ROOMA 11:22 - KARÚK-PËRIM KAWALU Nouveau Testament

²² Wejatsi-e kawara-uwaas Nasien-batsi, ni bi na tamb bi buts: nul atamb, pa ba yër biki; maa awara uwaas pa wi, uci m mob m liincan tsi kawara-uwaas Nasien-batsi; ucits ank ba, wi buts kë falaa.

ROOMA 11:22 ပူးပေါင်းရင်းမြစ်များ

LÚKAS 8:15

Utul u yër wunk tsi tsëko mgiji, aci ba nja biki ba te përim Nasien-batsi, bu ka gaang pul di ngëwaas nga wara ngi a nga maband, ba tambandar, a bu kë buk mbuk.”

KAKÚRAN-KAWAR YEESU KRISTU BI JOŊ LEENŢ BI KUL AJA 15:2

Kana kan ci ki-ba këci tsi nji a tsijats mbuk, në fal kul; a kan tsij ki mbuk, në jëntsan kul pa ka pe këpe pëtsij mbuk.

KAKÚRAN-KAWAR YEESU KRISTU BI JOŊ LEENŢ BI KUL AJA 8:31

A Yeesu ja Bajudeu ba uwak biki tsi nul: “Uci nda mob tsi përim nji, ndë baaraan pëci bafetsin,

NGËRO 11:23

Bi na band bi, a na win bëtseend Nasien-batsi, na lílan, a na liinc-liincan bukul ngëwaas bëlieng, pa ba mob ba liincan tsi Ajug, di ngëwaas bukul bëlieng.

NGËRO 14:22

ee liinc-liincan ngëwaas bafets Yeesu, ba tseend bukul ibats pa ba mob tsi uwak ba liincan; a ba piban bukul u ci tsi unoor uwiak winja kë niajëna wun pësien Nasien-batsi.

ROOMA 11:21

Par, uci Nasien-batsi wëtats ina in fala yunk, di kee wëtu buts.

ROOMA 2:7

në wël ubiira un dits ka ba, pa biki kan tsasëna biki përëmb, ni përëmbana, ni karika-coka, tsi pëtambandër karo-uwar.

1 KORINTU 15:2

tsi wul buts tsi nda buerëna tsun, uci nda gaang wul bi n leents ind bi wul; uci nda roots unk ba, uwak ind di ka ka bëkat.

GALAASIA 6:9

Nja tsë noor puu ro uwar, par uband uwal, ja ka cët mbuk, uci ngë rafanats uyëlan.

1 TESALONIKA 3:5

Wul ka wun, bi katse bi yëlan pëmiira, a n yëli Timoteu pa pëme uleka uwak ind. Man lënkar pëjaa Nateen-teenan a bi teen-teenan ind, a mcibi wund ka ruka ci man kaats mi bëkat.

1 TESALONIKA 3:8

Inkri wund ate wund yafënts, undo nda liincandar tsi Ajug.

BAYEBËREU 10:23

Nda ju ngë mob ngë liincandar tsi pëñakan uleka uwats, te ngë rits tankëlan; par na watsani, aci na njai na roon në mob tsi përim.

BAYEBËREU 3:14

Par ngë ruka ci ban bof biki ni Këristu, uci ngë mob ci uwak wë ngë wak wë tsi ujuundi aliincan, te tsi utuami,

BAYEBËREU 3:6

Maa Këristu amob tsi përim, undo bi na ci bi Abuk a na tsijëna kato Nasien-batsi. A kato kamënts, n ja ci bukun kul, uci ngë mob aliincan tsi bëyeentsal ni upícëni tsi uwats.

1 JOŊ 2:19

Bukul bë pënëna tsi pëncuaf nja maa bë cits bayiic inja; par uci ba ro ci bayiic nja bu ka ro mob tsi pëci ni inja. Maa bë pën atsëp, a u piban, bukul bëlieng bë cits bayiic inja.

UPIBAN 2:5

Bi u ci bank, lesan tsi m pënë-ni tsi m yëri, yaari ibats, doan ngëcäk ngi m do ngi ka ro. Ucits ank ba, ka bi tsi wi, din ka pënan kapafëni-ulampu, tsi pëlas kul, uci m yaarats ibats.