ROOMA 12:8 - KARÚK-PËRIM KAWALU Nouveau Testament

⁸ uci pa puu liinc-liincan ngëwaas bañaan, na liinc-liincani ngëwaas bañaan; uci pa puu tsënk, na tsëkan ni uwaas un fac wi; uci pa puu mandaar, na mandaari ni uŋal; uci pa puu yëkar bañaan ipës, na roan ank ni ulílan.

ROOMA 12:8 ပူးပေါင်းရင်းမြစ်များ

MATEU 25:40

Nasien ka yank bukul ka ja: ‘Mán leents ind ucär: Ko wi nda roor wi ba naloole tsi ban pe bikink pëci baties, tsi ban tsaar biki ni nji, nji ni nda roor un.’

NGËRO 11:23

Bi na band bi, a na win bëtseend Nasien-batsi, na lílan, a na liinc-liincan bukul ngëwaas bëlieng, pa ba mob ba liincan tsi Ajug, di ngëwaas bukul bëlieng.

NGËRO 13:12

A bi nasien win bi ko un par wi, na wak tsi Yeesu, a na pikra tsi bëjukan Ajug.

NGËRO 13:15

Bi ba ba bi bëjuk ko un pica wi tsi Utsua, ni tsi ko wi bayëlia pic wi, a bawiak kato-kajuki ja bukul: “Batsaar ni wund, uci nda ka pëlon përim pa pëliinc-liincanaan ngëwaas bañaan, nda ñakani pul.”

NGËRO 15:32

A Judas ni Silas, bukul ban ci biki bayëlia, liinc-liincan bukul ngëwaas ni irim icumal, a ba tsënk bukul.

NGËRO 20:2

A na yaana ucaak umënts wun, koo liinc-liincan bafets Yeesu ni irim icumal, na pën atsëp Gëreesia,

NGËRO 20:28

Nda tsuunkari iyeen ind bërier ind, ndë tsuunkar pëtan ngënkaanel pi Uwejats-ujënts tsu ind pi pëci bawaay, pa nda yafan Ngëriisia Nasien-batsi ngi na weelëna ngi pëñaakul bërierul.

NGËRO 4:36

A Juse, nul ni bapostolu tsui katim, Barnabas, uci wi, (abuk kawël katëb). Nul abofëna tsi pëbuka Lewi a na pënë-ni Cipëri,

ROOMA 12:13

Nda tsënkan bayëman tsi ngëfier bukul, ndë túkar puu welan batsooŋ.

ROOMA 13:6

Undo ko umënts wi buts, ka wun ndu luk uraasa, par msien aci baleempar Nasien-batsi, a ma mob tsi përo uleemp umënts wi.

1 KORINTU 12:28

Di Ngëriisia, Nasien-batsi atsu balon pëci bapostolu ucak; utëbantsan, bayëlia; uwaajantsan, bajukan; a uu ba, baro bawitsa; a uu ba, ban ka biki ngëtseend pa pëyësan, ni batsënk, ni ba tsijëna, ni bañakan mleents ngëtsooŋ.

1 KORINTU 14:3

Maa ni ka leentsi u meaatsa wi, ka ñakanaan bañaan, nuu liinc-liincan bukul, nuu tseend bukul ibats, nuu liincan bukul ngëwaas.

2 KORINTU 1:12

Par ko wi wund kë pícëna wi, ci wun wi: “Ko wi uwejats wund leents wi, aci pëci tsi umundu ni pëpe pëci ni ind tsi bëjëntsal, ni pëmob tsi ucär un pënë-ni wi di Nasien-batsi; cits tsi kameko ñaan-najin, maa tsi bëtseend Nasien-batsi.”

2 KORINTU 11:3

Maa, man lënkar ngëwejats ind përits coka, ndë pën ka lawan kafac-uwaas kan ci ki tsi Këristu; bi uko-pëtsats fal bunk Eewa ni maniamëlan.

2 KORINTU 8:12

Par uci ñaan kë wël ni uwaas u fac wi, në lílandëra tsi ko wi na ka wi; cits tsi ko wi na kaats wi.

