ROOMA 15:16 - KARÚK-PËRIM KAWALU Nouveau Testament

¹⁶ pa nji pëci naleempar Këristu Yeesu tsi pëncuaf ban cits biki Bajudeu, pa nji puu leents Upetsan-uwar Nasien-batsi, pa ban cits biki Bajudeu pëci bëtseend ba líl bi Nasien-batsi, bul ban jëntsanaana bi Uwejats-ujënts.

ROOMA 15:16 ပူးပေါင်းရင်းမြစ်များ

NGËRO 13:2

Bi ba ci bi tsi përëmban Ajug a ba bërand mlik, Uwejats-ujënts ja: “Nda patsandi Barnabas, ni Sol, pa uleemp wi duuri wi bukul.”

NGËRO 20:24

Maa, nji n tsuuts ubiira nji ko un ka wi bëkat, uci pëjaa man túk pëtuk nji uwar, a n do uwar uleemp wi Yeesu, Ajug, wëlin wi përo, nji pëci naleents Upetsan-uwar, uleka bëtseend Nasien-batsi.

NGËRO 20:32

A inkri, man tanan ind Nasien-batsi, ni përimul pi bëtseend, pan ka pi pëyëlan pëliican ind ni pëwël ind bërukanda ban tsuura bi ban patsana biki bëlieng.

NGËRO 22:21

Maa, Ajug jain: ‘Tsëpan! Mán yëlu lawan, di ban cits biki Bajudeu.’”

NGËRO 9:15

Maa, Ajug jaul: “Tsëpan, par namëntsi, aci kaŋí ki n dat ki pa pëtsëpand katim nji tsi bërun ban cits biki Bajudeu, ni basien, ni babuk Israel.

ROOMA 1:1

Pol, naleemp Këristu Yeesu, nanduuree pëci Napostolu, a na patsandara pëleents Upetsan-uwar Nasien-batsi.

ROOMA 11:13

Inkri, man ci tsi pëñakanaan ind, ind ban cits biki Bajudeu; bi n ci bink Napostolu ban cits biki Bajudeu, ka wun n dëmban uleemp nji,

ROOMA 15:18

Par in di ka n yeents pëñakan ulon ko, ucits ba ngi Këristu roona ngi tsi nji, pa pëtsu ban cits biki Bajudeu ba niiran Nasien-batsi, tsi undo përim, ni undo ngandola ngi,

ROOMA 15:19

tsi pëyëlan ngëpibanaani ni ngëko ngan pikra n ngi undo pëyëlan Uwejats Nasien-batsi; unk, a n leents Upetsan-uwar Këristu a n jëkëlan, pëpën tsi Jerusalem ni ngëcaak ngan fay ngi dul, te di Iliriku.

ROOMA 15:20

Unk, a n tambandër tsi pëleents Upetsan-uwar, di ngëleka ngi katim Këristu netse ngi leentsaa, pa përits niew tsi ruets ujuundi nalon;

ROOMA 15:29

A n me ne, ubi nji pëwin ind, mán cum ni ngëko ngëwar Këristu pëbi.

ROOMA 5:5

A wul uwats di ka fal ñaan, par Uwejats-ujënts wi ngë wëla wi, atular bëŋal Nasien-batsi di ngëwaas inja.

1 KORINTU 3:5

Bi u ci bank, yën ci-un Apolos? A yën ci-un Pol? Baleemp ban tsiji ind biki tsi uwak; bu ro ank bi Ajug wël bi kara ñaan na ro.

1 KORINTU 4:1

Unk, bañaan aka pëtsu nja pëci baleemp Këristu, ni pëci ban gaangana biki ngi Nasien-batsi ngandoots ngi meaa.

1 KORINTU 6:19

Ane nda meets uliaf ind ci kato-kayëman Uwejats-ujënts un ci wi di ind-a? Wi nda yank wi tsi Nasien-batsi, a cits wiic ind bërier ind.

2 KORINTU 11:23

Mán ñakan pi in kaats uwejats. Bu ci baleempar Këristu-a? Nji man pe bukul! Tsi uleemp u ñats wi, man pe bukul! Tsi përica, man pe bukul! Tsi këlumbanj ki n lumbanjaa ki, jaakaats! Tsi pëjuatsan te a ndu n tsas pëcäts, ngëyaas ngëcumal!

