NGËRO 3:6 - KARÚK-PËRIM KAWALU Nouveau Testament

⁶ Maa, Per jaul: “Nji n kaats nin uncaam, nin uwëru; maa ko wi n ka wi, mán wëlu wul: Tsi katim Yeesu Këristu Kanpënë-ni-nasaret, natsaan kë yandaar!”

NGËRO 3:6 ပူးပေါင်းရင်းမြစ်များ

MATEU 10:9

Ind tsë tsij nin uwëru, nin uncaam-utsak, nin baceenc di ikalpa ind.

MATEU 7:22

Tsi unu umënts, bañaan bacumal koo jain: ‘Ajug, Ajug! Wund carats iink aleents përim tsi katimu-a? A wund ruakats iink ngëcaay tsi katimu-a? A wund roots iink ngëko ngëcumal ngi bawitsa tsi katimu-a?’

MARKU 14:8

Nul, aro ko wi na yëlan wi përo. Acar atular uliaf nji ulicar, pa pëmooy.

MARKU 16:17

A ngëpibanaani ngi, ka ci ngun ni ba Uwak biki: Tsi katim nji, bu koo ruak ngëcaay, bu koo ñakan mleents mwalu,

KAKÚRAN-KAWAR YEESU KRISTU BI JOŊ LEENŢ BI KUL AJA 19:19

A Pilaatus pican përim atsu di ruets kruus; iink di pa ci run: “YEESU KANPËNËNI-NASARET, NASIËN BAJÚDEU.”

NGËRO 10:38

bi Nasien-batsi tulari bi Yeesu Uwejats-ujënts ni pëyëlan, nul Kanpënë-ni-nasaret, a nuu yaana ngëleka bëlieng, nuu ro uwar, a nuu yësan bañaan bëlieng biki Ujabël tsu biki tsi pëluëk, par Nasien-batsi aci ni nul.

NGËRO 16:18

Aro ko umënts wun ngënu ngëcumal. Pol riabats, na witsësa a na ja ucaay umënts wun: “Tsi katim Yeesu Këristu, pënan tsi nul!” A tsi uyëk umënts wun, u pën.

NGËRO 2:22

Bayënts Israel, nda cikëndëni irim yi! Yeesu Kanpënë-ni-nasaret, niints ni Nasien-batsi niirani tsi bërun ind, tsi undo bawitsa, tsi ngëko ngan pikran ngi, ni ngëpibanaani ngi Nasien-batsi roona ngi tsi nul tsi pëncuaf ind, ind bërier nda me;

NGËRO 2:36

Bañaan kato Israel bëlieng aka pëme, Yeesu ni nda rieŋ ink di kruus, Nasien-batsi atsuul na ci Ajug, na ciind Këristu.”

NGËRO 3:16

Aci pëyëlan tsi katim Yeesu wël pun niintsi uyëlan; ko wi nda win wink a nda meend, arolaa ni uwak tsi katim Yeesu, par aci uwak tsi katimul yësan wun niintsi tsi bërun ind bëlieng.

NGËRO 3:5

A niints teen bukul ajuŋaman, na ja ne ka yank ko tsi bukul.

NGËRO 3:7

A na mobël tsi kañan kariir, na katul. Uyëk umënts wun, a itsiimul ni ngëwobël kak aliinc;

NGËRO 4:10

ind bëlieng, ni bañaan Israel bëlieng, nda mean uwar, niints na nats ink tsi bërun ind, ayësanaana tsi katim Yeesu Këristu, Kanpënë-ni-nasaret, nul ni nda rieŋi di kruus, a Nasien-batsi natsaniul di bacäts.

NGËRO 4:7

A ba natsan Per ni Joŋ tsi pëncuaf bukul, a ba yepar bukul aja: “Ni pëyëlan pëom oo ni katim kaom ki nda roona kun ko wi?”

NGËRO 9:34

A Per jaul: “Eneeyas! Yeesu Këristu ka yësanu. Natsaan kë yecës bëkaabë, wi bërieru.” Tsi uyëk umënts wun, a na natsa.

1 KORINTU 4:11

Te inkri, wund awama ka rea ubon ni ulof përaan; wund ranj iŋi bëtiem, a wund kobaa ngësuk, a wund kaats tsëko tsë ci.

2 KORINTU 6:10

wund kë juatsana ngëwaas ngënu bëlieng, maa wund ci tsi ulílan; wund ci tsi bëranj, maa wund kë tsu bacumal pëci barëmb; wund ban kaats biki ko, maa wund ka ngëko bëlieng.

2 KORINTU 8:12

Par uci ñaan kë wël ni uwaas u fac wi, në lílandëra tsi ko wi na ka wi; cits tsi ko wi na kaats wi.

2 KORINTU 8:9

Ind nda me bëtseend ban ci bi tsi Yeesu Këristu Ajug nja nul nan ci narëmb, a tsi undo ind na ruka ci naranj; pa nda ruka ci barëmb tsi bëranjul.

JAKOB 2:5

Batsaar ni nji, ind biki n ŋal biki! Nda cikëndëni-e: Nasien-batsi ratats iink ba n jaka biki tsi umundu bë ci baranj-a? Pa ba ci barëmb tsi uwak, ni barukanda pësien pi na watsan pi ba ŋalul biki.

1 PER 4:10

Uja nan ci, në ci tsi pëleempar bacintsul ni utseend wi na yank wi; unk ri ndu ci run ba tsijëna bëtseend Nasien-batsi bawar, bul ban patsëlar bi.