ROOMA 12:2 - KARÚK-PËRIM KAWALU Nouveau Testament

² Ind tsë ro bi bañaan umundu wi kë ro bi, maa, nda wëtan uwejats uwalu un ci wi di ind, u butan ind bëci; unk, ndë yëkëran un ci wi uŋal Nasien-batsi, wël u wara wi, a u líl, a u kës.

ROOMA 12:2 ပူးပေါင်းရင်းမြစ်များ

MATEU 13:22

A utul u yër wunk tsi buwuul iyu, aci ban te biki përim, maa gëtaag ubira ni karí përëmb umundu nëts përim a kaats bëkat.

MARKU 4:19

a bu kë wejats ngëko umundu, bëka ni karí-ko kë raac bukul; a ngëmënts ngan nëts përim, atsu pul kakaats-bëkat.

KAKÚRAN-KAWAR YEESU KRISTU BI JOŊ LEENŢ BI KUL AJA 14:30

Nji n katse ink ka ñakanaan ind ngëko ngëcumal, par kantsijëna umundu wi ka bi ink, a yëlaants ko tsi nji.

KAKÚRAN-KAWAR YEESU KRISTU BI JOŊ LEENŢ BI KUL AJA 15:19

Uci nda ro ci biki umundu, umundu ka ro ŋal ko un ci wi wiic wul. Bi nda cits bi biki umundu, maa ndul di n datëni ind run, wul ka wun umundu ñaas ind.

KAKÚRAN-KAWAR YEESU KRISTU BI JOŊ LEENŢ BI KUL AJA 17:14

Man wël bukul përimu, a bañaan umundu ñaas bukul, par bë cits biki umundu, bi n cits bi ni umundu.

KAKÚRAN-KAWAR YEESU KRISTU BI JOŊ LEENŢ BI KUL AJA 7:7

Bañaan umundu yëlanats pëñaas ind; maa nji, bë ñaasin, par ma nja n doon ka leents ngi bu kë ro ngi ci nga waraatsa ngi.

ROOMA 12:1

Maa, mán buara ind batsaar ni nji, tsi kayëk-ipës Nasien-batsi, pa ind pëwël ngëliaf ind, nga ci bëjakan buyësal, bëyëman, ban líl bi Nasien-batsi; ko wi ka wun pëci ubëndan wi nduu ro wi.

ROOMA 13:14

Maa, nda tiemaan Yeesu Këristu, Ajug; ind tsuuts fierand ngëko ngi uliaf kë rí ngi, nga waraatsa ngi.

ROOMA 7:12

Ulua, wul ayëman; a utsua yëman, u mab a u wara.

ROOMA 7:14

Par ngë me ne ngëtsua aci uwejats, maa nji a n ci tsi uŋal uyamats a n waapa tsi pëluek ujuban.

ROOMA 7:22

Par tsi bëci nji tsi uwejats, man nja ndoon ka n lílandër ngëtsua Nasien-batsi;

1 KORINTU 3:19

Par kameko umundu wi aci bëfuur tsi bërun Nasien-batsi, bi u picana bi aja: “Nasien-batsi ka mobuna bameko tsi karo-bëlipal bukul.”

2 KORINTU 4:4

pa ban fiaarats biki; biki nasien-batsi umundu wi kuelëtsan biki uwejats, pa bukul tsë win ufietsar Upetsan-uwar përëmb Këristu, nul nan ci bënaam Nasien-batsi.

2 KORINTU 5:17

Unk, uci ñaan ci tsi Këristu, nul aci ñaan nawalu; ngëjon apar, a ngëwalu ruka ngink aci.

GALAASIA 1:4

nul na wëli beenul undo ngëjubani njatsi uŋal Nasien-batsi Asini njapa pëpënani nja tsi uwal un ntsari wi, u waraatsa wink.

EFEESU 1:18

Nul na waantsan ind ngëwaas pa ind pëme uwats un ci wi tsi karuaul, ni bëka Përëmbul bi bayëmanul kë rukanda bi.

EFEESU 2:2

bi nda ro bi ci uwal ujon, bi nda ro bi ka fets bëci umundu wi; bi nda ro bi ka fets pëyëlan nasien nan ci tsi ufuts; wul uwejats umënts wun ka leemp wun inkri tsi babuk karoots ko un jaka wi.

EFEESU 5:17

Wul ka wun, ind tsë ci bafuur; maa nda yëkërani ko wi Ajug ŋal wi.

