ROOMA 16:26 - KARÚK-PËRIM KAWALU Nouveau Testament

²⁶ maa inkri, a u pibanaa, a bañaan bëlieng me wul, undo Bëpican bayëlia, bi Nasien-batsi narika-ba tsu bi, pa ban cits biki Bajudeu bëlieng pëniiran përimul, undo uwak.

ROOMA 16:26 ပူးပေါင်းရင်းမြစ်များ

MARKU 16:15

A na ja bukul: “Nda tsëpan tsi umundu bëlieng, nda leentsan bañaan bëlieng Upetsan-uwar.

NGËRO 10:43

Ulekaul wi bayëlia bëlieng ñakandar wun aja: Na waki ba këwak tsi nul, në jampësaa ngëjuban tsi katimul.”

NGËRO 6:7

Unk, a përim Nasien-batsi kë laar mak, ucumara bafets Yeesu kë pe këpe pëwatsësar di Jerusalem, a kandënd bajakan niiran uwak.

ROOMA 1:2

Upetsan-uwar umënts wi, tsi uwal ujon, Nasien-batsi awatsanaan wul tsi bayëliaul tsi Bëpican Bëyëman.

ROOMA 1:20

Par ki uleempara umundu, ngi Nasien-batsi ngan dits ngi ka winaa, awina tsi ko un jënts wi, un ci wi pëyëlanul pan dits pi ka ba, ni bëciul Nasien-batsi, uci pëteenëna tsi ngi na ro ngi; unk bu ranjats ulaci,

ROOMA 1:5

A tsi nul, tsi wund yankëna tsun bëtseend ni pëci bapostolu, pa pëtsu ban cits biki Bajudeu bëlieng ba niiran uwak tsi katimul;

ROOMA 15:18

Par in di ka n yeents pëñakan ulon ko, ucits ba ngi Këristu roona ngi tsi nji, pa pëtsu ban cits biki Bajudeu ba niiran Nasien-batsi, tsi undo përim, ni undo ngandola ngi,

ROOMA 15:4

Par un do wi picana ba bëlieng uwal ujon, apicandara pëjukan nja pa nja ka ka uwats, tsi undo umiira ni kaliinc-liincan uwaas ki Bëpican wël ki.

ROOMA 3:21

Maa inkri, pëteenënats tsi ngëtsua, bëmabal Nasien-batsi apibandar; ngëtsua ni bayëlia aleents uleka bul.

GALAASIA 3:8

Bëpican acar apiban Nasien-batsi kë tsu ban cits biki Bajudeu pëci bamabal, tsi undo uwak bukul, a na cakës aleents Abraam upetsan uwar wi, aja: “Tsi uwi, tsi ngëcaak bëlieng kë beeniraana tsun.”

EFEESU 1:9

Nul tsu nja un pëme un doots wi mea, wi bëŋalul, bi u ci bi tsi ko uwar wi na ŋal wi u ci, a na tsu wul tsi Këristu;

EFEESU 2:20

Nda leempan tsi ujuundi di bapostolu ni bayëlia leemp ri; a nul Yeesu Këristu bërierul ci-un pëlaak pëtsaak.

KOLOS 1:26

Aci-un doots wunk mea a u bekaa aro ngëwal ni ngëraan, maa inkri, a u pibanaa bayiicul bayëman.

1 TIMOTEU 1:17

Unk nul Nasien tsi ngëwal bëlieng, nan ditsi ka cäts, nan ditsi ka winaa, nul Nasien-batsi koorul, na wëlaan urispiitu ni përëmb pa sandëndën! Ameen!

1 TIMOTEU 3:16

Tsi ucär, undoots wunk mea, wi kalënk-Nasien-batsi, arëmb: Nan pibandarii ni uliaf, Uwejats apiban na ci namabal; ngëwaanju awinul; aleentsaa tsi ban cits biki Bajudeu; bañaan awak tsi nul di umundu; atsëpanda përëmb batsi.

2 TIMOTEU 1:10

inkri, tsi upibandari Nabueran nja Këristu Yeesu, a bëtseend bëmënts bi pibanaa. Nul cok un uyëlan pëcäts, a tsi Upetsan-uwar a na cil ani pëyës ni karika-cats.

BAYEBËREU 13:8

Yeesu Këristu aci bi na ci bunk, taakal, ntsari, pa sandëndën.

BAYEBËREU 9:14

andes pëñaak Këristu, tsi Uwejats un dits wi ka ba, nul bërierul na wëli Nasien-batsi ubiiraul, a u ci bëjakan ban kaats bi ujink. Pul ka jëntsan pun ume-kabats nja pa pëpënan tsi wul ngëko ngan dolaa ngi, ngi kan tsëpand ngi ñaan pëcäts. Unk, nja ka yëlan puu leempar Nasien-batsi nayësal.

1 JOŊ 5:20

A ngë me Abuk Nasien-batsi bi, a na wël nja ume, pa n ja pëyëkëran Nacar nun. Nja ngë ci tsi Nacar nun, un ci wi, tsi Abukul, Yeesu Këristu. Namëntsi ci-un Nasien-batsi Nacar, ni ubiira un dits wi ka ba.

UPIBAN 1:17

Uwal wi n winul wi, a yër tsi iyotsul pi man cats. Maa a na paf kañanul kariir tsi nji, a na ja: “Cats lal; nji n ci-un Nacak ni Natuami,

UPIBAN 19:10

A n yër tsi iyots wul pa pëjintëla wul, maa a u jain: “Teenan-e, cats ro! Man ci acintsu naleemp, a n ciind acints ban tsaar biki ni wi, ba mob biki tsi ngi Yeesu. Jintëlaan Nasien-batsi; par pëmob tsi ngi Yeesu, ci wun uwejats pëleents u meaatsa wi.”