ROOMA 13:13 - KARÚK-PËRIM KAWALU Nouveau Testament

¹³ Nda ju ngë yandaar tsi bëmabal, pi ñaan ni ka yandaari tsi pënak ndakaŋ; ind tsë mob tsi buwaamal ni ukuj, nin ind tsë mob tsi mampiintsandar ni karika-kawa, nin ind tsë mob tsi pëŋom ni mankocar.

ROOMA 13:13 ပူးပေါင်းရင်းမြစ်များ

LÚKAS 1:6

Sakaria ni Elisabet, bë ci bamabal tsi bërun Nasien-batsi; bë meandaatsa uwutsëtsuel tsi ngëtsua Ajug bëlieng, ni tsi irim i na ja yi bëlieng.

LÚKAS 16:19

“Aka nalon narëmb nanjai na roon nu tiema iŋi ijankal caw, a i ñats mak. A na ja kara unu në ci tsi ulílan, nuu kul.

LÚKAS 21:34

Nda rukan ibats tsi uleka ind bërier ind, ngëwaas ind përits cum ni bëwaamal, ni ukuj, ni kawejats ngëko ubiira, pa unu umënts përitsii baandë-ni ind ucar umënts

NGËRO 2:15

Bañaan biki kujats, bi nda ci bunk tsi pëwejats, par aru ci ngëler këwas ni ulon ngi bëfa.

1 KORINTU 3:3

par nda wama ci pi bañaan umundu. Bi nda wama bink a tsij mankocëlar ni pëŋom tsi pëncuaf ind, pibanats nda wama ci pi bañaan umundu, a nduu yandaar pi bañaan-bajin kë yandaar pi-a?

GALAASIA 5:19

Par, ngi uliaf kë ro ngi awinaa, ci ngun ngi: katúk-ufuts, ni mtsopi, ni pëbaar tsi mampiintsandar,

GALAASIA 5:21

ni mankocar, ni ukuj, ni buwaamal. A ngëko pi ngëmënts ngi, ma n ja ind, bi do bi car aleents ind, ban mob biki tsi përo ngul, bu ri ka rukanda pësien Nasien-batsi.

EFEESU 4:1

Wul ka wun, nji narica nan ci tsi Ajug, man buara ind nda ru kë yandaar uwar tsi karua ki nda ruuree ki,

EFEESU 4:17

Wul ka wun, ko wi, wi n du n ja wun, a ndu n leents wul tsi Ajug: Ind tsë kaka yandaar bi ban cits bukunk Bajudeu kë yandaar bunk tsi ngëwejats bukul bërier bukul ngan kaats ngi bëkat.

EFEESU 5:15

Wul ka wun, nda roon bëtsaag tsi bëyandaar ind, ind tsë ci bafuur; maa nda ciin bameko.

EFEESU 5:18

Ind tsë kuj pëwat, pul aci kacok ubiira; maa nda cuman ni Uwejats-ujënts.

EFEESU 5:8

par uwal ujon, ind nda ro ci karëm, maa inkri, nda ci ufac tsi Ajug. Nda yandaari pi upäts ufac;

FILIIPUS 1:27

Maa ko uloole rin, nda yandaari bi u ka bi pëci tsi Upetsan-uwar Këristu. Unk, uci ank n bi a n win ind, oo uci ank n cits a n te uleka ind, ka me nda ci tsi pëliincandër tsi kabof-uwejats uloole, a nduu bof ukam tsi uwaas uloole, pa uwak Upetsan-uwar.

FILIIPUS 2:3

Ind tsë ro ko, pa pëpícëlër, nin pa pëpibandar; maa tsi kawelan-been, nan ci na moban bacintsul pi bu peul.

KOLOS 1:10

Unk, nduu yandaar tsi ko u mab wi tsi Ajug, tsi puu ro ko u lílul wi ba këlíl; nduu ka bëkat tsi ko wi nduu ro wi ba këro, u wara wi, nduu ya këya bërun tsi ume Nasien-batsi.

KOLOS 3:5

Bi u ci bank, ngiic ind ngi umundu, nda tsuun ngul nga cäts, un ci wi: katúk-ufuts, bëtsopal, karí-ko kan pelëk ki, uŋal u waraatsa wi, nikariisan-ko, kul kan ci ki kajintëla-icap.

1 TESALONIKA 2:12

A wund ci tsi pëtseend ind ibats, ni pëliinc-liincan ind ngëwaas, ni pëja ind nda yandaari bëyandaar ba mab bi tsi Nasien-batsi, nul nanduuri indi pësienul ni përëmbul.

1 TESALONIKA 4:12

Din, bañaan utsand ka win bëci ind bëwar; unk nda rits fier ñaan.

1 TESALONIKA 5:17

Nda ñaanan, ind tsë wëtan.

JAKOB 4:5

Ane nda ja ne, përim pi Bëpica n ja pink kaats bëkat-a? Iink di pa ja run: “Nasien-batsi aŋal Uwejats wi na tsu wi tsi nja a na laaŋaraan wul;

1 JOŊ 2:6

Ñaan na njai amob tsi pëci di nul, aka pëyandaar bi Yeesu Këristu yandaar bi.

2 JOŊ 1:4

Man ci ni ulílan mak bi n tsënk bi balon tsi upätsu kë yandaar tsi ucär, pi utsua wi ngë yank wi di Asin.

JÚDAS 1:23

nda waji bukul di bërua, ndë bueran bukul. Nda yëkari bacints bukun ipës tsi puu lënk Nasien-batsi; maa, nda ñutsaan ŋal iŋi yi ngëliaf bukul tsopan yi.