ROOMA 15:1 - KARÚK-PËRIM KAWALU Nouveau Testament

¹ Nja ban ci biki baliincal, ngë ka puu miira ban daf bukunk, tsi bërafal bukul, nja ka wët puu ro u líl nja wi.

ROOMA 15:1 ပူးပေါင်းရင်းမြစ်များ

ROOMA 14:1

Nda niirani nan dafi tsi uwak, ind tsë lacanul tsi ibats i na tsij yi.

ROOMA 14:2

Nalon ka wak na yëlan përe un ci wi-ba këci, maa nan dafi ka re ngëko uwoorta rin.

ROOMA 4:20

Ŋal tsi kakaats-uwak Abraam, nul tsijënats ngëwejats ngëtëb tsi uleka ko wi Nasien-batsi watsan wi. A na liinc-liincana tsi uwak, a nu rëmban Nasien-batsi;

1 KORINTU 4:10

Wund aci bafuur tsi undo Këristu, maa ind nda ci bameko tsi Këristu; wund aci barafal, maa ind nda ci baka-uyëlan. Ind nda rispitaara, maa wund wund tsuaatsa ko.

1 KORINTU 9:22

Pa barafal, a nduka n ci pi narafal, pa pëgaañaar barafal. Mando ngëko bëlieng pa bañaan bëlieng, pa undo pëbueran balon.

2 KORINTU 12:10

Wul ka wun n du n lílan tsi bërafal nji, tsi ikar, tsi ngënjuatsia, tsi pënoor-noorana, ni tsi pëtsua tsi unoor undo bëŋal Këristu. Par uwal wi n ci wi tsi bërafal, din, ka ruka ci na liinci.

EFEESU 6:10

Pa pëtuamës, nda tambandari tsi Ajug ni tsi uyëlan pëyëlanul.

FILIIPUS 2:4

Nan ci, nul tsë teenëna ngiicul bërierul, maa na teenëni buts ngi bacintsul.

1 TESALONIKA 5:14

A wund kë buara ind, ind batsaar ni wund, nda leentsari batsuunk-uleemp, nda liinc-liincani ngëwaas baraf-katsëb, nda tsënkan ban ci biki barafal, nda miiraan bañaan bëlieng.

2 TIMOTEU 2:1

Wi, napäts nji! Bi u ci bank, liincandari tsi bëtseend ban ci bi tsi Këristu Yeesu.

1 JOŊ 2:14

Upats uties, man picari ind, par nda me Asin. Basin upäts, man picari ind, par nda me na ci wunk ki ujuundi. Batsasa, man picari ind, par nda tsij uyëlan, a përim Nasien-batsi mob tsi pëci di ind, a nda gaañaar Naro-ngëko-kawaraatsa.