ROOMA 1:1 - KARÚK-PËRIM KAWALU Nouveau Testament

¹ Pol, naleemp Këristu Yeesu, nanduuree pëci Napostolu, a na patsandara pëleents Upetsan-uwar Nasien-batsi.

ROOMA 1:1 ပူးပေါင်းရင်းမြစ်များ

MARKU 1:14

Bi Joŋ tsua bi di ukalabus, Yeesu bi Galileeya, a nuu leents Upetsan-uwar Nasien-batsi,

KAKÚRAN-KAWAR YEESU KRISTU BI JOŊ LEENŢ BI KUL AJA 12:26

Uci ñaan kë leemparin, na fetsin; a tsëko tsi n ci tsi, naleemp nji ka ci buts tsul. Uci ñaan kë leemparin, Asin nji ka rëmbanul.

KAKÚRAN-KAWAR YEESU KRISTU BI JOŊ LEENŢ BI KUL AJA 15:15

Nji n katse ka ndu ind baluek, par naluek di ka me ko wi ajugul kë ro wi. Maa, mándu ind ifetsar, par ngi n te ngi bëlieng di Asin nji, man tsu ind a nda me ngul.

KAKÚRAN-KAWAR YEESU KRISTU BI JOŊ LEENŢ BI KUL AJA 15:20

Nda lesan përim pnja ind pi: Naluek peets ajugul. Uci ba noor-nooranin, bu ka noor-nooran ind buts; a uci ba mob tsi përim nji, bu ka mob buts tsi përim ind.

NGËRO 13:9

Din, a Sol ni ka n jakee buts Pol, cum ni Uwejats-ujënts, a na kaŋanul këkës,

NGËRO 20:24

Maa, nji n tsuuts ubiira nji ko un ka wi bëkat, uci pëjaa man túk pëtuk nji uwar, a n do uwar uleemp wi Yeesu, Ajug, wëlin wi përo, nji pëci naleents Upetsan-uwar, uleka bëtseend Nasien-batsi.

NGËRO 21:40

Bi na niirana bi pëñakan, nul Pol nats tsi tsëpayënee, a na riang kañan pa bañaan yëŋandar. A ba yëŋandar bëlieng, a na ñakanaan bukul tsi pëleets Uyebëreu, aja:

NGËRO 22:21

Maa, Ajug jain: ‘Tsëpan! Mán yëlu lawan, di ban cits biki Bajudeu.’”

NGËRO 22:7

Din a n yër tsi utsia, a n te pëlon përim pa n jain pi: ‘Sol, Sol! We ka wun a kë noor-nooranin?’

NGËRO 26:1

A Agëripa ja Pol: “Aniiranaa wi pëpokar beenu.” Din a Pol taar kañan, a na kur pëpok, aja:

NGËRO 26:14

A wund yër bëlieng tsi utsia, a n te përim ñakanaanin tsi pëlents Uyebëreu, aja: ‘Sol, Sol! We ka wun a kë noor-nooranin? Wi pëkaman ko un jul wi, ka ciu ko u ñats wi.’

NGËRO 27:23

Par, tsi bërëm bi, ulon uwaanju Nasien-batsi, nan kaini, ni n du leempari, acili tsi bërun nji,

NGËRO 9:15

Maa, Ajug jaul: “Tsëpan, par namëntsi, aci kaŋí ki n dat ki pa pëtsëpand katim nji tsi bërun ban cits biki Bajudeu, ni basien, ni babuk Israel.

ROOMA 1:16

Par nji, in di ka n kawara Upetsan-uwar, wul aci pëyëlan Nasien-batsi pa pëbuer na waki ba këwak; ucak aci pëbuer Najudeu, a u ru ci pëbuer nagërek.

ROOMA 1:5

A tsi nul, tsi wund yankëna tsun bëtseend ni pëci bapostolu, pa pëtsu ban cits biki Bajudeu bëlieng ba niiran uwak tsi katimul;

ROOMA 1:9

Nasien-batsi, nul ni ndu leempari tsi uwejats nji, tsi pëleents Upetsan-uwar Abukul, amaatir bi n wëtaants bi pëles ind

ROOMA 11:13

Inkri, man ci tsi pëñakanaan ind, ind ban cits biki Bajudeu; bi n ci bink Napostolu ban cits biki Bajudeu, ka wun n dëmban uleemp nji,

ROOMA 15:16

pa nji pëci naleempar Këristu Yeesu tsi pëncuaf ban cits biki Bajudeu, pa nji puu leents Upetsan-uwar Nasien-batsi, pa ban cits biki Bajudeu pëci bëtseend ba líl bi Nasien-batsi, bul ban jëntsanaana bi Uwejats-ujënts.

