ROOMA 15:7 - KARÚK-PËRIM KAWALU Nouveau Testament

⁷ Bi u ci bank, nda jaan ban ci biki bu ka welan bacints bukul, bi Këristu welan nja bi, pa përëmb Nasien-batsi.

ROOMA 15:7 ပူးပေါင်းရင်းမြစ်များ

MATEU 10:40

A na welan indi, awelanin; a na welanini, awelan ka yëliin.

MARKU 9:37

“Ñaan na welani nalon tsi upäts uties biki tsi katim nji, nji ni na welan un. A ñaan na welanini, cits nji ni na welan un, maa na yëliini.”

LÚKAS 15:2

A Bafariseu, ni bapican-ulua ci tsi pëŋëmŋëm koo ja: “Namëntsi awelan bajuban, a nu riala ni bukul.”

LÚKAS 9:48

na ja bukul: “Na welani napäts naties ni, tsi katim nji, awelanin. A na welanini, awelan na yëliini. Par, nan pei pëci ñaan naties tsi ind bëlieng, ci-un ñaan nawiak.”

KAKÚRAN-KAWAR YEESU KRISTU BI JOŊ LEENŢ BI KUL AJA 13:34

Mán wël ind utsua uwalu: Nda ŋalëlari; bi n ŋal ind bunk, nda ŋalëlari buts.

KAKÚRAN-KAWAR YEESU KRISTU BI JOŊ LEENŢ BI KUL AJA 6:37

Bañaan biki Asin nji wëlin biki bëlieng, bu ka bi tsi nji; a nan bii tsi nji, yaas a ka gutsarul utsand.

ROOMA 15:9

ni pëtsu ban cits biki Bajudeu përëmban Nasien-batsi, tsi undo kayëk-ipësul, bi u picana bi aja: “Wul ka wun, nji mán dëmbanu tsi pëncuaf ban cits biki Bajudeu, ka ya iya ubëndan pa katimu.”

ROOMA 5:2

A tsi uwak tsi Yeesu Këristu tsuuna nja tsun pëtsënkan bëtseend bi ngë mobëna bink aliincan; a tsi bul tsi ngë tsuuna tsun mbëndandar nja tsi uwats përëmb Nasien-batsi.

EFEESU 1:12

pa n ja pëci ubëndan përëmbul, n ja ban ci biki bacak ban tsu biki uwatsi nja tsi Këristu.

EFEESU 1:18

Nul na waantsan ind ngëwaas pa ind pëme uwats un ci wi tsi karuaul, ni bëka Përëmbul bi bayëmanul kë rukanda bi.

KOLOS 3:13

uja nan ci nuu miira acintsul, ñaan në jampësa acintsul uci na kaar ko ni nul. Bi Ajug jampësa ind bunk, ind buts nda rolan unk.