NGËRO 7:38 - KARÚK-PËRIM KAWALU Nouveau Testament

³⁸ Bi baisrael juk bi di ulaalats, a Moises namëntsi ci-un ni basin nja ni uwaanju u ñakanaanul wunk di untunda Sinai; aciul yanki un irim ubiira pa pëwël nja yul.

NGËRO 7:38 ပူးပေါင်းရင်းမြစ်များ

KAKÚRAN-KAWAR YEESU KRISTU BI JOŊ LEENŢ BI KUL AJA 1:17

Par ulua awëlënee tsi Moises, maa bëtseend ni ucär abiini tsi Yeesu Këristu.

KAKÚRAN-KAWAR YEESU KRISTU BI JOŊ LEENŢ BI KUL AJA 6:63

Uwejats ka wël wun ubiira, uliaf kaats bëkat. Irim nja ind yi, aci Uwejats, a i ci ubiira.

NGËRO 7:30

A uu band ngëwaanu ngëntaaja ngëbaakër, a ulon uwaanju pibandar tsi bërunul di ulaalats untunda Sinai, di bametsu bërua bi ka yëk bi di bëwuul.

NGËRO 7:35

Moises namëntsi ni ba ron un bër aja: ‘Yën tsuu un pëci nawiak, ni nawat-pëleents.’ Nul ni Nasien-batsi yël un, na tsuul pëci nawiak ni nabëëran, tsi pëyëlan uwaanju un pibandar wunk tsi bërunul di bëwuul.

NGËRO 7:53

Ind yank bukun ulua wi ngëwaanju leents wi, a nda mobats tsi përo ko wi u ja wi.”

ROOMA 3:2

Arëmb mak, uci pëwejats tsi ngëko bëlieng. Ucak, aci bukul biki Nasien-batsi wël bukun irimul.

ROOMA 9:4

bukul ban ci biki bañaan Israel, bawëla biki pëci babuk Nasien-batsi, a ba wëla përëmb, ni karo-pëloole kan ci ki-ba këci, ni ngëtsua, ni puu jintëla Nasien-batsi, ni ngëwatsan;

GALAASIA 3:19

A ulua ci pa we? Wul atsua undo kaguus-ko, te ubi kajër ka watsana kunk, a ngëwaanju pibanaan umënts wan tsi kañan natsu-manteelar.

BAYEBËREU 2:2

Par, uci bi përim pi ngëwaanju leents punk ka bunk uyëlan, a nan doi ko un pokaa wi, oo nan poki përo ko un jaka wi, lacana,

BAYEBËREU 4:12

Par, përim Nasien-batsi aka ubiira a pa kaand pëyëlan; pul are ape ulaac un de wi ngëjara ngëtëb. Aja pa roon pë niaj te pë kicës uwaas ni uwejats, ngësúk uliaf ni pëluŋ; a pa yëlan pëyëkëran ngi uwaas ciina ngi, ni ngi u wejats ngi.

BAYEBËREU 5:12

Par, nda bi ka ro ci bajukan, ki këlum, maa nda wama fier ñaan pëjukan ind ngëko ngëcak-cakan, ngi irim Nasien-batsi. Ind wama bikink afier mtaw, cits bariala butambal bi nda fier bun.

1 PER 4:11

Uci ñaan kë ñakan, na ñakani pi aci irim Nasien-batsi i nu leents yun; a uci ñaan kë ro uleemp, na roan uleemp ni uyëlan wi Nasien-batsi wëlul wi, pa Nasien-batsi përëmbana tsi Yeesu Këristu tsi ngëko bëlieng, nul nan kai përëmb ni pëyëlan pa sandëndën. Ameen!