ROOMA 15:29

A n me ne, ubi nji pëwin ind, mán cum ni ngëko ngëwar Këristu pëbi.

ROOMA 16:18

par bamënts biki cits tsi pëleempar Këristu Ajug nja maa bë ci tsi pëleempar ipës bukul; a ni irim ilílal ni kafal, bu kë niaman ban kaats biki ko ni ñaan.

ROOMA 16:25

Përëmb pa wëlaan nan ka unk pëyëlan pa pënatsan ind, bi n leents ind bi Upetsan-uwar, ni përim pi Yeesu Këristu leents pi, bi na piban bunk undoots wunk meaa, a u ro gaangaa ki ngëwal ngan par ngi;

1 KORINTU 1:1

Pol, nan duee tsi uŋal Nasien-batsi, pa pëci Napostolu Këristu Yeesu, ni nan tsaari ni nja Sostenes,

1 KORINTU 9:1

Nji, in facäts-a? Nji, in cits napostolu-a? Nji, in winats Yeesu Ajug inja-a? Ane nda cits mbuk uleemp nji tsi Ajug-a?

2 KORINTU 1:1

Pol, Napostolu Këristu Yeesu tsi uŋal Nasien-batsi; ni Timoteu na tsaar ni nja tsi uwak, pa Ngëriisia Nasien-batsi ngan ci ngi di Korintu, ni bayëman bëlieng ban ci biki di Akaaya bëlieng.

2 KORINTU 11:5

Par man wejats a nja, kaats ko wi n peena wi pëtiesëts tsi bapostolu ban pats bakank.

2 KORINTU 11:7

Bi n welan bi been nji bërierin pa ind përëmbanaa, a n leents ind Upetsan-uwar Nasien-batsi te in yepats bëluk, ane man do këro ujuban-a?

2 KORINTU 12:11

Man duka n ci nafuur, maa ind tsuin bukun pëci ank. Ind ro bukun ka pëbëndanin, par ŋal bi n cits bi ko, in kaats ko wi n peena wi pëci naties tsi ba n jaka bukunk bapostolu bawiak mak.

2 KORINTU 2:12

A bi n band bi Troas pa pëleents Upetsan-uwar Këristu, a Ajug waantsin pëlëman.

2 KORINTU 4:5

A cits undo wund bërier wund, wi wund kë leents wun, maa uleka Yeesu Këristu Ajug wi wund kë leents wun. A wund bërier wund, wund aci këci baleemp ind tsi undo Yeesu.

GALAASIA 1:1

Pol, Napostolu, cits bañaan-bajin tsuul bukun, nin cits nalon ñaan, maa Yeesu Këristu ni Nasien-batsi, Asin, nul na natsaniuli di bacäts.

EFEESU 1:1

Pol, Napostolu Yeesu Këristu tsi uŋal Nasien-batsi, pa bayëman ban ci biki di Efeesu, ba mob biki tsi Yeesu Këristu.

EFEESU 1:13

tsi nul, ind buts, uwal wi nda te wi përim ucär, un ci wi Upetsan-uwar pëbuer ind, a nda wak tsi Këristu, nda tsua umarëka Uwejats-ujënts u watsana wi,

EFEESU 4:11

A nul wël un balon ngëtseend pëci bapostolu, bacints bayëlia, bacints baleents Upetsan-uwar, bacints ka ci bayafan bu ka ciind bajukan;

FILIIPUS 1:1

Pol ni Timoteu, baleempar Këristu Yeesu, pa bayëman bëlieng tsi Këristu Yeesu, ban ci biki di Filiipus, bukul ni bawaay, ni batsënk.

FILIIPUS 2:11

A pëndiamënt pan ci pi-ba këci, pë pets ka ja, Yeesu Këristu ci-un Ajug, pa përëmb Nasien-batsi, Asin.

KOLOS 1:1

Pol, Napostolu Këristu Yeesu tsi uŋal Nasien-batsi, ni Timoteu nul nan tsaari ni nja

KOLOS 1:25

Man duka n ci naleempar Ngëriisia, undo uleemp wi Nasien-batsi wëlin wi përo, pa pëleents ind përim Nasien-batsi, pul bëlieng.

