ROOMA 12:16 - KARÚK-PËRIM KAWALU Nouveau Testament

¹⁶ Nda ciin baloole tsi nda ci tsi; ind tsuuts rëmbandar, maa nda túkari un ci wunk uties; ind tsë ja tsi iyeen ind nda ci bameko.

ROOMA 12:16 ပူးပေါင်းရင်းမြစ်များ

MATEU 11:5

Bakuel akak koo win, a balab kë yandaar, a ba maak biki kantseul-kajankal kë jëntsana; a barika-te kë te, a bacäts kë natsee di pëcäts, a Upetsan-uwar leentsa baranj.

MATEU 26:11

Par nduu ci ni baranj ngënu bëlieng; maa nji, nda ri ka ci ni nji ngënu bëlieng.

LÚKAS 14:13

Maa, aja ku ruur bañaan ufesta, u ci baranj, ni baka-basal, ni bajënk, ni bakuel;

LÚKAS 6:20

A Yeesu kat këkës akaŋan bafetsul, na ja: “Nda naak, ind baranj! Par pësien Nasien-batsi aci piic ind.

NGËRO 4:32

A kandënd bañaan ba uwak biki ci uwaas uloole ni uwejats uloole; njn ñaan di ka ja tsi ibatsul, ko ulon tsi bëkaul aci wiicul bërierul; maa bë bofara ngëko bëlieng.

ROOMA 11:20

Awara! Undo kawakats bukul, ka wun ba cëtaa; maa wi, undo uwak ka wun m mob m liincan. Cats rëmbandar, maa lënkan.

ROOMA 11:25

Batsaar ni nji, nji n ŋalats ind pëpaaŋ un doots wink mea, pa ind përits tsu iyeen ind pëci bameko: katamb-uwaas abi tsi balon bañaan Israel, te uwal wi ban cits biki Bajudeu niaji wi bëlieng aba.

ROOMA 12:3

Par, tsi bëtseend bi wëla bi, má nja ka ra ñaan nan ci tsi ind, nul tsë wejatsar beenul bërierul na par-paran; maa na wejatsi na liingëlan tsi kaniibi uwak wi Nasien-batsi wël wi kara ñaan.

ROOMA 15:5

Nasien-batsi umiira, ni kaliinc-liincan uwaas, na wëlan ind uwejats uloole umënts wun, pa ind puu yëkëlar ipës pi Këristu Yeesu,

ROOMA 6:2

Nin-a! Nja ban cäts biki tsi ujuban, um bi ngë ci bun bayësal kak tsi wul?

1 KORINTU 1:10

Man ñaan ind batsaar ni nji, tsi katim Yeesu Këristu Ajug nja pa ind bëlieng puu baar tsi përim pëloole, pa mankicësar përits ci tsi ind; maa nda baari pëci baloole, tsi uwejats uloole, ni tsi utsaag uloole.

1 KORINTU 3:18

Ñaan tsë fal beenul. Tsi pëncuaf ind, uci nalon ñaan tsu beenul pëci nameko tsi umundu wi, na ciin nafuur, pa na kak na ci nameko.

1 KORINTU 4:10

Wund aci bafuur tsi undo Këristu, maa ind nda ci bameko tsi Këristu; wund aci barafal, maa ind nda ci baka-uyëlan. Ind nda rispitaara, maa wund wund tsuaatsa ko.

1 KORINTU 6:5

Ma n ja ank, pa pëkawaran ind. Ane nda kaats nin ñaan tsi pëncuaf ind nan ci nameko, nan yëlani puu wat pëleents tsi pëncuaf ban tsaar biki ni nul-a?

1 KORINTU 8:2

Uci ñaan wejats pëja ne ame ulon ko, netse me bi nu ro bi a në me wul.

2 KORINTU 13:11

A tsi utuami batsaar ni nji, nda ciin ni ulílan, nda leempari pëci ba band biki, nda liinc-liincandari, nda teelari, nda ciin tsi pëfac. Nasien-batsi bëŋal ni pëfac ka ci ni ind.

FILIIPUS 1:27

Maa ko uloole rin, nda yandaari bi u ka bi pëci tsi Upetsan-uwar Këristu. Unk, uci ank n bi a n win ind, oo uci ank n cits a n te uleka ind, ka me nda ci tsi pëliincandër tsi kabof-uwejats uloole, a nduu bof ukam tsi uwaas uloole, pa uwak Upetsan-uwar.

FILIIPUS 3:16

Maa tsi ngë ruka tsink aband, nda ju ngë bof pëya bërun.

FILIIPUS 4:2

Man buara Ewoodia, a n buara Sintiki, pa ba teelar tsi Ajug.

BAYEBËREU 13:5

Kaŋal-uncaam tsë tsijëna ind tsi përo ko; nda liingan tsi ko wi nda ka wi, par Nasien-batsi aja: “In di ka n wëtanu, yaas; In di ka n bëru, yaas.”

1 PER 3:8

Pa pëtuamës, nda kaan bëlieng ngëtsaag ngëloole, ni katúkëlar pëñaak, ni pëŋalëlar tsi nda tsaar tsi, ni kayëk-ipës, ni kawelan-been.

1 PER 5:3

Biki nda tanan biki, ind tsë roona uyëlan; maa nda ciin biki ngënkaanel kë teenëna biki.

3 JOŊ 1:9

Man picandëri Ngëriisia ko ulon ko uties; maa Diotrefes ni ka ŋali pëci nacak tsi bukul, welanats wund.