2 KORINTU 9:11

Nul ka tsu ind un ndë ci barëmb tsi ngëko bëlieng, pa ind përits paaraar puu wël ni ngëwaas ngan fac ngi; unk, bacumal tsi undo wund, bu kë ja Nasien-batsi baran.

2 KORINTU 9:13

Bu ka pikra tsi bëkat uleemp wi, bacumal ka bundan Nasien-batsi tsi bi nda niiran bi pëpiban ko wi nda ci wi undo Upetsan-uwar Këristu; ni bi ndu wël bi ni ngëwaas ngan fac ngi, tsi bi ndu faar bi ngëko ni bukul ni bañaan bëlieng.

2 KORINTU 9:7

Kara ñaan në wël bi uwaasul ŋal bi, cits pëwël ni uwaas un juats wi, oo atsua ni uyëlan; par Nasien-batsi aŋal ñaan ni ka wëli ko ni ulílan.

EFEESU 6:5

Ind baluek, nda roan ko wi bajug ind tsi uyamats kë ja ind wi. Nda roan wul tsi bulal ni pëlënk, ni kajuab-ngëwaas ind; pi aci pa Këristu ni nduu leempar un.

KOLOS 3:22

Ind baluek, nda fetsan përim bajug ind tsi utsia tsi, tsi ko un ci wi-ba këci. Cits rin tsi uwal wi ba tsuuna ind wi këkës, pi nduu tsas bukul pëlilandër ind, maa nda roan ank ni ngëwaas ngan fac ngi, ni urispiitu, pa Ajug.

1 TESALONIKA 2:3

Par, pëliincan pi wund kë liincan pi ngëwaas bañaan, pënënatsi nin tsi pëfäl ñaan, nin tsi ngëwejats ngëtsopal, nin tsi pëlipëna ñaan.

1 TESALONIKA 2:8

Tsi kajuab-ngëwaas wund pa ind, wund aro ŋal pëwël ind Upetsan-uwar Nasien-batsi; te cits wul rin, maa buts ngëbiira wund bërier ngul. Par nda ruka ci biki wund ŋal biki mak.

1 TIMOTEU 4:13

Tsini ubaandi nji, moban tsi puu layir Bëpican tsi pëncuaf bañaan, ni pëliinc-liincan bañaan, ni bëjukan.

1 TIMOTEU 5:17

Ban tsua biki bajëŋal di Ngëriisia a bu kë leemp uwar uleemp kayër-bërun, bu tsënkan puu wëla urispiitu un kës wi mak, andes bajëŋal ban ci biki tsi unoor kaleents-përim, ni bëjukan.

1 TIMOTEU 6:18

Jaan bukul ba ci tsi puu ro uwar; ba ciin barëmb tsi karo ngëwar, batseend ni ibats in fac yi, bu ka ciind ban yecis biki puu faar ni bañaan.

BAYEBËREU 10:25

Nja tsë wëtan puu júk, bi balon wakëtsa bi përo; maa nda ju ngë liinc-liincandar ngëwaas, par ind win bukunk Unu kë wokani.

BAYEBËREU 13:17

Nda roan ko wi ban tsijëna ind biki kë ja wi, ndë niiran wul; bë ci tsi pëwaay ngëwaas ind, par bu ka pëleents bi ba ro bi ja. Nda roan ko wi bu kë ja wi, bukul puu leemp uleemp bukul ni ulílan, u rits ci ni ngëwaas ngan de ngi. Par ucits ank ba, di ka wara ind.

BAYEBËREU 13:22

Batsaar ni nji, man buara ind pa nda roon ndë niiran përim pan ci pink katseend-ibats; te man picandëri ind a n runkëtën kërunkëtën.

BAYEBËREU 13:24

Nda leeni ban tsijëna ind biki, bukul bëlieng, ni bayëman bëlieng. Biki Itaalia bë leeni ind.

BAYEBËREU 13:7

Nda lesan ban tsijëna ind biki, bukul ba leents ind biki përim Nasien-batsi. Nda niimani-e utuami ngëbiira bukul, din ndë teenëna uwak bukul.