ROOMA 10:12 - KARÚK-PËRIM KAWALU Nouveau Testament

¹² Kaats ko un patsëlan wi Najudeu ni nagërek, par bukul bëlieng bu bof Ajug, a na ci narëmb pa ba nja biki ba roon bu kë ruul bëlieng.

ROOMA 10:12 ပူးပေါင်းရင်းမြစ်များ

NGËRO 7:59

Bi bu kë tap bi Estefan ni ilaak, a na ñaan aja: “Yeesu Ajug! Yankan uwejats nji.”

NGËRO 9:14

A tsiji tsi pëyëlan pi na yanki pi di bawiak-bajakan, pa pëmob bañaan bëlieng, biki kan du biki katimu.”

ROOMA 14:9

Undo ko umënts wun ka wun Këristu cats a na kaka kak ka yafënts; pa pëci Ajug bacäts, ni ba wama biki ka yafënts.

ROOMA 15:12

A Isaaya ja buts: “Kee ka nalon tsi kajër Jese, ni ka natsee pa pësien ban cits biki Bajudeu; ban cits biki Bajudeu ka tsu uwats bukul tsi nul.”

ROOMA 2:4

Oo m be përëmb kawara-uwaasul, ni pi umiiraul, ni pi karo-ngëwarul; nin m yëkëranats kawara-uwaas Nasien-batsi ci pa pëtsuu kë yaar ibats-a?

ROOMA 3:22

Nasien-batsi ka tsuuna bañaan pëci bamabal tsi uwak tsi Yeesu Këristu. Aro unk bañaan ba uwak biki bëlieng. Ngëkicës cits tsul,

1 KORINTU 1:2

pa Ngëriisia Nasien-batsi ngan ci ngi di Korintu, ban jëtsanana biki tsi Këristu Yeesu, ban duura biki pëci, ni ba nja biki ba roon tsi ngëleka bëlieng, bu kë ru bëlieng katim Yeesu Këristu, Ajug nja; aci Ajug bukul a na ciind níic nja.

1 KORINTU 15:47

Ñaan nacäk na leempënee mboos, aci ni utsia. Ñaan natëbantsan apënë-ni batsi.

2 KORINTU 8:9

Ind nda me bëtseend ban ci bi tsi Yeesu Këristu Ajug nja nul nan ci narëmb, a tsi undo ind na ruka ci naranj; pa nda ruka ci barëmb tsi bëranjul.

GALAASIA 3:28

Unk, katse ka Najudeu nin nagërek; katse ka naluek nin nafacal; katse ka niints nin ŋaats; par ind bëlieng nda ci baloole tsi Këristu Yeesu.

EFEESU 1:7

tsi nul, tsi ngë lukaraana pëbuer, tsi pëñaakul, pa pëjampësaa ngëjuban; tsi undo përëmb bëtseendul,

EFEESU 2:4

Maa Nasien-batsi, nul nan cumi ni kayëk-ipës, tsi undo bëŋalul bëwiak bi na ŋal nja bi,

EFEESU 2:7

pa tsi ngëwal ngi kan bi ngi, në piban përëmbul pan pelëk pi tsi bëtseendul, bi na ci bi uwar pa n ja tsi Këristu Yeesu.

EFEESU 3:16

pa tsi bëka përëmbul, Uwejatsul ka wël ñaan nametsu di ind, uyëlan ni pëyëlan.

EFEESU 3:6

A wul, undoots wi mea ci wun wi: tsi Upetsan-uwar, ban cits biki Bajudeu abof tsi bërukanda bëloole bun, a ba bof tsi uliaf uloole wun, ni uwatsana uloole wun tsi Këristu.

EFEESU 3:8

Nji nan pei pëci naties tsi bayëman bëlieng, bëtseend bëmënts bi awëlain pa nji pëleents tsi ban cits biki Bajudeu Upetsan-uwar përëmb Këristu pa yëlanaatsa pi bëjaaka;

FILIIPUS 2:11

A pëndiamënt pan ci pi-ba këci, pë pets ka ja, Yeesu Këristu ci-un Ajug, pa përëmb Nasien-batsi, Asin.

FILIIPUS 4:19

Nasien-batsi nji, ka roor ind ngëfier ind bëlieng, bi bëka përëmbul ci bi tsi Këristu Yeesu.

KOLOS 1:27

Bukul biki Nasien-batsi ŋal bukun ba me bëka ban ci bi ba këci, bi un doots wink mea, ni përëmb wul, tsi pëncuaf ban cits biki Bajudeu, un ci wi: Këristu tsi ind, ci-un uwats përëmb.

KOLOS 3:11

tsul, katse ka nagërek oo Najudeu; katse ka nawela-kambac oo nawelaatsa-kambac; katse ka napayi oo najintela-ngëcaay; katse ka naluek oo nafacal; maa Këristu ci-un, nul nan ci blieng, tsi blieëng.

1 TIMOTEU 2:5

Par, Nasien-batsi naloole baŋ ci-un, a natsu-manteelar tsi Nasien-batsi ni bañaan-bajin ci buts naloole baŋ, ci-un Këristu Yeesu, nul ñaan-najin;

UPIBAN 17:14

Bukul, bu ka kaman Ubuk-unkaanel, maa Ubuk-unkrnel ka kuk bukul, par wul aci Ajug bajug, Nasien basien; ban ci biki ni wul, bukul banduee biki a ba rata, a ba mob tsi ko wi ba jaka wi, bu ka pena buts ukam.”

UPIBAN 19:16

Nul aka katim kan picana ki tsi kapantuul, ni tsi pëmbojul, aja: “Nasien basien, Ajug bajug.”