NGËRO 6:9 - KARÚK-PËRIM KAWALU Nouveau Testament

⁹ Maa, balon ban bofëna biki di kato-kajuki, ki ka n jaka ki, ki bafacana, ni bañaan ban pënë-ni biki Sireeni, a balon pëni Aleksandëria, ni balon ban pëni biki Siliisia ni Aasia, ci tsi mantotëlër ni Estefan;

NGËRO 6:9 ပူးပေါင်းရင်းမြစ်များ

MATEU 10:17

Nda rukan ibats tsi bañaan, par bu ka tsëpand ind di ito kawat-pëleents; bu ka bup ind di ito-ijuki.

MATEU 23:34

Wul ka wun, a wëtani ind bayëlia, ni bameko, ni bapican-ulua. Nduu fiŋ balon, ndë rieŋ balon di kruus; uja tsi kato-kajúki ind, ndë tucan balon; uja tsi përaasa, ndë natsara bukul koo noor-nooran.

MATEU 27:32

Bi ba pën bi pëtsëp, a ba jëk ni nalon niints nan pënë-nii Sireeni, katimul Simon; a ba forsaarul na lap kruus Yeesu.

MARKU 13:9

Nda rukan ibats, par bu ka gutsar ind ito kawat-pëleents, a di ito-ijúki, bu ka tucan ind. Tsi undo nji, nduu tsëpanda tsi bërun ba tsijëna-këboos, ni tsi bërun basien; unk, ndë piban bukul nda ci ba maatir biki ngan dola ngi.

LÚKAS 21:12

Maa ngëmënts ngan bëlieng ka ruka ka ci, bu ka lak ind kañan, bu ka noor-nooran ind, bu ka guts ind di ito-ijúki ni di ngëkalabus, bu ka tsëpand ind di bërun basien, ni di bërun ba tsijëna-këboos, undo katim nji.

NGËRO 11:20

Maa, balon tsi bukul ban ciina biki Cipëri ni Sireeni, bë band Antiookia, ba ñakanaan buts Bagërek, aleents bukul Upetsan-uwar, uleka Yeesu, Ajug.

NGËRO 13:1

Di Ngëriisia Antiookia, aka rul bayëlia, ni bajukan: aci Barnabas, ni Simeon ni ka n jakee buts Niger, ni Lusiu kanpënë-ni Sireeni, ni Manayen, nan kusee tsëloole ni Eroodis nasien kajara Galileeya, ni Sol.

NGËRO 13:45

Maa, Bajudeu kë win indënd bañaan, ba cum ni mankocar, bu kë ñakan irim ikar koo pok ko wi Pol kë ja wi.

NGËRO 15:23

A ba pican ni iñan bukul aja: “Wund bapostolu ni bajëŋal, ban tsaar biki ni ind, wund awëli ind mboos, ind ban cits biki Bajudeu a nda niiran Yeesu, a nda ciina Antiookia, ni Siiria, ni Siliisia.

NGËRO 15:41

A Pol yaana Siiria ni Siliisia, a nuu liinc-liincan iriisia.

NGËRO 16:6

A Pol ni Silas yaana Friijia ni pëboos Galaasia, par Uwejats-ujënts apok bukul pëleents përim di Aasia.

NGËRO 18:24

A nalon Najudeu nan ciinee Aleksandëria, baandi Efeesu, ka jaka Apolos. Aci niints nan kai ume, na me Bëpican uwar.

NGËRO 19:10

A ko wan do ngëwaanu ngëtëb, a u tsu ban ciina biki Aasia bëlieng pëte përim Ajug, Bajudeu ni Bagërek.

NGËRO 19:26

nda win a nda teend ko wi Pol kë ro wi. Aja, basien-batsi biki iñan bañaan-bajin leemp biki, cits Nasien-batsi. A tsi irim yan, na gaañaar bañaan mak, cits tsi Efeesu tsi rin, maa, anats pi aci tsi Aasia bëlieng.

NGËRO 21:27

Bi ngënu paaj ni ulon ngun wokan bi pëba, a Bajudeu ban pënë-ni biki Aasia win Pol di kato-kayëman, ba suali kandënd bañaan bëlieng, a ba mobël.

NGËRO 21:39

Pol yankul aja: “Nji, man ci Najudeu, man pënë-ni Tarsu, përaasa pan tienkëtsats pi katim di Siliisia. Man ñaanu, wëtin ma ñakanaan bañaan-ucaak.”

NGËRO 22:19

A njaul: ‘Ajug, bë me uwar do ka n dic bañaan di ukalabus, a do ka n búp bañaan ba uwak biki tsi wi, di ito-ijuki.

NGËRO 22:3

“Nji, man ci Najudeu, man bukëna Tarsu di Siliisia. Maa, a n kusëna tsi përaasa pi; tsi kañan Gamaliel tsi jukanaana tsun ko u mab wi tsi ulua basin nja a n do ka yëkandar ngi Nasien-batsi, pi ind bëlieng ntsari.

NGËRO 23:34

A nasien juk uletar a uu ba, na yepar Pol pëboos pi na ciina pi; bi na me bi na ciina Siliisia,

NGËRO 24:18

Bi n ci bi tsi përo ko wi, a balon Bajudeu ban pënë-ni biki Aasia winin di kato-kayëman, a n jëntsandar ba; i cits di kandënd bañaan, nin di baruuj.

NGËRO 26:11

Man pikaar bukul ngëyaas ngëcumal di ito-ijuki bëlieng; te a n tsu bukul ni uyëlan puu kar Nasien-batsi. Ni uriab uwiak wi tsijar wi bukul, a ndu noor-nooran bukul, te ŋal di iraasa itsooŋ.

NGËRO 6:10

a bë yëlanats pëpok kameko, ni Uwejats, un tsuul wi a na ñakan.

1 KORINTU 1:20

Nameko aci tsum-i? Najukan-ulua aci tsum-i? Natsas ngëme umundu wi aci tsum-i? Nasien-batsi tsuuts ink kameko umundu wi ka ci bëfuur-a?

GALAASIA 1:21

A uu ba, a n tsëp këboos Siiria, ni ki Siliisia.