ROOMA 15:18 - KARÚK-PËRIM KAWALU Nouveau Testament

¹⁸ Par in di ka n yeents pëñakan ulon ko, ucits ba ngi Këristu roona ngi tsi nji, pa pëtsu ban cits biki Bajudeu ba niiran Nasien-batsi, tsi undo përim, ni undo ngandola ngi,

ROOMA 15:18 ပူးပေါင်းရင်းမြစ်များ

MATEU 25:16

A na yank unk këtaleentu kañan tsëp ee leempëna kul, a na gaañaari këtaleentu kañan këcínts.

MARKU 16:20

A bafetsul tsëp ee ka leents Upetsan-uwar di ngëleka bëlieng. Ajug kë leemp ni bukul; a tsi ngëpibanaani ngan ci ngi tsi përolaa, a nuu piban përim baaraan pëci.

NGËRO 14:27

Bi ba band bi Antiookia, a ba jukëlan bañaan Ngëriisia, ba leents bukul ngëko ngi Nasien-batsi ro ngi ni bukul, ni bi na waants bi ban cits biki Bajudeu pëlëman uwak.

NGËRO 15:12

A kandënd bañaan yëŋandar bëlieng, a bu kë cínkëndan Barnabas ni Pol, ban ci biki tsi pëleents ngëko ngan pikra n ngi, ni ngëpibanaani ngi Nasien-batsi roona ngi tsi iñan bukul, tsi pëncuaf ban cits biki Bajudeu.

NGËRO 15:4

Bi ba band bi Jerusalem, a bapostolu, ni bajëŋal, ni Ngëriisia welan bukul uwar, a ba leents ngëko bëlieng ngi Nasien-batsi ro ngi ni bukul.

NGËRO 21:19

Pol leena bukul a na leents bukul ngëko ngi Nasien-batsi ro ngi, uloole-uloole tsi uleempul tsi pëncuaf ban cits biki Bajudeu.

NGËRO 26:20

maa, man cakës pëleents bañaan Damaasku përim, ni di Jerusalem buts, ni di Judeeya bëlieng, ni ban cits biki Bajudeu, pa ba yaar ibats, bu ka witsësee pa Nasien-batsi, bu ka mob tsi përo ngëko ngi kan piban ngi ba yaar ibats.

ROOMA 1:5

A tsi nul, tsi wund yankëna tsun bëtseend ni pëci bapostolu, pa pëtsu ban cits biki Bajudeu bëlieng ba niiran uwak tsi katimul;

ROOMA 16:26

maa inkri, a u pibanaa, a bañaan bëlieng me wul, undo Bëpican bayëlia, bi Nasien-batsi narika-ba tsu bi, pa ban cits biki Bajudeu bëlieng pëniiran përimul, undo uwak.

ROOMA 6:17

Ngë ja Nasien-batsi baran! Ind ban do biki ci baluek ujuban, maa, nda niiran di ngëwaas ind bëlieng bëjukan ba naam bi ni bi nda wëla bi.

2 KORINTU 11:31

Nasien-batsi, Asin Yeesu Ajug ni ka n jaaree-ngëwar pa sandëndën ame n tsupats.

2 KORINTU 12:6

Uci n ŋal pëbëndan been nji, in cits nafuur, par mán leents ucär. Maa mán wët pëbëndan been nji, pa ñaan përits fierandin na pean ko wi nu win wi tsi nji, ni wi nu te wi.

2 KORINTU 3:5

Cits pëjaa wund bërier wund ka bukun pëyëlan përo ulon ko, pi apënë-ni tsi wund; maa tsi Nasien-batsi, tsi pëyëlan wund pënë-ni tsun.

2 KORINTU 6:1

A wund biki ka leemp biki ni Nasien-batsi, wund abuara ind, ind tsë tienkëtsan bëtseend bi nda yank bi di Nasien-batsi.

GALAASIA 2:8

par na leemp unk bi Per, a na tsuul pëci Napostolu bawela-kambac, nul leemp un buts bi nji, a na tsuin pëci Napostolu ban cits biki Bajudeu.

KOLOS 3:17

Ko wi nduu ro wi ba këro, tsi irim oo tsi karo-ko, nda roan wul tsi katim Yeesu, Ajug; tsi nul nduu baran Nasien-batsi, Asin.

2 TESALONIKA 2:17

Na liinc-liincani ind ngëwaas, në tsu ind pëliinc tsi përo ko un ciwi-ba këci uwar, ni tsi përim pan ci pi-ba këci pëwar.

BAYEBËREU 11:8

Uwak tsu wun Abraam, uwal wi na rua wi pa na tsëp tsëko tsi nu yank tsi, tsë ci bërukandaul, a na niiran a na tsëp, ŋal bi na meets bi tsi nu ya tsi.

BAYEBËREU 5:9

A uwal wi na tsua wi nan bai pëci nawar, a na ruka ci nan kaanee pëbuer pan dits pi ka ba, pa bañaan bëlieng biki kando biki ko wi na ja wi,

JAKOB 1:22

Nda moban tsi përo ko wi përim ja wi, ind tsuu tsë cikëndan këcikëndan pul rin, tsi kafäl iyeen ind.

1 JOŊ 3:18

Upats uties, n ja tsuuts ŋalëna përim ni pëndiamënt rin, maa ngë ŋalëna karo-ko, ni ucär.

JÚDAS 1:9

Ŋal Mikayel, un ci wi uwiak ngëwaanju, yeentsats pëkar Ujabël, uwal wi nguu totëlar wi irim tsi uleka puum Moises; maa u ja wul: “Ajug na leentsariu.”