NGËRO 9:39 - KARÚK-PËRIM KAWALU Nouveau Testament

³⁹ A Per natsa atsëp ni bukul. Bi ba band bi, a ba tsëpandul di pëfër përuets, a bacätsëndan-bayën bukul bëlieng fayul, a bu kë kaan, ba pibanul ipantu, ni iŋi-bëtiem i Dorkas leemp yi, bi na wama bi ci ni bukul.

NGËRO 9:39 ပူးပေါင်းရင်းမြစ်များ

MATEU 17:17

A Yeesu yankësul, aja: “Ind bañaan uwal wi, ko wi nda ranj wi uwak, a nda colandëts bëga! Mán ci ni ind te lum-i? A ndu miira ind te lum-i? Tsíjiin nul tsi.”

MATEU 26:11

Par nduu ci ni baranj ngënu bëlieng; maa nji, nda ri ka ci ni nji ngënu bëlieng.

MARKU 14:8

Nul, aro ko wi na yëlan wi përo. Acar atular uliaf nji ulicar, pa pëmooy.

LÚKAS 24:44

Na ja bukul: “Yi ci yun irim nji, i n do yi ka leents ind, bi n wama bi n ci ni ind: Ngan picana ngi bëlieng tsi uleka nji tsi ulua-Moises, ni tsi bayëlia, ni tsi uya-ubëndan, aka përolaa.”

KAKÚRAN-KAWAR YEESU KRISTU BI JOŊ LEENŢ BI KUL AJA 12:8

Baranj, nduu ka bukul tsi ind, ngënu bëlieng. Maa nji nda ri ka kain, ngënu bëlieng.”

KAKÚRAN-KAWAR YEESU KRISTU BI JOŊ LEENŢ BI KUL AJA 17:12

Bi n do bi n ci ni bukul, man waay bukul tsi katimu ki m wëlin ki; man waay bukul, a nin naloole tsi bukul niamats, ucits ba nan bukaree pëniam, pa u ci bi Bëpica n ja bi.

NGËRO 1:13

Bi ba niaj bi përaasa, a ba paiya pëfër përuets di ba ro ri ka jukëna; aci Per ni Joŋ, Jakob ni Andëre, Filip ni Tomaas, Bartolomeu ni Mateu, Jakob abuk Alfeu, ni Simon nakamandar ucaakul, ni Judas abuk Jakob.

NGËRO 20:35

Tsi ko un ci wi-ba këci, man piban ind, ngë ka pëleemp uleemp uñatsal pa pëtsënk ban fier biki, nja kë les irim Yeesu, Ajug, i na ja yi nul bërierul: ‘Ni ka wëli ape ni ka yanki pëci nanaakal.’”

NGËRO 6:1

Tsi ngënu ngëmënts ngan, bafets Yeesu kë pe këpe pëwatsësar, a Bagërek natsara pëkuët Bayebëreu, par ban cätsëndan biki bayën bukul tsi bukul, bë ja ba roon bu kë finaa kafa ngëko kara unu.

NGËRO 8:2

A balon bayënts ba lënk biki Nasien-batsi mooy Estefan, a ba kaandarul mak.

NGËRO 9:41

Per colanul kañan, na katul. A na rui bayëman ni bacätsëndan-bayën bukul, na piban bukul ŋaats kak nayësal.

2 KORINTU 8:12

Par uci ñaan kë wël ni uwaas u fac wi, në lílandëra tsi ko wi na ka wi; cits tsi ko wi na kaats wi.

EFEESU 4:28

Nandoi ka kiej, nul tsë kiej kak; maa na leempëni iñanul bërierul ko u wara wi, pa pëka ko wi nuu wël wi nan fieri.

1 TESALONIKA 1:3

Wund wëtaants puu les ngi uwak ind piban ngi, ni ngi bëŋal ind ro ngi, ni umiira uwats ind tsi Ajug nja Yeesu Këristu, ni tsi bërun Nasien-batsi nja Asin.

1 TESALONIKA 4:13

Batsaar ni wund, wund ŋalats ind përits me ko tsi uleka bacäts, unk nda rits juatsan pi banduka bukunk, bukul ban kaats biki uwats.

1 TIMOTEU 5:3

Ban cätsëndan biki bayën bukul a ba baaraan përuka unk, këmandi bukul.

1 TIMOTEU 5:5

Nan catsëndani ayënul a na baaraan përuka unk, a na ci koorul baŋ, namënts un atsu uwatsul tsi Nasien-batsi, a bërëm ni pënak nuu tambandar tsi pëyep bëtsënk, ni tsi bëñaan.

1 JOŊ 3:18

Upats uties, n ja tsuuts ŋalëna përim ni pëndiamënt rin, maa ngë ŋalëna karo-ko, ni ucär.