ROOMA 16:18 - KARÚK-PËRIM KAWALU Nouveau Testament

¹⁸ par bamënts biki cits tsi pëleempar Këristu Ajug nja maa bë ci tsi pëleempar ipës bukul; a ni irim ilílal ni kafal, bu kë niaman ban kaats biki ko ni ñaan.

ROOMA 16:18 ပူးပေါင်းရင်းမြစ်များ

MATEU 24:11

Bayëlia batsup bacumal ka natsa, bu kë fäl bañaan bacumal.

MATEU 24:24

Par barata bafälar, ni bayëlia bafälar, bu ka natsa, bu kë ro ngëpibanaani ngëwiak, ni ngëko ngan pikran ngi, pa puu fälëna bañaan, te ŋal ban data biki, uci ba yil bëro.

MATEU 6:24

Kaats ñaan nan yëlani pëleempar bawiak batëb. Par, na ro ank ba, në ka ni nu bëri, në ŋal nacints; oo në mob tsi nalon, në be nacints. Nda yëlants pëleempar Nasien-batsi, ndë tankëlaand pëleempar Bëka.

MATEU 7:15

Nda rukan ibats tsi bayëlia batsup; bi bu bi bi tsi ind ni kawara urafaal; maa di bametsu bukul, bë ci ngënjurtu ngëjuatsal.

KAKÚRAN-KAWAR YEESU KRISTU BI JOŊ LEENŢ BI KUL AJA 12:26

Uci ñaan kë leemparin, na fetsin; a tsëko tsi n ci tsi, naleemp nji ka ci buts tsul. Uci ñaan kë leemparin, Asin nji ka rëmbanul.

ROOMA 14:18

Nan ci tsi pëleempar Këristu a nuu ro unk, Nasien-batsi ka lílandërul, bañaan-bajin ka niiranul.

ROOMA 16:19

Bañaan bëlieng ame nda mob tsi përim; ko umënts wi ka wun n lílan tsi uleka ind, a ŋal ind pëci bameko tsi uleka ko u wara wi, ndë ci ban kaats biki ko ni ko u waraatsa wi.

2 KORINTU 11:3

Maa, man lënkar ngëwejats ind përits coka, ndë pën ka lawan kafac-uwaas kan ci ki tsi Këristu; bi uko-pëtsats fal bunk Eewa ni maniamëlan.

2 KORINTU 2:17

Par wund cits pi balon bañaan bacumal, biki kan júlats biki përim Nasien-batsi; maa, tsi Këristu, wund kë ñakan ni ucär tsi bërun Nasien-batsi, bi nul Nasien-batsi yëlii wund bi.

2 KORINTU 4:2

Maa wund abër përo ngëko ngan beka ngi, ngan kawaran ngi, wund ri ka yandaar tsi maniamëlan, a wund ri ka cík përim Nasien-batsi. A bi wund kë piban bi ucär, wund kë tsas pëgañaar ngëwejats bañaan bacumal tsi bërun Nasien-batsi.

GALAASIA 1:10

Inkri, ane mán tsas këtsas bañaan-bajin pëcikëndënin, oo Nasien-batsi? Oo mán tsas këtsas bañaan-bajin pëlilandërin-a? Uci wama ka tsas bañaan-bajin pëlilandërin, i bitse ka ci naleempar Këristu.

FILIIPUS 2:21

Par, aja nan ci nuu tsasar ngëko beenul, cits ngi Yeesu Këristu.

FILIIPUS 3:19

Ko wi bu kë tuamanaan wi, aci pëniam; par pëpës ci pun nasien-batsi bukul, a bu kë pícëna ko un ci wi bukul mkaw, bukul bawejats ngëko umundu.

KOLOS 2:4

Ma n ja ko wan, pa ñaan tsë fal ind ni irim ilílal.

KOLOS 3:24

Par nda me koon, Ajug ka wël ind bërukanda, bë ci bëluk. Aci Këristu, Ajug, ni nda ci-un tsi pëleempar.

2 TESALONIKA 2:10

Bul, buu roond ngëkoraar manfalar bëlieng tsi kamabats, pëniaman iyeen bukul, par bë niiraants bëŋal ucär din bu ka buerana.

1 TIMOTEU 6:5

ni mŋom man dits mi ka ba, mi bawaraats ngëwejats a bu katse me ucär, a ba ja ne pëlënk Nasien-batsi ka tsiji pëka bëka.

JAKOB 1:1

Jakob, naluek Nasien-batsi ni Yeesu Këristu, Ajug, pa këbuka untaaja kun ni këtëb, kan gara ki jëk umundu: Nda ciin uwar!

2 PER 2:3

Ni ibats karisan-ko, bu ka raacëna ind irim kanguungu, pëyankëna ind ngëko; kawata-pëleents bukul kan yecisa ki jon, di ka jon pëbaandi, te pëniam bukul di ka ŋooy.

JÚDAS 1:1

Júdas, naluek Yeesu Këristu, a na ci buts nan tsaari ni Jakob; pa bandua biki, biki Nasien-batsi Asin ŋal biki, a ba waaya tsi Yeesu Këristu.

JÚDAS 1:12

Bañaan bamënts biki bë ci mtsopi tsi ufesta ind wi butsaar. Bu kaats urispiitu uwal wi ba ci wi tsi bariala ni ind. Bu ci bayafan biki ka yafan biki iyeen bukul; a ba ci pi isa in kaats yi mlik, yi ufuts kë tsëpand yi. Bu ci pi mko man bëkats mi tsi uwal mul, a man dëtaa, man cäts ngëyaas ngëtëb.

JÚDAS 1:16

Bamënts biki ci bakuetar, barika-lílan tsi ngëbiira bukul, bu kë yandaar tsi ngi ngëliaf bukul kë rí ngi, itum bukul kë ja irim upíc; pa bëkat bukul bu kë bëndan bañaan.

UPIBAN 1:1

Upiban Yeesu Këristu, wi Nasien-batsi wëlul wi pa pëpibanaan baleempul ngan ka ngi pëbaandi, tsi ko un car wi. Atsu wul a u mea, bi na yëli bi uwaanjuul tsi naleempul, Joŋ;