ROOMA 12:1 - KARÚK-PËRIM KAWALU Nouveau Testament

¹ Maa, mán buara ind batsaar ni nji, tsi kayëk-ipës Nasien-batsi, pa ind pëwël ngëliaf ind, nga ci bëjakan buyësal, bëyëman, ban líl bi Nasien-batsi; ko wi ka wun pëci ubëndan wi nduu ro wi.

ROOMA 12:1 ပူးပေါင်းရင်းမြစ်များ

LÚKAS 7:47

Undo ko umënts wun ka wun n du n jau, ngëjubanul nga cum ngank, ajampësaa, par apiban bëŋal mak. Maa na n jampësaai ko uties, ka piban bëŋal ko uties.”

ROOMA 12:2

Ind tsë ro bi bañaan umundu wi kë ro bi, maa, nda wëtan uwejats uwalu un ci wi di ind, u butan ind bëci; unk, ndë yëkëran un ci wi uŋal Nasien-batsi, wël u wara wi, a u líl, a u kës.

ROOMA 15:16

pa nji pëci naleempar Këristu Yeesu tsi pëncuaf ban cits biki Bajudeu, pa nji puu leents Upetsan-uwar Nasien-batsi, pa ban cits biki Bajudeu pëci bëtseend ba líl bi Nasien-batsi, bul ban jëntsanaana bi Uwejats-ujënts.

ROOMA 15:30

Batsaar ni nji, man buara ind tsi Ajug nja Yeesu Këristu, ni tsi bëŋal Uwejats Nasien-batsi, pa nda kaman ni nji tsi bëñaan bi ind kë ñaan bi ba këñaan Nasien-batsi, pa nji;

ROOMA 2:4

Oo m be përëmb kawara-uwaasul, ni pi umiiraul, ni pi karo-ngëwarul; nin m yëkëranats kawara-uwaas Nasien-batsi ci pa pëtsuu kë yaar ibats-a?

ROOMA 6:13

Nin ind tsë wël incimëntsu ngëliaf ind, i ci incimëntsu karo ngëko kamabats tsi ujuban; maa nda ci bërier ind pa Nasien-batsi, pi bañaan bayësal ba natsee biki di bacäts, ndë wël incimëntsu ngëliaf ind, i ci incimëntsu karo ngëko bëmabal tsi Nasien-batsi.

ROOMA 6:16

Nda meets ne, bi nda niiran bunk pëci baluek, a nda mob tsi pëleempar ñaan, nda ci baluek ñaan ni nda mob unk tsi pëleempar; u ru ci ank ujuban wi kan tsu wi ñaan na cäts, oo pëmob tsi përim Nasien-batsi pi kan tsu pi ñaan na ci namabal.

ROOMA 6:19

Mán ñakan këñaan-bajin undo bërafal ngëliaf ind. A bi nda ro bunk wël incimëntsu ngëliaf ind i ci tsi pëluek tsi karo ngëko ngëtsopal ni tsi kamobats tsi ngëtsua ki kan tsu ind ki pënatsara pëkaman Nasien-batsi; unk buts, nda tsuun incimëntsu ngëliaf ind, i ci tsi pëluek tsi karo ngëko bëmabal pa pëtsu ind pëci ba yëman biki.

ROOMA 9:23

pa në tsu buts bañaan, bu ka me përëmb pan ci pi di përëmbul, tsi biki na yëkar biki ipës, a na yecis bukul ki këlum pa përëmb,

1 KORINTU 1:10

Man ñaan ind batsaar ni nji, tsi katim Yeesu Këristu Ajug nja pa ind bëlieng puu baar tsi përim pëloole, pa mankicësar përits ci tsi ind; maa nda baari pëci baloole, tsi uwejats uloole, ni tsi utsaag uloole.

2 KORINTU 10:1

Nji Pol bërierin, man buara ind tsi kajuab-uwaas Këristu ni tsi karo-uwarul, nji nan tienkëtsani been nji uwal wi n ci wi tsi pëncuaf ind, maa a n yëkan tsi uleka ind, uwal wi n lawan wi.

2 KORINTU 4:1

Par Nasien-batsi tsi kayëk-ipësul, awël wund uleemp wi, a cätsanats wund ngëwaas.

