ROOMA 12:12 - KARÚK-PËRIM KAWALU Nouveau Testament

¹² Nda lílani tsi uwats, ndë ci baja ngëwar tsi unoor, ndë mob tsi bëñaan nda liincan.

ROOMA 12:12 ပူးပေါင်းရင်းမြစ်များ

MATEU 5:12

Nda lílani, ndë kita, par bëluk ind a ci bëwiak di batsi; par unk di ba reat dun bayëlia ba yëri ind biki bërun.

LÚKAS 10:20

Ind tsë lílan undo bi ngëcaay ro bi ko wi nda ja wi ngul. Maa, nda lílani undo bi itim ind picanaa bi di batsi.”

LÚKAS 21:19

Nda liincandari, ndë gaañaar ubiira ind.

LÚKAS 8:15

Utul u yër wunk tsi tsëko mgiji, aci ba nja biki ba te përim Nasien-batsi, bu ka gaang pul di ngëwaas nga wara ngi a nga maband, ba tambandar, a bu kë buk mbuk.”

NGËRO 1:14

A ba baar bëlieng pëloole a bu kë mob tsi bëñaan, ni balon bakaats, ni Maaria anin Yeesu, ni ban tsaar biki ni nul Yeesu.

NGËRO 12:5

Unk a Per ríca di ukalabus, maa, bañaan Ngëriisia wëtanats pëtambandar pëñaan Nasien-batsi pa nul.

NGËRO 2:42

Bu mob tsi bëjukan bapostolu, ni tsi manteelar, ni tsi katawës upom, ni tsi bëñaan.

NGËRO 6:4

Maa wund, wund ka mob tsi bëñaan, ni tsi uleemp përim.”

ROOMA 15:13

Nasien-batsi uwats, na cumani ind ulílan un ci wi-ba këci, ni pëfac, tsi uwak; pa ind pëka uwats uwiak tsi pëyëlan Uwejats-ujënts.

ROOMA 15:4

Par un do wi picana ba bëlieng uwal ujon, apicandara pëjukan nja pa nja ka ka uwats, tsi undo umiira ni kaliinc-liincan uwaas ki Bëpican wël ki.

ROOMA 2:7

në wël ubiira un dits ka ba, pa biki kan tsasëna biki përëmb, ni përëmbana, ni karika-coka, tsi pëtambandër karo-uwar.

ROOMA 8:25

Maa ucnja kë lip ko wi ngë winats wi, nja ka tambandar tsi pëlip wul.

1 KORINTU 13:13

Par inkri ngëko ngëwaants ngi ruka ngun: uwak, uwats, ni bëŋal; maa un pe wi pëci uwiak tsi ngul, aci bëŋal.

2 KORINTU 12:8

A tsi undo ko wan, ngëyaas ngëwaants a n ñaan Ajug na pënanin kul;

FILIIPUS 3:1

Pëtuamës, ind batsaar ni nji, nda lílani tsi Ajug! Nji pëpicari ind ngëloole ngëmënts ngun, cits ko u ñatsin wi përo; te aci uliincëni ind.

FILIIPUS 4:4

Nda lílani tsi Ajug tsi ngëwal bëlieng. Má nja ka k, Nda lílani!

KOLOS 1:11

A ni pëyëlan pan ci pi-ba këci, ndë watsësaa pëyëlan-ko; din u ci ko u mab wi ni uyëlan përëmbul, pa tsi ko un ci wi-ba këci ndë yëlan pëliincandër ni pëmiira.

KOLOS 1:27

Bukul biki Nasien-batsi ŋal bukun ba me bëka ban ci bi ba këci, bi un doots wink mea, ni përëmb wul, tsi pëncuaf ban cits biki Bajudeu, un ci wi: Këristu tsi ind, ci-un uwats përëmb.

KOLOS 4:12

Epafëras, nul nan pënë-nii tsi ind, naleempar Këristu Yeesu, aleeni ind. tsi ngëwal bëlieng, aci tsi pëkamandër ind tsi bëñaan, pa ndë liincandar, ndë jëŋ, nduu ro ko wi Nasien-batsi ŋal wi ba këŋal.

KOLOS 4:2

Nda moban tsi bëñaan, nduu waants ibats tsi bul, nduu baran;

1 TESALONIKA 1:3

Wund wëtaants puu les ngi uwak ind piban ngi, ni ngi bëŋal ind ro ngi, ni umiira uwats ind tsi Ajug nja Yeesu Këristu, ni tsi bërun Nasien-batsi nja Asin.

