ROOMA 13:7 - KARÚK-PËRIM KAWALU Nouveau Testament

⁷ Bi u ci bank, kara ñaan, nda wëlanul ko wi nda ka wi pëwëlul: ni nda kai pëluk bacal, nda lukanul bacal; ni nda kai pëluk uraasa, nda lukanul uraasa; ni nda kai pëlënk, nda lënkanul; ni nda kai përëmban, nda rëmbaniul.

ROOMA 13:7 ပူးပေါင်းရင်းမြစ်များ

MATEU 17:25

A Per yankës aja: “Eey-e.” Bi Per niaj bi kato, a Yeesu cakës un pëñakan, a na ja: “Simon, uci wi kë ja um? Basien tsi umundu, bë ja ba roon bu kë tsu bokoom pëluk pataant oo pëluk bëluk-uraasa? Babuk bukul oo batsooŋ?”

MATEU 22:21

A ba yankul aja: “Bi Seesar.” Din, a na ja bukul: “Bi u ci bank, nda wëlan Seesar ngi Seesar, ndë wël Nasien-batsi ngi Nasien-batsi.”

MARKU 12:17

Din, a Yeesu ja bukul: “Nda an Seesar ngi Seesar, ndë Nasien-batsi ngi Nasien-batsi.” A ba pikra mak tsi ulekaul.

LÚKAS 20:22

Nja pëluk Seesar uraasa, aniirana oo niiranaatsa?”

LÚKAS 20:25

A ba ja: “Bi Seesar.” Din, a Yeesu ja bukul: “Bi u ci bank, nda wëlan Seesar ngi Seesar; ndë wël Nasien-batsi ngi Nasien-batsi.”

LÚKAS 23:2

Ba kur pëtumtsarul, a bu kë ja: “Wund atsënk niintsi, nuu cok ucaak nja; aci tsi pëlaaŋ bañaan pëluk Seesar uraasa, nuu ja, nul bërierul ci-un Këristu nasien.”

ROOMA 12:10

Nda ŋalëlari di ngëwaas ind ni bëŋal mantsaalar, ndë ja ñaan, në rëmban acintsul.

ROOMA 13:6

Undo ko umënts wi buts, ka wun ndu luk uraasa, par msien aci baleempar Nasien-batsi, a ma mob tsi përo uleemp umënts wi.

EFEESU 5:33

Bi u ci bank, ind buts kara ñaan tsi ind na ŋalan aarul bi na ŋal bi beenul bërierul; a ŋaats, na rëmbani ayënul.

EFEESU 6:5

Ind baluek, nda roan ko wi bajug ind tsi uyamats kë ja ind wi. Nda roan wul tsi bulal ni pëlënk, ni kajuab-ngëwaas ind; pi aci pa Këristu ni nduu leempar un.

1 TIMOTEU 5:13

a bu kë tsuunkand karo-ko, a ba ja ba roon bu kë yaana ito. A te bë cits batsuunk rin, maa bu buer uñakan, a bu kë tsu mtum bukul tsi ngëko bañaan, bu kë ja ngi ba kaats ngi pëja.

1 TIMOTEU 5:17

Ban tsua biki bajëŋal di Ngëriisia a bu kë leemp uwar uleemp kayër-bërun, bu tsënkan puu wëla urispiitu un kës wi mak, andes bajëŋal ban ci biki tsi unoor kaleents-përim, ni bëjukan.

1 TIMOTEU 6:1

Ba moba biki bëlieng pëluek, ba moban bawiak bukul ni urispiitu bëlieng, pa katim Nasien-batsi, ni bëjukan tsë karaa.

1 PER 3:7

Ind bayën bukul buts, nda ciin tsi manteelar ni baar ind, ndë me ba ci pi kaŋí kan daf ki. Nda rëmbani bukul, par ind ni bukul ka rukanda bukun bëtseend ban tsij bi ubiira; ko tsë ci wi ka laaŋ wi bëñaan ind.