ROOMA 1:5 - KARÚK-PËRIM KAWALU Nouveau Testament

⁵ A tsi nul, tsi wund yankëna tsun bëtseend ni pëci bapostolu, pa pëtsu ban cits biki Bajudeu bëlieng ba niiran uwak tsi katimul;

ROOMA 1:5 ပူးပေါင်းရင်းမြစ်များ

KAKÚRAN-KAWAR YEESU KRISTU BI JOŊ LEENŢ BI KUL AJA 1:16

A nja bëlieng buts, tsi përëmbul ngë yank un cum wi, ni bëtseend ba nekëlar bi.

NGËRO 1:25

pa na yank pëlas tsi uleemp wi ni tsi kayëlia, pi Judas wëtan pi a na tsëp tsëko tsan ci tsi tsíicul.”

NGËRO 15:14

Simeon aleents bi Nasien-batsi cakës bi arat uwar tsi ngëcaak ban cits biki Bajudeu, bañaan biki kanduunaa biki katimul.

NGËRO 6:7

Unk, a përim Nasien-batsi kë laar mak, ucumara bafets Yeesu kë pe këpe pëwatsësar di Jerusalem, a kandënd bajakan niiran uwak.

NGËRO 9:15

Maa, Ajug jaul: “Tsëpan, par namëntsi, aci kaŋí ki n dat ki pa pëtsëpand katim nji tsi bërun ban cits biki Bajudeu, ni basien, ni babuk Israel.

ROOMA 12:3

Par, tsi bëtseend bi wëla bi, má nja ka ra ñaan nan ci tsi ind, nul tsë wejatsar beenul bërierul na par-paran; maa na wejatsi na liingëlan tsi kaniibi uwak wi Nasien-batsi wël wi kara ñaan.

ROOMA 16:26

maa inkri, a u pibanaa, a bañaan bëlieng me wul, undo Bëpican bayëlia, bi Nasien-batsi narika-ba tsu bi, pa ban cits biki Bajudeu bëlieng pëniiran përimul, undo uwak.

ROOMA 3:29

Ane Nasien-batsi ci ni Bajudeu baŋ-a? Cits buts ni ban cits biki bajudeu-a? Eey-e, nul aci buts ni ban cits biki Bajudeu,

1 KORINTU 15:10

Maa tsi bëtseend Nasien-batsi, man ci ko wi n ci wi. A bëtseendul bi wëla bi, cits ko un kaats wi bëkat, maa man leemp a n pean bukul bëlieng, maa cits nji; aci bëtseend Nasien-batsi ka leemp bun ni nji.

1 KORINTU 9:2

Uci n cits Napostolu pa balon, maa pa ind man ci Napostolu; par ind ci bukun umarëka un piban wi nci Napostolu tsi Ajug.

EFEESU 1:12

pa n ja pëci ubëndan përëmbul, n ja ban ci biki bacak ban tsu biki uwatsi nja tsi Këristu.

EFEESU 1:6

pa n ja pëbundan përëmb bëtseendul bi na wël nja bi bëlukats tsi Abukul na ŋalee.

BAYEBËREU 5:9

A uwal wi na tsua wi nan bai pëci nawar, a na ruka ci nan kaanee pëbuer pan dits pi ka ba, pa bañaan bëlieng biki kando biki ko wi na ja wi,