja përim ucär, tsi uŋalul, pa nja ka yëlan përo pi ngë ci bacäk tsi ngëkoul ngi na leemp ngi.

3 JOŊ 1:1

Najëŋal, pa Gaayu, nul na ŋalee, ni n ŋali ucär.

UPIBAN 14:4

Bamënts biki, bë ci ban tsopandarats biki ni bakaats, par bu meets ŋaats. Bukul ci bukun bafets Ubuk-unkaanel, tsi uu ya tsi ba këya. Bukul bu weelee tsi pëncuaf bañaan pa ba ci ngëtseend-ngëcak pa Nasien-batsi, ni Ubuk-unkaanel.