ROOMA 1:16 - KARÚK-PËRIM KAWALU Nouveau Testament

¹⁶ Par nji, in di ka n kawara Upetsan-uwar, wul aci pëyëlan Nasien-batsi pa pëbuer na waki ba këwak; ucak aci pëbuer Najudeu, a u ru ci pëbuer nagërek.

ROOMA 1:16 ပူးပေါင်းရင်းမြစ်များ

MARKU 8:38

Par, nan kawee tsi uleka nji ni irim nji tsi bañaan ntsari biki, ba mabats biki tsi Nasien-batsi a ba ciind bajuban, Abuk ñaan-najin buts, kee kawa tsi ulekaul ubiul ni ngëwaanju ngëyëman di përëmb Asin.”

LÚKAS 9:26

Par, ñaan nan kawee tsi undo nji ni irim nji, Abuk ñaan-najin kee kawa tsi undoul, ubiul ni përëmbul, ni pi Asin, ni pi ngëwaanju ngëyëman.

KAKÚRAN-KAWAR YEESU KRISTU BI JOŊ LEENŢ BI KUL AJA 7:35

A Bajudeu kë ja tsi ba ci tsi: “tsum tsi namëntsi pënar tsun, tsi ngë yëlanats tsi pëwinul? Ane ka fetsan bayiic nja ban garandar biki aband tsi Bagërek, në jukan bagërek-a?

NGËRO 3:26

Unk, Nasien-batsi anatsani naleempul, a na yëliul bërun tsi ind, pii jaar ind ngëwar, uja kara ñaan tsi ind në cikësiul tsi ngëkoul ngi kawaraatsa.”

ROOMA 10:17

Unk, uwak apënë-ni tsi pëcikëndën, a pëcikëndën ciina tsi përim Këristu.

ROOMA 15:19

tsi pëyëlan ngëpibanaani ni ngëko ngan pikra n ngi undo pëyëlan Uwejats Nasien-batsi; unk, a n leents Upetsan-uwar Këristu a n jëkëlan, pëpën tsi Jerusalem ni ngëcaak ngan fay ngi dul, te di Iliriku.

ROOMA 15:29

A n me ne, ubi nji pëwin ind, mán cum ni ngëko ngëwar Këristu pëbi.

ROOMA 2:9

Unoor ni unjuatsia ka ci tsi ñaan ni ka doi ba këro ko u waraatsa wi, ucak tsi Najudeu, u rura ci tsi nagërek.

ROOMA 4:11

a u ba, kajín kawela-kambac du wëlaul pi umarëka bëmabal, wi na kaana wi tsi uwak uwal wi na netse wi wela kambac. A unk di na ci run asin bañaan ba uwak biki bëlieng, ŋal bi ba welaatsa bi kambac, pa bukul buts pëtsua bamabal.

1 KORINTU 15:2

tsi wul buts tsi nda buerëna tsun, uci nda gaang wul bi n leents ind bi wul; uci nda roots unk ba, uwak ind di ka ka bëkat.

1 KORINTU 2:2

par man baaraan përits me nin ulon ko tsi pëncuaf ind, ucits ba Yeesu Këristu, nul nan dieŋee di kruus.

1 KORINTU 2:4

Bëñakan nji ni irim i n du n leents yi, biinats tsi kameko ñaan-najin, maa apibanaana tsi Uwejats ni tsi pëyëlan,

1 KORINTU 9:12

Uci balon ka puu yank ngul tsi ind, a wund, wund kaats pëpe këpe pëyank-a? Maa, wund ŋalats pëyank ko wi wund ka wi pëyank. Maa wund amiira ngëko bëlieng, pa wund përits tsu ulon ko u wocan Upetsan-uwar Këristu.

1 KORINTU 9:18

Inkri buom ci bun bëluk nji? Upetsan-uwar wi ndu n leents wink aci bëtseend, nji n ŋalats pëyank ko wi n ka wi pëwëlaa pi naleents Upetsan-uwar.

2 KORINTU 2:12

A bi n band bi Troas pa pëleents Upetsan-uwar Këristu, a Ajug waantsin pëlëman.

2 KORINTU 4:4

pa ban fiaarats biki; biki nasien-batsi umundu wi kuelëtsan biki uwejats, pa bukul tsë win ufietsar Upetsan-uwar përëmb Këristu, nul nan ci bënaam Nasien-batsi.

2 KORINTU 9:13

Bu ka pikra tsi bëkat uleemp wi, bacumal ka bundan Nasien-batsi tsi bi nda niiran bi pëpiban ko wi nda ci wi undo Upetsan-uwar Këristu; ni bi ndu wël bi ni ngëwaas ngan fac ngi, tsi bi ndu faar bi ngëko ni bukul ni bañaan bëlieng.

GALAASIA 1:7

Wul cits ulon Upetsan-uwar, maa, aka balon bañaan ban ci biki tsi pëlënkan ind, a ba ŋal pëcík Upetsan-uwar Këristu.

1 TESALONIKA 2:13

A wul ka wun buts wund wëtaants puu baran Nasien-batsi; par uwal wi nda yank wunk përim Nasien-batsi, pul pi nda te pi wund leents ind, nda niiran pul bi pa baaraan bi pëci. Cits pëjaa aci përim bañaan-bajin, maa aci përim Nasien-batsi, a puu leemp uleemp tsi ind ba uwak biki.

1 TIMOTEU 1:11

Ci wun ko u yuk wi ni Upetsan-uwar përëmb Nasien-batsi, nul nanaakal; wul wi n tergaara wun.

2 TIMOTEU 1:12

A wul ka wun n ci tsi unoor tsi ngëmënts ngi. Maa nji kawaraatsa ngul, par man me ni n tsuuni uwak, a n fiaar koon na yëlan pëwaay ko wi n gaangana wi, te Unu umënts wan.

2 TIMOTEU 1:16

Ajug na yëkari bañaan kato Onesiforu ipës. Par, arëmb puu juabutsanin uwaas, a te kawaraatsa bi n dica bink;

2 TIMOTEU 1:8

Bi u ci bank, cats kawa puu leents ko wi m ciina wi tsi uleka Ajug; a te cats kawa tsi uleka nji, bi n dica bink, undoul. Maa, nooran ni nji pa Upetsan-uwar, tsi puu sëtsaraan pëyëlan Nasien-batsi,

BAYEBËREU 4:12

Par, përim Nasien-batsi aka ubiira a pa kaand pëyëlan; pul are ape ulaac un de wi ngëjara ngëtëb. Aja pa roon pë niaj te pë kicës uwaas ni uwejats, ngësúk uliaf ni pëluŋ; a pa yëlan pëyëkëran ngi uwaas ciina ngi, ni ngi u wejats ngi.

1 PER 4:16

Maa uci na ci tsi unoor pi Ñaan-këristu, nul tsë kawara ko wan, maa na rëmbani Nasien-batsi tsi undo katim ki.