ROOMA 11:20 - KARÚK-PËRIM KAWALU Nouveau Testament

²⁰ Awara! Undo kawakats bukul, ka wun ba cëtaa; maa wi, undo uwak ka wun m mob m liincan. Cats rëmbandar, maa lënkan.

ROOMA 11:20 ပူးပေါင်းရင်းမြစ်များ

LÚKAS 18:14

Man ja ind: Namëntsi ajuŋa tsëp katoul atsua namabal, maa nacints nun dolaatsa ank. Par, nan diangi beenul, në welanaa, a na welani beenul, në riangaa.”

NGËRO 18:6

Maa, undo bi Bajudeu mob bi tsi pëpok, a bu kë karul, a Pol líc iŋiul yi bëtiem, na ja: “Pëñaak ind ka kak tsi iyeen ind. Man ci najënts tsi pul, a inkri, mán ya di ban cits biki Bajudeu.”

ROOMA 11:18

cats rëmbandar tsi bërun ina in cëtaa yunk; maa uci m ci tsi përëmbandar, mean u cits wi ka rialan un kabuul, maa aci kabuul ka rialanu kun.

ROOMA 11:21

Par, uci Nasien-batsi wëtats ina in fala yunk, di kee wëtu buts.

ROOMA 12:16

Nda ciin baloole tsi nda ci tsi; ind tsuuts rëmbandar, maa nda túkari un ci wunk uties; ind tsë ja tsi iyeen ind nda ci bameko.

ROOMA 12:3

Par, tsi bëtseend bi wëla bi, má nja ka ra ñaan nan ci tsi ind, nul tsë wejatsar beenul bërierul na par-paran; maa na wejatsi na liingëlan tsi kaniibi uwak wi Nasien-batsi wël wi kara ñaan.

ROOMA 3:3

A u ci we? Uci balon mobats tsi përim, kamobats bukul tsi përim ka gar Nasien-batsi pëmob tsi përim-a?

1 KORINTU 10:12

Unk, na wini na nats aliinc, na rukan ibats pa na rits yër.

1 KORINTU 15:1

Batsaar ni nji, mán lesan ind Upetsan-uwar wi n leents ind wi, wi nda niiran wi, a nda wama liincandar tsi wul;

1 KORINTU 16:13

Nda waayan, nda moban tsi uwak nda liincan, nda ciin bayënts, nda kaan uyëlan.

2 KORINTU 1:24

Cits pëja ne wund ka yëlanar ind tsi uwak ind, maa wund ka leemp ni ind tsi undo ulílan ind; pa uwak ind pëliinc.

2 KORINTU 10:5

ni mdiangar ma ci mi ba këci a muu natsara pëcok ume Nasien-batsi; wund ka tsu ngëtsaag bañaan bëlieng ngan cikëndën Këristu, ngë niiranul.

FILIIPUS 2:12

Unk, bamiñ ba ŋala biki, ind ba nja biki nda roon tsi ngëwal bëlieng nduu ro ko wi nda jaka wi, nda ciin tsi puu ro unk. Cits rin tsi bërun nji, maa nda ruraan pe këpe puu ro unk inkri, bi n cits bink. Nda moban tsi pëtsu pëbuer ind tsi karo-ko, nduu lënkand mak.

KOLOS 2:7

nda ciin ba n jab biki tsi nul, ndë liinc, nduu pe këpe pëka uyëlan tsi uwak, bi nda jukana bi; din ngëwaas ind kë cum ni puu baran.

2 TESALONIKA 2:4

nul nakaman na natsaree pëkaman ko wi jaka wi ba këjaka Nasien-batsi, oo wi kan jintëlaana wi; a nuu riang beenul a në tsënkëna ka tsoar bërierul di kato-kayëman Nasien-batsi, në tsu beenul aci Nasien-batsi.

1 TIMOTEU 6:17

Tsuun barëmb umundu wi përits guukandër, ni përits tsu uwats bukul tsi bëka ban dits bi ka fiaara; maa ba tsuun uwats bukul tsi Nasien-batsi, nul na njai na roon nuu wël nja ngë ko bëlieng, ngan kës ngi, pa n ja pëlilanaan.

BAYEBËREU 3:12

Nda katan ibats, ind batsaar ni nji, pa nin nalon tsi ind tsë tsij koon këtsij uwaas ujuatsal, wi karika-wak, u tsuul pëpën tsi Nasien-batsi nayësal.

BAYEBËREU 3:19

Unk, ngë win ba yëlanats pëniaj, undo kawakats.

BAYEBËREU 4:11

Bi u ci bank, nda ju ngë tambandër pa pëniaj tsi pënaakësa pëmënts pun, pa ñaan tsë yër, nul tsë fets bukul tsi karika-ro ko un jaka wi.

BAYEBËREU 4:6

Unk, bi pëniaj tsi pënaakësa pëmënts pun wama bunk arukara balon, ate bacak ban do bukunk leentsa upetsan-uwar niajats tsi pul, undo karika-ro ko un jaka wi,

JAKOB 2:19

M wak tsi pëja, Nasien-batsi aci naloole baŋ; m do uwar. Ngëcaay awak buts tsi ko wan, a nguu lënk bak-bak.

JAKOB 4:6

maa a nuu wël bëtseend ban pe bi përëmb.” Wul ka wun Bëpica n ja: “Nasien-batsi anatsara bape-iyeen bukul, maa a nuu wël bëtseend pa batienkëtsan iyeen bukul.”

1 PER 1:17

A ni ka wat unk kara ñaan pëleents tsi ko wi na ro wi, nul nan ditsi ka kicës bañaan, uci nduu ruul koo jaul Asin, nda yandaari tsi pëlënk Nasien-batsi tsi uwal pëtsooŋ ind tsi utsia tsi.

1 PER 5:12

Aci Silwaanu, nul natsaar ni ind na mobi tsi uwak, ni fiaari, nul tsënkin un a n picandëri ind uletar uties wi, pa pëliinc-liincan ind ngëwaas, ni pëleents ind u ci tsi bëtseend Nasien-batsi bëcär, bi nda ciina bun.

1 PER 5:9

Nda tambandari pëpok Ujabël tsi uwak, ndë me ne, batsaar ni ind aci buts tsi unoor umënts wi, tsi umundu.

UPIBAN 18:7

Bi pa rëmbandar bunk, a pa baar ibats tsi ngëko uroonku, nda tsuun pul unoor ni unjuatsia-puum nda liingan unk! Par pul, aci tsi pëja tsi uwaas pul: ‘Nji n tsoar ink pi nasien-ŋaats, nji n cätsëndënats ayën nji, a te unjuatsia-puum di ka baandë-niin yaas.’

UPIBAN 3:17

Par, m ja m doon kuu ja: Man ci narëmb, man ka bëka, nji n fierats ko. Maa m meets këme m juatsan, m jampësan, m danj, m kuelëts, a m tiemaatsa ko.