NGËRO 4:32 - KARÚK-PËRIM KAWALU Nouveau Testament

³² A kandënd bañaan ba uwak biki ci uwaas uloole ni uwejats uloole; njn ñaan di ka ja tsi ibatsul, ko ulon tsi bëkaul aci wiicul bërierul; maa bë bofara ngëko bëlieng.

NGËRO 4:32 ပူးပေါင်းရင်းမြစ်များ

KAKÚRAN-KAWAR YEESU KRISTU BI JOŊ LEENŢ BI KUL AJA 17:11

Nji n katse ink a n ci tsi umundu, maa, bukul bë wam tsi wul; a nji mán bi di wi. Paapa, kanpatsana, waayan bukul tsi katimu ki m wëlin ki, pa bukul pëci baloole, pinja.

NGËRO 1:14

A ba baar bëlieng pëloole a bu kë mob tsi bëñaan, ni balon bakaats, ni Maaria anin Yeesu, ni ban tsaar biki ni nul Yeesu.

NGËRO 2:1

Bi unu Pentëkost baandi bi, a ba júk bëlieng tsi tsëko tsëloole.

NGËRO 5:12

A iñan bapostolu ro ngëpibanaani ngëcumal, ni ngëko ngan pikran ngi tsi pëncuaf bañaan. A ba baar bëlieng pëloole, a ba ja ba roon bu kë juk di Ukuëra Salomon.

ROOMA 12:5

unk buts, nja ngë cum, a ngë ci uliaf uloole rin tsi Këristu; a uja kara ñaan në ci incimëntsu pa acintsul.

1 KORINTU 1:10

Man ñaan ind batsaar ni nji, tsi katim Yeesu Këristu Ajug nja pa ind bëlieng puu baar tsi përim pëloole, pa mankicësar përits ci tsi ind; maa nda baari pëci baloole, tsi uwejats uloole, ni tsi utsaag uloole.

2 KORINTU 13:11

A tsi utuami batsaar ni nji, nda ciin ni ulílan, nda leempari pëci ba band biki, nda liinc-liincandari, nda teelari, nda ciin tsi pëfac. Nasien-batsi bëŋal ni pëfac ka ci ni ind.

FILIIPUS 1:27

Maa ko uloole rin, nda yandaari bi u ka bi pëci tsi Upetsan-uwar Këristu. Unk, uci ank n bi a n win ind, oo uci ank n cits a n te uleka ind, ka me nda ci tsi pëliincandër tsi kabof-uwejats uloole, a nduu bof ukam tsi uwaas uloole, pa uwak Upetsan-uwar.

1 PER 3:8

Pa pëtuamës, nda kaan bëlieng ngëtsaag ngëloole, ni katúkëlar pëñaak, ni pëŋalëlar tsi nda tsaar tsi, ni kayëk-ipës, ni kawelan-been.

1 PER 4:11

Uci ñaan kë ñakan, na ñakani pi aci irim Nasien-batsi i nu leents yun; a uci ñaan kë ro uleemp, na roan uleemp ni uyëlan wi Nasien-batsi wëlul wi, pa Nasien-batsi përëmbana tsi Yeesu Këristu tsi ngëko bëlieng, nul nan kai përëmb ni pëyëlan pa sandëndën. Ameen!