NGËRO 4:29 - KARÚK-PËRIM KAWALU Nouveau Testament

²⁹ A inkri Ajug, cikëndëni-e bi bu kë píc bi; tsuun baleempu ba leents përimu ni bëyeentsal,

NGËRO 4:29 ပူးပေါင်းရင်းမြစ်များ

NGËRO 13:46

Din, Pol ni Barnabas ñakanaan bukul ni bëyeentsal, aja: “Ind ka bukun pëleentsa përim Nasien-batsi ucak; maa, bi nda bër bink pul, a nda wejats bërier ind pëja nda tsënkaants pëyank ubiira un dits wi ka ba, inkri wund ka witsësa pa ban cits biki Bajudeu.

NGËRO 14:3

Pol ni Barnabas ro rul ko un jon wi, bu kë ñakan ni bëyeentsal tsi uleka Ajug. Ajug baaraan pëpiban përim pi bu kë leents pi tsi uleka betseendul ci ucär; a na tsu bukul bu kë ro ni iñan bukul ngëpibanaani, ni ngëko ngan pikran ngi.

NGËRO 19:8

A Pol ro këlí këwaants, nuu niaj kato-kajuki koo ñakan ni bëyeentsal, bu kë totëlar irim; a nuu këmand pëtsu bukul ba niiran uleka Pësien Nasien-batsi.

NGËRO 26:26

A n du n ñakan ni bëyeentsal tsi bërun Agëripa, nasien, par man me na me ko wan bëlieng, a me u kaats nin ko wi na meets wi; par ko wan dolaatsa tsi kambeku.

NGËRO 28:31

Ni bëyeentsal bëlieng, a nuu leents uleka Pësien Nasien-batsi, a nuu jukan ngi Yeesu Këristu, Ajug, te laaŋaatsa përo ank.

NGËRO 4:13

Bi ba win bi bërëdëm Per ni Joŋ, din a ba pikra, par bë win ba ci bañaan ban jukats biki, te bë kaats ume. A ba yëkëran bukul, par bë ro ci ni Yeesu.

NGËRO 4:21

Maa, ba ru pe këpe pëleentsar Per ni Joŋ, a ba wëtan bukul ba tsëp; a bë kaats tsi bu kë mobuna tsi bukul ba pikaar, undo bañaan, par bañaan bëlieng aci tsi përëmban Nasien-batsi tsi ko un par wi.

NGËRO 4:31

Bi ba ba bi bëñaan, a tsëko tsi ba jukëna tsi siintsar, a ba cum bëlieng Uwejats-ujënts, bu kë leents përim Nasien-batsi ni bëyeentsal.

NGËRO 9:27

Maa, Barnabas mobul atsëpand di bapostolu, a na leents bukul bi Sol win bi Ajug di bëga, a Ajug ñakanaanul, ni bi na leents bi përim di Damaasku ni bëyeentsal, tsi katim Yeesu.

NGËRO 9:28

A na ci ni bukul di Jerusalem, a nuu niaj nuu pëni, nuu leents përim ni bëyeentsal, tsi katim Ajug.

1 KORINTU 14:13

Wul ka wun, ni ka ñakani mleents ngëtsooŋ, aka pëñaan, pa në ka utseend pëpac irim i nu ñakan yi.

2 KORINTU 3:12

A bi wund ka bi uwats wan, wund ka roona bëyeentsal;

FILIIPUS 1:14

Undo man tanaa mkorente, a ban pe biki pëcum tsi batsaar tsi Ajug kë pe këpe pëka bëyeentsal pa pëleents përim Nasien-batsi; bë cits ni bëlal.

1 TESALONIKA 2:2

Wund aro ci tsi unoor a wund tsijaa pëtsija pa waraatsa pi di Filiipus, bi nda me bunk. Maa ŋal bi ukam ci bi uwiak, wund aliincan ngëwaas tsi Nasien-batsi wund, pëleents ind Upetsan-uwar Nasien-batsi.

2 TIMOTEU 4:17

Ajug tsënkin un, a na wëlin uyëlan, pa n leents përimul bëlieng, pa ban cits biki Bajudeu bëlieng ka te pul. A n pënanee di mtum ulioŋ.