Bi ba te bi ko wan, a ba tsëkandar, bu kë rëmban Nasien-batsi koo ja: “Tsi ucär, Nasien-batsi awël ban cits biki Bajudeu kayaar-ibats, pa ba ka ubiira.”
A Per yankës bukul aja: “Nda wëtani bëci ind, uja kara ñaan tsi ind në mijana tsi katim Yeesu Këristu, pa pëjampësaa ngëjubanul, ndë yank utseend Uwejats-ujënts.
Pa Tiitu, napäts nji nacär tsi uwak un bofaraa wi: Bëtseend ba wëlaanu ni pëfac, pëpën-ni tsi Nasien-batsi, Asin nja ni tsi Këristu Yeesu, Nabueran nja.
ban dits biki ka jej ko wi ba wëlaatsa wi. Maa ba pibani ba ci ban fiaara biki uwar. Unk, tsi ko un ci wi-ba këci, bu kë piban uwarara bëjukan Nasien-batsi, Nabueran inja.
Nda ju ngë jutsan këkës tsi najuund uwak a na ciind natsu wul u ba pëci uwar, nul Yeesu. Abër ulílan un tsuaul wi tsi bërun, a na miira a cäts tsi kruus, tsuuts mkaw ko; a na tsoar tsi kariir pëtsoari Nasien-batsi pi pësien.
Nasien-batsi, nul nan kaani ngëko bëlieng, te nul leemp un ngul a na tsiji bacumal, babuk, te tsi përëmb, awara bi na tsu bunk nan kaari bukul pëbuer a na ci na waree aba, tsi undo unoor wi na noor wi.
Simon Per naleemp, a na ciind Napostolu Yeesu Këristu, pa ban tsënkan bukunk uwak un ka wi bëkat pi wiic nja tsi bëmabal Nasien-batsi nja, ni Yeesu Këristu Nabueran.
Bi u ci bank, uci ba bueri di mtsopi umundu, tsi undo ume Yeesu Këristu Ajug nja Nabueran, a uu ba, a ba kaka witsa ka tsopandar tsi mul, a man pe bukul pëyëlan, bëci bukul butuami ka witsa ka pe bucak pëjuats.
Nul Nasien-batsi koorul, Nabueran nja tsi Yeesu Këristu Ajug nja na wëlaan përëmb, ni pëyëlan, ni uyëlan, ni pëtsijëna ngëko bëlieng ki ngëwal bëlieng netse ki ro juund, inkri pa sandëndën. Ameen!
ni pëpën-ni tsi Yeesu Këristu, nul nan ci na maatiri a na mob tsi përim, nan cakësi pënatsee tsi bacäts, nawiak ban ci biki basien umundu. Nul na ŋalinjai; a ni pëñaakul a na pënani nja tsi ngëjuban nja