2 KORINTU 4:16

Wul ka wun, ngëko ngan catsanatsi nja ngë waas; ŋal bëci nja tsi uliaf kë pe këpe pëcoka, maa bëci nja tsi uwejats, kara unu buu kak buwalu.

2 KORINTU 5:20

Bi u ci bank, wund aci baciir Këristu, a wund biki Nasien-batsi ruuni ind bukun. tsi katim Këristu, wund abuara ind nda teelari ni Nasien-batsi.

2 KORINTU 6:1

A wund biki ka leemp biki ni Nasien-batsi, wund abuara ind, ind tsë tienkëtsan bëtseend bi nda yank bi di Nasien-batsi.

EFEESU 4:1

Wul ka wun, nji narica nan ci tsi Ajug, man buara ind nda ru kë yandaar uwar tsi karua ki nda ruuree ki,

EFEESU 5:10

Nda yëkërani ko u líl wi Ajug;

FILIIPUS 1:20

Ko wi n dí wi mak pëwin, ni tsi uwats nji, aci nji përits kawarana koon këkawarana, maa n doon ka liincan katsëb. Këristu ka rëmbanaa tsi uliaf nji, tsi inkri ni tsi ngëwal bëlieng, uci ank pëpar-na ubiira, oo pëcäts.

FILIIPUS 2:17

Maa, ŋal ank ka ka pëwël ubiira nji u ci bëjakan ni bëtseend uleemp uwak ind, man lílan, a ndu n juc ni ulílan ni ind bëlieng.

FILIIPUS 4:18

Man yank ngëko bëlieng a n kësan, a n par-paran. Man cumana ngi n fier ngi, bi Epafëroditu wëlin bink ngi nda wëliin ngi. Ngul, aci pi ulicar u líl wi pëñal, bëjakan ba niiranaa bi, ba líl bi Nasien-batsi.

1 TESALONIKA 4:1

Pa pëtuamës, ind batsaar ni wund, wund ajukan ind bi nda ka bi puu yandaar pa Nasien-batsi pëlilandër ind. Te, unk di nda ci run tsi përo. Maa wund añaan ind këñaan a wund kë tseend ind ibats tsi Yeesu Ajug, nda moban tsi përo ank nda pean kak.

1 TESALONIKA 4:10

A te nda ci tsi përo umënts wun tsi uleka biki ngë tsaar biki, bukul bëlieng, tsi Masedoonia bëlieng. Maa wund abuara ind, batsaar ni wund, ind puu pe këpe përo unk.

1 TESALONIKA 5:12

Batsaar ni wund, wund añaan ind, nda ru kaan karëmban biki ka leemp biki mak tsi pëncuaf ind, bukul biki ka waay ind biki tsi Ajug, a bu kë leentsar ind uci nda lac.

1 TIMOTEU 2:3

Umënts wun aci ko u wara wi a u líl tsi bërun Nasien-batsi, Nabueran n ja,

1 TIMOTEU 5:4

Maa uci nan catsëndani ayënul ka upäts oo batiemi, ba pibani bërun ba lënk Nasien-batsi, tsi ngi ba ka ngi puu roor bañaan kato bukul, pa pëlukëna ban buk biki bukul, ni batiem bukul; par ko umënts wun aci u líl wi tsi bërun Nasien-batsi.

FILEMON 1:10

man ñaanu këñaan pa napäts nji, Oneesimu, ni n dukee n buk tsi mdica mi n dica mi.

FILEMON 1:9

nji man ñaanu këñaan, tsi undo bëŋal. Nji Pol, bi n ci bink natsafal, a n ciind inkri narica, undo Këristu Yeesu,

BAYEBËREU 13:22

Batsaar ni nji, man buara ind pa nda roon ndë niiran përim pan ci pink katseend-ibats; te man picandëri ind a n runkëtën kërunkëtën.

1 PER 2:20

Poom përëmb pi ndu ka pun tsi unoor wi ndu miira wi tsi kabupa, uci nda ro ujuban? Maa uci nduu ro uwar, a nduu noorana a nda tambandër, aci bëtseend tsi bërun Nasien-batsi.

1 PER 2:5

Ind bërier ind, nda ci pi ilaak i tsij yi ubiira, a nda leempaa kato Uwejats Nasien-batsi pa ind pëci bëjúk bajakan bëyëman, pa puu wël ijakan Uwejats Nasien-batsi, i Nasien-batsi kë lílandër yi tsi Yeesu Këristu.