2 KORINTU 5:20

Bi u ci bank, wund aci baciir Këristu, a wund biki Nasien-batsi ruuni ind bukun. tsi katim Këristu, wund abuara ind nda teelari ni Nasien-batsi.

2 KORINTU 8:5

Bukul bu wël apar-paran ko wi wund wejats wi; par ucäk, bu wël iyeen bukul Ajug, a ba ru wël wund tsi uŋal Nasien-batsi.

GALAASIA 3:5

Ni ka wël ind unk Uwejats, a nuu roond bawitsa tsi pëncuaf ind, ka ro bawitsa undo nda mob tsi përo ko wi ulua tsu wi, ane undo nda mob tsi pëcikëndën përim uwak-a?

EFEESU 2:18

par tsi nul, ind ni wund ngë ka bëga bëbaandë-ni di Asin tsi Uwejats uloole.

EFEESU 2:22

A tsi nul, ind buts nduu ci tsi pëleempaa nda mobulana pa pëci tsëciini Nasien-batsi tsi Uwejats.

EFEESU 5:2

nda yandaari tsi bëŋal, bi Këristu ŋal nja bi a na wël ubiiraul bërierul pa n ja, pi bëtseend ni bëjakan ba líl bi pëñal pa Nasien-batsi.

FILIIPUS 2:17

Maa, ŋal ank ka ka pëwël ubiira nji u ci bëjakan ni bëtseend uleemp uwak ind, man lílan, a ndu n juc ni ulílan ni ind bëlieng.

FILIIPUS 4:18

Man yank ngëko bëlieng a n kësan, a n par-paran. Man cumana ngi n fier ngi, bi Epafëroditu wëlin bink ngi nda wëliin ngi. Ngul, aci pi ulicar u líl wi pëñal, bëjakan ba niiranaa bi, ba líl bi Nasien-batsi.

1 TESALONIKA 2:2

Wund aro ci tsi unoor a wund tsijaa pëtsija pa waraatsa pi di Filiipus, bi nda me bunk. Maa ŋal bi ukam ci bi uwiak, wund aliincan ngëwaas tsi Nasien-batsi wund, pëleents ind Upetsan-uwar Nasien-batsi.

1 TESALONIKA 2:9

Batsaar ni wund, nda lesan-e uleemp wund uñatsal, ni unoor wund, bi wund kë leents ind bi Upetsan-uwar Nasien-batsi, a wund ja wund roon wund kë leemp bërëm ni pënak, pa përits ci pëyunts pa nin nalon tsi ind.

1 TESALONIKA 5:23

Nasien-batsi pëfac, bërierul na jëntsani ind cës; a uwejats ind u gaangaan ni uwaas, ni uliaf tsi kakaats-ulaci, te ubiri Ajug nja Yeesu Këristu.

1 TIMOTEU 1:11

Ci wun ko u yuk wi ni Upetsan-uwar përëmb Nasien-batsi, nul nanaakal; wul wi n tergaara wun.

1 TIMOTEU 2:7

undo un pibana wink, ka wun n tsua pëci naleents përim ni Napostolu – nji n tsupats, man leents ucär – a n tsuunda pëci najukan bañaan ban cits biki Bajudeu ko un ci wi uwak, ni ucär.

2 TIMOTEU 1:11

Undo Upetsan-uwar wi, ka wun n tsua pëci naleents-përim, ni Napostolu, ni najukan.

BAYEBËREU 13:16

Ind tsë fin karo-uwar, ni mantsënkëlar; par ijakan pi imënts yun, Nasien-batsi aja na roon në lílandër yul.

1 PER 1:12

Bukul bu pibana u cits pa bukul bërier bukul, maa ind biki ba leempar bukun ngëko ngi nda leentsa ngi inkri; a baleents Upetsan-uwar leentsëna ind ngul tsi pëyëlan Uwejats-ujënts u wëtanee wi di batsi. Ngëko ngëmënts ngi, ngi ngëwaanju ŋal ngun pëjuunkats.

1 PER 2:5

Ind bërier ind, nda ci pi ilaak i tsij yi ubiira, a nda leempaa kato Uwejats Nasien-batsi pa ind pëci bëjúk bajakan bëyëman, pa puu wël ijakan Uwejats Nasien-batsi, i Nasien-batsi kë lílandër yi tsi Yeesu Këristu.