ROOMA 12:17 - KARÚK-PËRIM KAWALU Nouveau Testament

¹⁷ Ind tsë lukan ñaan uwutsëtsuel, ni uwutsëtsuel; nda tambandari tsi përo uwar tsi bërun bañaan bëlieng;

ROOMA 12:17 ပူးပေါင်းရင်းမြစ်များ

MATEU 5:24

júkani bëtseendu tsi bërun bëgij, kë tsëp kii teelar bërun ni ni nda tsaari; a kuu ba, kë witsee kë wël bëtseendu.

MATEU 5:39

Maa nji, man ja ind: Ind tsë lukan pëkaalam; uci ñaan kobu tsi kambakats kariir, kaŋaniul kacints kun buts;

ROOMA 12:19

Ind ba ŋala biki, ind tsë lukan-pëkaw ind bërier ind; maa nda wëtan uriab Nasien-batsi u ro ko. Par iink ri upicana run: Ajug aja: “Kalukan-pëkaw, aci kamiñ; aci nji ka lukan un.”

ROOMA 14:16

Ind tsë wët ñaan na kar ko u wara ind wi;

KOLOS 4:5

Nda yandaari ni kameko, tsi bëci ind ni bañaan utsand. Nda jalaan tsi uwal un ci wi-ba këci.

1 TESALONIKA 4:12

Din, bañaan utsand ka win bëci ind bëwar; unk nda rits fier ñaan.

1 TESALONIKA 5:15

Nda katan ibats, ñaan tsë lukan uwutsëtsuel wi na rolaa wi. Maa tsi ngëwal bëlieng nda tsasan puu rolar uwar, ni puu ro wul bañaan bëlieng.

1 TESALONIKA 5:22

Nda randan ko un ci wi-ba këci u waraatsa wi.

1 TIMOTEU 5:14

Wul ka wun, ma ŋal ba nima, bukul ban kaats biki ngëwaanu ngëmënts ngun; ba nimaan, bu ka buk, bu kë këmand ito bukul. Unk, nabër dits wëla bëga bujaani ngëwutsëtsuel.

1 PER 2:12

Nda ciin biki ka yandaar biki uwar tsi pëncuaf ban cits biki Bajudeu. Unk ŋal tsi ko uwutsëtsuel wi bu kë jaar ind wi, pi nda ci baro-ngëko-kawaraatsa, bu ka facana tsi undo ngëko ngëwar ngi ndë ro ngi, bu ka bëndan Nasien-batsi tsi unu wi nuu bi wi buwuula.

1 PER 3:16

Maa, nda roan ko wan tsi kajuab-ngëwaas, ni urispiitu. Ndë tsijand ngëwejats ngëwar, pa tsi ko wi bu kë karëni ind wi, bu ka kawa, bukul biki ka nja biki ngan waraatsa ngi tsi bëci ind bëwar tsi Këristu.

1 PER 3:9

Ñaan nando indi uwutsëtsuel, ind tsë lukanaanul uwutsëtsuel, oo kakar tsë lukanaana kakar, maa u wara wi. Nda ru kë ja ngëwar par umënts wan wi nda ruuree wun, pa ind pëyank uwar wi nda ka wi përukanda.