KOLOS 1:9

Wul ka wun, wund buts, ki unu wi wund te wi ko wan, wund wëtaants pëñaandar ind, ni pëyep nda roon ndë cum ni ume uŋalul tsi kameko kan ci ki ba këci, ni tsi bëlipal, ngul ngi Uwejats Nasien-batsi kë wël ngi.

KOLOS 3:10

a nda tiema bëci buwalu, bul ba n ja bi ba roon, buu witsa buwalu tsi bënaam na leempi bul, pa pëka ume.

KOLOS 4:12

Epafëras, nul nan pënë-nii tsi ind, naleempar Këristu Yeesu, aleeni ind. tsi ngëwal bëlieng, aci tsi pëkamandër ind tsi bëñaan, pa ndë liincandar, ndë jëŋ, nduu ro ko wi Nasien-batsi ŋal wi ba këŋal.

1 TESALONIKA 4:3

Par uŋal Nasien-batsi, aci ubiira ind pëci ujëntsal. Nda randan ngëko katúk-ufuts,

TIITU 3:5

a na bueran inja; cits undo ngi ngë ro ngi bërier nja tsi bëmabal, maa aci-undo kayëk-ipësul. Abueranaani nja tsi pëñawa pan ci pi pi kabëka-kawalu, a pa ciind pi pëwitsa nawalu pi Uwejats-ujënts kë wíts pi ñaan.

JAKOB 1:27

Bëga bëjëntsal, te kaats mtsopi tsi bërun Nasien-batsi, Asin nja ci bun bi: Puu ya pëwin babënatsa ni ban cätsëndan biki bayën bukul, puu ya pëwin bukul tsi unjuatsia wi ba ciina wi, ni përits tsopandar ni ngëko umundu.

JAKOB 4:4

Ind ba mobats biki tsi Nasien-batsi! Nda meets pëŋal umundu ci pëñaas Nasien-batsi-a? Unk, na ŋali pëfets ngëko umundu, ka ci buñaasar Nasien-batsi.

1 PER 1:14

A bi nda ci bi upäts ba mob biki tsi përim, ind tsë naam bi nda ro bi ci uwal ujon tsi karí-ko, uwal wi nda ro wi ci tsi kameets-ko ind.

1 PER 1:18

Nda mean u cits ngëko ngi kan coka ngi, pi uncaam, oo uwëru, ngi Nasien-batsi lukëna ngun pëbuer ind, tsi bëci ind ban katats bi, bi nda yank bi di basin ind;

1 PER 2:3

uci nda ro teenaman bi Ajug wara bi.

1 PER 4:2

Unk tsi ngënu ngi nda rukanda ngi pëka tsi uliaf, nda katse ka ci tsi karí-ko ñaan-najin, maa tsi uŋal Nasien-batsi.

2 PER 1:4

tsi ngëko ngëmënts ngi, tsi na watsanaani njatsun ngëwatsan ngëwiak, ngan ka ngi bëkat, pa undo ngul, ndë ruka ci ban bof biki tsi bëci Nasien-batsi, ndë bueri tsi kacok, ni karí-ko kan ci ki tsi umundu.

2 PER 2:20

Bi u ci bank, uci ba bueri di mtsopi umundu, tsi undo ume Yeesu Këristu Ajug nja Nabueran, a uu ba, a ba kaka witsa ka tsopandar tsi mul, a man pe bukul pëyëlan, bëci bukul butuami ka witsa ka pe bucak pëjuats.

1 JOŊ 3:13

Batsaar ni nji, ind tsë pikra, uci bañaan umundu ñaas ind.

1 JOŊ 5:19

Ngë me ngë ci biki Nasien-batsi, a umundu upëban ci tsi kañan Naro-ngëko-kawaraatsa.

UPIBAN 12:9

A Uncababaan uwiak umënts wun watee, wul uko-pëtsats ujon, wi kanjaka wunk Ujabël ni Useetaani, unja wunk u roon uu raac bañaan umundu bëlieng tsi kafal. Awatee tsi utsia, wul ni ngëwaanju wul.

UPIBAN 13:8

Ban ciina biki bëlieng umundu, bu ka jintëla un jar umënts wun, bukul biki itim bukul picanaatsa yi, ki umundu juund ki, di ulibëru ubiira, wi Ubuk-unkaanel un jakana wi.