1 TESALONIKA 5:8

Maa n ja ban ci biki biki pënak, nda ju ngë ci baliingëlën-ko, ngë waa kaŋí-ukam kakundëni bëjinc, ki uwak ni bëŋal, nja ka wura kaŋí-ukam kakundëni been, ki uwats pëbuer.

2 TESALONIKA 1:4

Wul ka wun wund ja wund roon, wund kë píc tsi iriisia Nasien-batsi, undo mtambandar ind ni undo uwak ind, tsi pënoor-noorana pi nda ciina pi bëlieng, ni tsi pëteenamana.

2 TESALONIKA 3:5

Ajug, na mabani ngëwaas ind tsi bëŋal Nasien-batsi, ni tsi mtambandar Këristu.

1 TIMOTEU 6:11

Maa wi, ñaan Nasien-batsi, túkan ngëmënts ngun; moban tsi bëmabal, ni tsi pëlënk Nasien-batsi, ni tsi uwak, ni tsi bëŋal, ni tsi umiira, ni tsi kajuab-uwaas.

2 TIMOTEU 3:10

Maa wi, m mob uwar tsi bëjukan nji, bëro nji, ko wi n tsaag wi, uwak nji, umiira nji, bëŋal nji, pëtambandar nji,

TIITU 2:13

nja kë lip uwats unaakal, ni upibandari përëmb Nasien-batsi nja nawiak a na ciind Nabueran, nul Yeesu Këristu.

TIITU 3:7

Unk, tsi bëtseendul a na tsu nja a ngë ci bamabal, pa nja ka ruka ci barukanda, undo pëwats tsi ubiira un dits wi ka ba.

BAYEBËREU 10:32

Nda lesan-e ngënu ngëcäk ngun, uwal wi nda ru ba unk pëyank ufac, din a nda kaman ukam uwiak, un tsijand wi unoor:

BAYEBËREU 10:36

Nda fier pëtambandar, pa uwal wi nda ro wi uŋal Nasien-batsi, ndë yank ko u watsana wunk.

BAYEBËREU 12:1

Unk n ja buts, bi bamaatir fay nja bink pi kasa kawiak, nda ju ngë wëtan ko un ci wi-ba këci wi ka wocan wi ñaan, nja ka wëtanaand ujuban, wul un car wi pëfaiyar tsi ñaan. A ni umiira, nda ju ngë ci tsi pëtuk pan tsua nja pi tsi bërun.

BAYEBËREU 3:6

Maa Këristu amob tsi përim, undo bi na ci bi Abuk a na tsijëna kato Nasien-batsi. A kato kamënts, n ja ci bukun kul, uci ngë mob aliincan tsi bëyeentsal ni upícëni tsi uwats.

BAYEBËREU 5:7

Nul Yeesu, uwal wi na wam wunk tsi umundu wi, a uja ni mliandar, ni mŋand, nuu ñaan, nuu rugar na yëlan unk pëbueranul tsi pëcäts. A na niiranaa, undo alënk Nasien-batsi.

BAYEBËREU 6:12

Wund ŋalats ind përuka ci batsuunk, maa ind pëteenëna biki kan par-na biki uwak ni umiira bu ka yank nga watsana ngi.

BAYEBËREU 6:15

Unk a nul Abraam kë lip a nuu miira, a nee yank u watsana wi.

JAKOB 5:7

Batsaar ni nji! Bi u ci bank, nda miiraan, aa Ajug ka baandi. Nda teenan-e! Najaar aja na roon në lip mjaarnaul man buk mbuk mwar; a nuu miira mak tsi pëlip mul, aa në tsënkëne ka win usubal ucäk, ni utuami.

1 PER 4:13

Maa nda lílani bi nda bofana bi tsi unoor Këristu, pa upibandari përëmbul ind buts ndë juc ni ulílan.

1 PER 4:7

Inkri utuami ngëko bëlieng awokani. Nda pibani kameko, ndë lesar tsi bëñaan.

2 PER 1:6

tsi ruets ume, ndë watsës kayëlan ngëliaf ind; tsi ruets kayëlan ngëliaf ind, ndë watsës pëliincandër; tsi ruets pëliincandër, ndë watsës pëlënk Nasien-batsi;

UPIBAN 13:10

Nan kai pëmoba pëluek, ka moba pëluek. Nan kai pëfiŋa ni ulaac, ka fiŋa ni ulaac. Pëliincandër bayëman ni pëmob tsi uwak, aciina tsi.