1 TESALONIKA 2:2

Wund aro ci tsi unoor a wund tsijaa pëtsija pa waraatsa pi di Filiipus, bi nda me bunk. Maa ŋal bi ukam ci bi uwiak, wund aliincan ngëwaas tsi Nasien-batsi wund, pëleents ind Upetsan-uwar Nasien-batsi.

1 TESALONIKA 2:8

Tsi kajuab-ngëwaas wund pa ind, wund aro ŋal pëwël ind Upetsan-uwar Nasien-batsi; te cits wul rin, maa buts ngëbiira wund bërier ngul. Par nda ruka ci biki wund ŋal biki mak.

1 TESALONIKA 2:9

Batsaar ni wund, nda lesan-e uleemp wund uñatsal, ni unoor wund, bi wund kë leents ind bi Upetsan-uwar Nasien-batsi, a wund ja wund roon wund kë leemp bërëm ni pënak, pa përits ci pëyunts pa nin nalon tsi ind.

1 TIMOTEU 1:1

Pol, Napostolu Këristu Yeesu, tsi utsua Nasien-batsi, Nabueran nja ni Këristu Yeesu, uwats nja;

1 TIMOTEU 2:7

undo un pibana wink, ka wun n tsua pëci naleents përim ni Napostolu – nji n tsupats, man leents ucär – a n tsuunda pëci najukan bañaan ban cits biki Bajudeu ko un ci wi uwak, ni ucär.

2 TIMOTEU 1:11

Undo Upetsan-uwar wi, ka wun n tsua pëci naleents-përim, ni Napostolu, ni najukan.

TIITU 1:1

Pol, naleempar Nasien-batsi, Napostolu Yeesu Këristu, pa pëtsiji uwak tsi biki Nasien-batsi rat biki, ni kame ucär ki kan tsu ki ñaan pëlënk Nasien-batsi;

BAYEBËREU 5:4

Ñaan di ka wëlar pëlas urispiitu pëmënts pi, maa Nasien-batsi ka ruul un, bi Aaron ruaa bunk.

BAYEBËREU 7:26

Nan pei pëci nawiak-bajakan pi namëntsi, ni ngë fier un, najëntsal, nan kaatsi ulaci, nan kaatsi ujink, nan patsilari ni bajuban, nan diangai aruetsi batsi ban ci bi ba këci.

JAKOB 1:1

Jakob, naluek Nasien-batsi ni Yeesu Këristu, Ajug, pa këbuka untaaja kun ni këtëb, kan gara ki jëk umundu: Nda ciin uwar!

1 PER 4:17

Par aband uwal wi kawat-pëleents kë juundëna wi di Kato Nasien-batsi. A uci kawat-pëleents kë juundëna tsinja we ka ci wun utuami ban pok biki pëwak tsi Upetsan-uwar Nasien-batsi?

2 PER 1:1

Simon Per naleemp, a na ciind Napostolu Yeesu Këristu, pa ban tsënkan bukunk uwak un ka wi bëkat pi wiic nja tsi bëmabal Nasien-batsi nja, ni Yeesu Këristu Nabueran.

JÚDAS 1:1

Júdas, naluek Yeesu Këristu, a na ci buts nan tsaari ni Jakob; pa bandua biki, biki Nasien-batsi Asin ŋal biki, a ba waaya tsi Yeesu Këristu.

UPIBAN 1:1

Upiban Yeesu Këristu, wi Nasien-batsi wëlul wi pa pëpibanaan baleempul ngan ka ngi pëbaandi, tsi ko un car wi. Atsu wul a u mea, bi na yëli bi uwaanjuul tsi naleempul, Joŋ;

UPIBAN 22:6

A uwaanju umënts wunjain: “Irim yi, aci in waka yi, a i ciind icär. Ajug, nul Nasien-batsi ngëwejats bayëlia, ayëli uwaanjuul pa pëpiban baleempul ngan ka ngi pëbaandi tsi ko un car wi.”

UPIBAN 22:9

Maa a u jain: “Teenan-e, cats ro! Man ci acintsu naleemp, ni acints ban tsaar biki ni wi, un ci wi-bayëlia, ni acints bamob tsi irim ulibëru umënts wi. Nasien-batsi ni m ka un pëjintëla.”