NGËRO 3:26 - KARÚK-PËRIM KAWALU Nouveau Testament

²⁶ Unk, Nasien-batsi anatsani naleempul, a na yëliul bërun tsi ind, pii jaar ind ngëwar, uja kara ñaan tsi ind në cikësiul tsi ngëkoul ngi kawaraatsa.”

NGËRO 3:26 ပူးပေါင်းရင်းမြစ်များ

MATEU 1:21

Ka buk napäts niints, kë tsuul katim, Yeesu. Par nul ka bueran un bañaanul tsi ngëjuban bukul.”

MATEU 15:24

A na yankës bukul aja: “Mán yëlee këyëlee pa ngënkaanel kato Israel rin, ngan niam ngi.”

LÚKAS 24:47

din kayaar-ibats, pa pëjampësaa ngëjuban, ka leentsaa tsi katimul pa bañaan ban cits biki Bajudeu bëlieng, pëkurëna tsi Jerusalem.

KAKÚRAN-KAWAR YEESU KRISTU BI JOŊ LEENŢ BI KUL AJA 4:22

Ind, nda ja nda roon nduu jintëla ni nda meetsi; wund, wund kë jintëla ni wund mei, par ubuerëni apënë-ni tsi Bajudeu.

NGËRO 1:8

Maa ndu yank pëyëlan, uwelee Uwejats-ujënts tsi ind, din ndë ci bamaatir ngëmíñ, di Jerusalem, unk buts di Judeeya bëlieng, ni di Samaaria, te di ngëntsañi umundu.”

NGËRO 13:26

Batsaar ni nji, ind pëbuka Abraam, ni ban ci biki tsi pëncuaf ind ba lënk biki Nasien-batsi, ja wëlee bukun përim pëbuër pi.

NGËRO 2:24

Maa Nasien-batsi natsaniul, bi na pacul bi mkorente pëcäts, par yilaatsa bëjaa pëcäts amobul a tsijëna.

NGËRO 2:32

Yeesu namëntsi, Nasien-batsi anatsaniul di pëcäts, a wund bëlieng aci ba maatir biki umënts wi.

NGËRO 26:20

maa, man cakës pëleents bañaan Damaasku përim, ni di Jerusalem buts, ni di Judeeya bëlieng, ni ban cits biki Bajudeu, pa ba yaar ibats, bu ka witsësee pa Nasien-batsi, bu ka mob tsi përo ngëko ngi kan piban ngi ba yaar ibats.

NGËRO 3:13

Nasien-batsi Abraam, Nasien-batsi Isaak, Nasien-batsi Jakob, nul Nasien-batsi basin nja arëmban Yeesu, naleempul, ni nda gutsi a nda bërul tsi bërun Pilaatus, bi na ŋal bi pëwëtanul.

NGËRO 3:15

A nda fiŋ Kantsijëna ubiira nul ni Nasien-batsi natsanii di bacäts, a wund ci bamaatir.

NGËRO 3:20

pa Ajug pëwël ind ngëwal pëjuabuts, në wëtani Këristu, nan datare indi, un ci wi Yeesu.

NGËRO 3:22

Par, Moises aja: ‘Nasien-batsi, Ajug ind, ka natsani nalon nayëlia tsi nda tsaar tsi, nan ci pi nji; ndii cikëndënul tsi ngëko ngi nu ja ind ngi bëlieng.

NGËRO 3:25

Ind nda ci babuk bayëlia, a nda ciind babuk karo-pëloole ki Nasien-batsi ro ki ni basin ind, bi na ja bi Abraam: ‘Tsi kajëru tsi mbuka umundu bëlieng kii jaraa tsun ngëwar.’

ROOMA 1:16

Par nji, in di ka n kawara Upetsan-uwar, wul aci pëyëlan Nasien-batsi pa pëbuer na waki ba këwak; ucak aci pëbuer Najudeu, a u ru ci pëbuer nagërek.

ROOMA 15:29

A n me ne, ubi nji pëwin ind, mán cum ni ngëko ngëwar Këristu pëbi.

ROOMA 15:8

Inkri má n ja, Këristu tsua un pëci naleempar kambac undo ucär Nasien-batsi, pëpiban ngëwatsan ngi basin nja watsana ngi,

EFEESU 1:3

Nasien-batsi na bëndanaan, nul Asin Yeesu Këristu Ajug inja; na n jaari njai ngëwar ni ngëkoraar ngëko ngëwar bëlieng tsi Këristu di tsëko tsan ci tsi ba këci di batsi.

1 PER 1:3

Nasien-batsi na bundanaan, nul Asin Yeesu Këristu Ajug inja. Atsu nja ngë bëka uyaas ucints undo kayëk-ipësul mak, pa ja pëka uwats un tsij wi ubiira, tsi bi Yeesu Këristu natsee bi di bacäts;

1 PER 3:9

Ñaan nando indi uwutsëtsuel, ind tsë lukanaanul uwutsëtsuel, oo kakar tsë lukanaana kakar, maa u wara wi. Nda ru kë ja ngëwar par umënts wan wi nda ruuree wun, pa ind pëyank uwar wi nda ka wi përukanda.

JÚDAS 1:24

Nasien-batsi ka un pëyëlan përandan ind pëyër pan ci pi-ba këci, ni pëtsu ind pëci ban kaats biki ulaci tsi bërun përëmbul, ni ulílan.