ROOMA 11:14 - KARÚK-PËRIM KAWALU Nouveau Testament

¹⁴ pa pëteen ne, mán yëlan ank pëtsu mampícëlër tsi bañaan nji, ni pëbueran balon tsi bukul.

ROOMA 11:14 ပူးပေါင်းရင်းမြစ်များ

ROOMA 10:19

Maa mán yepar kak: Ane Israel meets wul? Ucak Moises aja: “Mán tsuuna ind mñíbula tsi ban cits biki ucaak; ka riabatsaan ind ucaak u lipats wi.”

ROOMA 11:11

Inkri, mán yepar: Ane Bajudeu ajontas këjontas pa bukul pëyër-a? Nin-a! Maa, undo kaguus-ko bukul, a pëbuer bi tsi ban cits biki Bajudeu, pa pëtsu Israel pëpícëlër ni bukul.

ROOMA 9:3

a n do ŋal nji bërierin pëci ujuatsal, ka patsësar ni Këristu undo bëŋal biki wund tsaar biki, bayëts nji tsi pëñaak,

1 KORINTU 1:21

Par, Nasien-batsi tsi kamekoul, tsuuts umundu u meul tsi kamekoul bërierul; maa ba uwak biki, abueranaan bukul bëfuur kaleents-përim.

1 KORINTU 10:33

Unk nji buts, ma nja n doon ka tsas pëlilan bañaan ngëwaas bëlieng, tsi ko un ci wi-ba këci. In di ka n tsas uwar pa nji bërierin, maa mán tsas uwar pa bacumal, pa ba yëlan pëbuer.

1 KORINTU 7:16

Um bi m me bun wi ŋaats ne kii bueran ayënu? Oo um bi m me bun wi niints ne kii bueran aaru?

1 TIMOTEU 1:15

Përim pi, aci pan waka pi, a pa ciind pi ka niirana pi pul bëlieng; iink di pa ja run: Këristu Yeesu abi tsi umundu pa pëbueran bajuban, a te nji n pe un pëci najuban.

1 TIMOTEU 2:4

nul na ŋali bañaan bëlieng buer, bu ka tsënkan pëme ucär.

1 TIMOTEU 4:16

Rukan ibats uwar tsi wi, ni tsi bëjukanu, kuu tambandar tsi ko wan. Par, uci kë ro ank, kii bueran beenu, ni bacikëndënu.

2 TIMOTEU 1:9

nul nan buerani njai, a na rui nja ni karua kayëman. Cits undo ngi ngë ro ngi, maa aci-undo utsaag wi na tsaag wi bërierul, ni undo bëtseend bi ngë wëla bi tsi Këristu Yeesu, te ngëwal netse ro ci;

2 TIMOTEU 2:10

Wul ka wun n ci tsi puu miira tsi ko un ci wi-ba këci, undo barata, pa bukul buts pëyank pëbuer, pul pan ci pi di Këristu Yeesu; bu ka yankand përëmb pan dits pi ka ba.

TIITU 3:5

a na bueran inja; cits undo ngi ngë ro ngi bërier nja tsi bëmabal, maa aci-undo kayëk-ipësul. Abueranaani nja tsi pëñawa pan ci pi pi kabëka-kawalu, a pa ciind pi pëwitsa nawalu pi Uwejats-ujënts kë wíts pi ñaan.

FILEMON 1:12

Mán wëtaniul na kaki tsi wi, nul nan ci uwaas nji.

BAYEBËREU 1:14

Ngëwaanju bëlieng cits ink ngëwejats ngan ci ngi tsi uleemp-a? Nga yëlee ngi pa puu tsënk biki ka yank biki pëbuer.

BAYEBËREU 2:3

um bi ngë yil bun pëbuer, uci ngë tsuunkarats pëbuer pëwiak mak pëmënts pi? Pëbuer pëmënts pi, Ajug cakës un pëleents pul, a uu ba, a ban te biki pul kaka leents nja pul.

JAKOB 5:20

ndë me, nan pënanii najuban tsi bëga bi na ro bi niamëna, ka bueran ubiira ñaan namënts un tsi pëcäts, në kund ngëjuban ngëcumal mak.