NGËRO 9:31 - KARÚK-PËRIM KAWALU Nouveau Testament

³¹ Tsi wul, a Ngëriisia ru tsij pëfac tsi Judeeya bëlieng, ni Galileeya, ni Samaaria; a nguu liinc-liincandar, a nguu yandaar tsi puu lënk Ajug; a tsi bëtsënk Uwejats-ujënts, a nguu pe këpe pëwatsësar.

NGËRO 9:31 ပူးပေါင်းရင်းမြစ်များ

NGËRO 12:24

A tsi uwal umënts wun, përim Nasien-batsi ru pe këpe pëwiaka ni pëlaar.

NGËRO 16:5

Unk, a iriisia kë pe këpe pëliincandër tsi uwak, a yuu watsësar ucumar, kara unu.

NGËRO 2:47

Bu kë bëndan Nasien-batsi, a bañaan lílandër bukul bëlieng. Uja kara unu, Ajug kë watsës tsi bukul ban buëri biki.

NGËRO 20:32

A inkri, man tanan ind Nasien-batsi, ni përimul pi bëtseend, pan ka pi pëyëlan pëliican ind ni pëwël ind bërukanda ban tsuura bi ban patsana biki bëlieng.

NGËRO 5:11

A bëlal bëwiak baandë-ni bañaan Ngëriisia bëlieng, ni bañaan bëlieng ban te biki ngëko ngan.

NGËRO 6:7

Unk, a përim Nasien-batsi kë laar mak, ucumara bafets Yeesu kë pe këpe pëwatsësar di Jerusalem, a kandënd bajakan niiran uwak.

NGËRO 8:1

Sol, abofëna tsi ba niiran biki Estefan pëfiŋa. Tsi unu umënts wun, a pënoor-noorana pëwiak baandari Ngëriisia ngan ci ngi di Jerusalem, a bañaan bëlieng garandar pa ngëcaak Judeeya ni Samaaria, a bapostolu rin, duka bukun.

ROOMA 14:17

par Pësien Nasien-batsi cits bariala ni përaan, maa aci bëmabal ni pëfac ni ulílan tsi Uwejats-ujënts.

ROOMA 14:19

Unk, nda ju ngë mob tsi pëfets ngëko ngi kan wël ngi pëfac, ni ngi kan tsu ngi ñaan në liinc-liincan acintsul.

ROOMA 15:13

Nasien-batsi uwats, na cumani ind ulílan un ci wi-ba këci, ni pëfac, tsi uwak; pa ind pëka uwats uwiak tsi pëyëlan Uwejats-ujënts.

ROOMA 5:5

A wul uwats di ka fal ñaan, par Uwejats-ujënts wi ngë wëla wi, atular bëŋal Nasien-batsi di ngëwaas inja.

1 KORINTU 14:12

Unk ind buts, bi nda ŋal bink ngëtseend Uwejats, nda tsasan puu watsës ngul, pa pëliinc-liincanaan Ngëriisia.

1 KORINTU 14:26

Bi u ci bank batsaar ni nji, we ka rolaa wun? Uwal wi nda júk wi tsëloole, nalon ka ka kaya, nacints ka ka ko wi nu jukan wi, nalon ka ka upiban, nacints ka ka mleents ngëtsooŋ, nalon kak ka ka puu pac irim. Ko wan bëlieng u rolaan pa pënatsan Ngëriisia.

2 KORINTU 10:8

A ŋal bi n píc bi ko uties tsi undo pëyëlan pi Ajug wël wund pi, in cits tsi mkaw; par aci pa pëliinc-liincan ind, cits pa pëcok ind.

2 KORINTU 12:19

Nda jon tsi pëwejats koo ja, wund aŋal pënatsar iyeen wund tsi bërun ind. Wund ka ñakan tsi uŋal Këristu tsi bërun Nasien-batsi. A ngan bëlieng, aci pa pëliincan ind, ind ba ŋala biki.

2 KORINTU 13:10

Wul ka wun, man pican ngëko ngi uwal wi n cits wi ni ind; pa u ci nji ni ind, in dits ndoon ind uyëlan tsi pëyëlan pi Ajug wëlin pi pa puu liinc-liincanaan bañaan; maa cits pa pëcok.

2 KORINTU 7:1

Bamiñ ba ŋal biki, bi ngë ka bink ngëwatsan ngan liing ngink, ngë jëntsandar bërier nja tsi bëtsopal uyamats, ni bi uwejats; ngë tuamës mjëntsandar tsi pëlënk Nasien-batsi.

EFEESU 4:12

pa pëyecis bayëman pa përo uleemp, pa bukul pënatsan uliaf Këristu,

EFEESU 4:16

aci-undoul ka un uliaf ci upëban a u mobular uwar tsi ngësúk bëlieng, ngi u ka ngi. Unk, uwal wi kara ubuuru kë leemp wi bi u ka bi përo, uliaf bëlieng kë wiaka uu watsësar tsi bëŋal.

EFEESU 4:29

Përim pa waraatsa pi tsë pëni di itum ind, maa përim pa wara pi baŋ pa pëleempëna tsi pa fiera tsi, pë wël bëtseend pa ban te biki pul.

EFEESU 5:21

Nda welani iyeen ind tsi nda ci tsi, tsi pëlënk Këristu.

FILIIPUS 2:1

Bi u ci bank, uci kalon kaliinc-liincana ngëwaas tsi Këristu ci, uci kalon kajuabutsana-ngëwaas tsi bëŋal ci, uci kalon kambof tsi Uwejats-ujënts ci, a uci kalon kajuab-uwaas ni kayëk-ipës ci,

KOLOS 1:10

Unk, nduu yandaar tsi ko u mab wi tsi Ajug, tsi puu ro ko u lílul wi ba këlíl; nduu ka bëkat tsi ko wi nduu ro wi ba këro, u wara wi, nduu ya këya bërun tsi ume Nasien-batsi.

1 TESALONIKA 5:11

Wul ka wun, nda liinc-liincandari ngëwaas, nduu tsënkëlar, bi nda ci bunk ba tsi përo.

1 TIMOTEU 1:4

kë tsuund bukul ba wëtan itëtan, ni kapini itim bañaan pëbuka kan dits ki ka ba; par ngëmënts ngun di ka tsiji pëleempar Nasien-batsi tsi uwak, maa ka tsiji mantotëlër.

BAYEBËREU 4:9

Bi u ci bank, pënaakësa pan ci pi pi unu upaajantsan ni ulon, arukara bañaan Nasien-batsi.

JÚDAS 1:20

Maa ind ba ŋala biki, nda liinc-liincandari mak tsi uwak ind uyëman, nduu ñaan tsi Uwejats-ujënts.