ROOMA 14:18 - KARÚK-PËRIM KAWALU Nouveau Testament

¹⁸ Nan ci tsi pëleempar Këristu a nuu ro unk, Nasien-batsi ka lílandërul, bañaan-bajin ka niiranul.

ROOMA 14:18 ပူးပေါင်းရင်းမြစ်များ

MARKU 13:34

Aci pi ñaan ni kan tsëpi bëyaas: Aruk katoul, a na tsu baleempul ko wi ba ka wi përo, kara ñaan ni uleempul; a na tsu nawaay-pëlëman na waay.

KAKÚRAN-KAWAR YEESU KRISTU BI JOŊ LEENŢ BI KUL AJA 12:26

Uci ñaan kë leemparin, na fetsin; a tsëko tsi n ci tsi, naleemp nji ka ci buts tsul. Uci ñaan kë leemparin, Asin nji ka rëmbanul.

NGËRO 10:35

maa tsi ucaak un ci wi-ba këci, na lënkuli a nuu ro ko u mab wi, në niiranul.

ROOMA 12:11

Ind tsë ci babisaran, maa nda ciin ba yëkan biki tsi uwejats, nduu leempar Ajug.

ROOMA 14:4

Wi m ci yën, pa pëlacan naluek nan citsi niicu? Na nats uu, na yër uu, umënts wan ajugul bërierul me un; maa ka nats, par Ajug aka pëyëlan pa pënatsanul.

ROOMA 16:18

par bamënts biki cits tsi pëleempar Këristu Ajug nja maa bë ci tsi pëleempar ipës bukul; a ni irim ilílal ni kafal, bu kë niaman ban kaats biki ko ni ñaan.

ROOMA 6:22

Maa inkri, bi nda facana bink tsi ujuban, a nda ruka ci baluek Nasien-batsi; ko wi ndu buk wi inkri aci bëjëntsal, tsi utuami u ci ubiira un dits wi ka ba.

1 KORINTU 7:22

Par ni Ajug rui a na ci naluek, në ruka ci ni Ajug buerani. Unk buts nan ci nafacal a na ruee, në ruka ci naluek Këristu.

2 KORINTU 4:2

Maa wund abër përo ngëko ngan beka ngi, ngan kawaran ngi, wund ri ka yandaar tsi maniamëlan, a wund ri ka cík përim Nasien-batsi. A bi wund kë piban bi ucär, wund kë tsas pëgañaar ngëwejats bañaan bacumal tsi bërun Nasien-batsi.

2 KORINTU 5:11

A tsi inkri, wund ame ko un ci wi pëlënk Nasien-batsi, wund ka tsas pëbaar pëtsu bañaan ba fiaar; Nasien-batsi ame wund, a nji a n fiaar, ind tsi ngëwejats ind nda me wund buts.

2 KORINTU 5:9

Wul ka wun, nja ngë ka përo uyëlan pa pëci biki Ajug kë lílandër biki; ŋal nja ka wama ci tsi uliaf wi, oo ŋal nja ka pën tsi uliaf wi.

2 KORINTU 6:4

A tsi ngëko ngi wund kë par-na ngi bëlieng, wund ka piban bërier wund, wund ci baleemp Nasien-batsi tsi pëliincandër, ni tsi pëjuatsan, ni tsi unoor,

2 KORINTU 8:21

Ko wi wund pe wi pëfierand aci përo ko u mab wi, a cits tsi bërun Ajug rin; maa tsi bërun bañaan buts.

FILIIPUS 4:18

Man yank ngëko bëlieng a n kësan, a n par-paran. Man cumana ngi n fier ngi, bi Epafëroditu wëlin bink ngi nda wëliin ngi. Ngul, aci pi ulicar u líl wi pëñal, bëjakan ba niiranaa bi, ba líl bi Nasien-batsi.

FILIIPUS 4:8

Pëtuamës, ind batsaar ni nji, ko un ci wi-ba këci ucär, ko un ci wi-ba këci wi urispiitu, ko un ci wi-ba këci umabal, ko un ci wi-ba këci ujëntsal, ko un ci wi-ba këci-un ka wi pëŋalaa, ko un ci wi-ba këci-un ka wi pëbëndanaa – uci ko ci a u buer pëwara, oo a u tsënkan pëjaa abëndanaa —nda tsuun ibats tsi ngëko pi ngëmënts ngun.

KOLOS 3:24

Par nda me koon, Ajug ka wël ind bërukanda, bë ci bëluk. Aci Këristu, Ajug, ni nda ci-un tsi pëleempar.

1 TIMOTEU 2:3

Umënts wun aci ko u wara wi a u líl tsi bërun Nasien-batsi, Nabueran n ja,

1 TIMOTEU 5:4

Maa uci nan catsëndani ayënul ka upäts oo batiemi, ba pibani bërun ba lënk Nasien-batsi, tsi ngi ba ka ngi puu roor bañaan kato bukul, pa pëlukëna ban buk biki bukul, ni batiem bukul; par ko umënts wun aci u líl wi tsi bërun Nasien-batsi.

1 PER 2:12

Nda ciin biki ka yandaar biki uwar tsi pëncuaf ban cits biki Bajudeu. Unk ŋal tsi ko uwutsëtsuel wi bu kë jaar ind wi, pi nda ci baro-ngëko-kawaraatsa, bu ka facana tsi undo ngëko ngëwar ngi ndë ro ngi, bu ka bëndan Nasien-batsi tsi unu wi nuu bi wi buwuula.

1 PER 2:20

Poom përëmb pi ndu ka pun tsi unoor wi ndu miira wi tsi kabupa, uci nda ro ujuban? Maa uci nduu ro uwar, a nduu noorana a nda tambandër, aci bëtseend tsi bërun Nasien-batsi.

1 PER 2:5

Ind bërier ind, nda ci pi ilaak i tsij yi ubiira, a nda leempaa kato Uwejats Nasien-batsi pa ind pëci bëjúk bajakan bëyëman, pa puu wël ijakan Uwejats Nasien-batsi, i Nasien-batsi kë lílandër yi tsi Yeesu Këristu.

1 PER 3:16

Maa, nda roan ko wan tsi kajuab-ngëwaas, ni urispiitu. Ndë tsijand ngëwejats ngëwar, pa tsi ko wi bu kë karëni ind wi, bu ka kawa, bukul biki ka nja biki ngan waraatsa ngi tsi bëci ind bëwar tsi Këristu.