NGËRO 3:13 - KARÚK-PËRIM KAWALU Nouveau Testament

¹³ Nasien-batsi Abraam, Nasien-batsi Isaak, Nasien-batsi Jakob, nul Nasien-batsi basin nja arëmban Yeesu, naleempul, ni nda gutsi a nda bërul tsi bërun Pilaatus, bi na ŋal bi pëwëtanul.

NGËRO 3:13 ပူးပေါင်းရင်းမြစ်များ

MATEU 11:27

Asin nji awëlin ngëko bëlieng. A ñaan meets Abuk, ucits ba Asin; a ñaan meets Asin, ucits ba Abuk, ni biki Abuk ŋal biki pëpiban bukul nul.

MATEU 20:19

bu ka gutsul tsi iñan bañaan ban cits biki Bajudeu, pa ba jiul, bu ka tucanul, në rieŋa di kruus; unu uwaajantsan, në natsee di pëcäts.”

MATEU 22:32

Aja: ‘Nji n ci-un Nasien-batsi Abraam, Nasien-batsi Isaak, ni Nasien-batsi Jakob.’ Nasien-batsi cits Nasien-batsi bacäts, maa Nasien-batsi bayësal.”

MATEU 27:2

Bi ba tanul bi, a ba tsëpandul ee gutsarul Pilaatus, nan tsij-ni-pëboos.

MATEU 28:18

Din a Yeesu kikee, a na ñakanaan bukul, aja: “Pëyëlan pan ci pi-ba këci, awëlain di batsi, ni tsi utsia.

MARKU 15:11

Maa a bawiak-bajakan sualan kandënd bañaan ba yep Pilaatus na wëtandari bukul Barabas.

LÚKAS 22:57

Maa Per pok, aja: “Ŋaatsi, in meets namëntsan a!”

LÚKAS 23:4

A Pilaatus ja bawiak-bajakan, ni indënd bañaan: “In winats nin ulaci tsi namëntsi.”

LÚKAS 6:37

Ind tsë wat ñaan pëleents, nda ritsii wata pëleents. Ind tsë lacan ñaan, nda ritsii lacana. Nda jampësaan, ndii jampësaa.

KAKÚRAN-KAWAR YEESU KRISTU BI JOŊ LEENŢ BI KUL AJA 12:16

Tsi ujuundi, bafets Yeesu meets ko wi ngëmënts ngan pac wi; maa uwal wi Yeesu rëmbana wi, din a ba les ngëmënts ngan ro picana tsi ulekaul, a ngul ngi na rolaa ngun.

KAKÚRAN-KAWAR YEESU KRISTU BI JOŊ LEENŢ BI KUL AJA 18:40

Din, a ba kaka lië bëlieng aja: “Cits namëntsi, maa Barabas.” Te nul Barabas aci uwayu.

KAKÚRAN-KAWAR YEESU KRISTU BI JOŊ LEENŢ BI KUL AJA 19:11

A Yeesu yankul aja: “M bitse kë ka nin pëlon pëyëlan tsi nji, uci pa roots pënë-ni ruets awëlau; wul ka wun, nan gutsini tsi iñanu, aro ujuban uwiak.”

KAKÚRAN-KAWAR YEESU KRISTU BI JOŊ LEENŢ BI KUL AJA 19:12

Pëkur tsi uler umënts wun, a Pilaatus kë tsas bi nu wëtanul bi. Maa, Bajudeu kë lië koo ja: “Uci m wëtan namëntsi, m cits bëfetsar Seesar! Par ñaan nan tsui ba këtsu beenul aci nasien, anatsara pëkaman Seesar.”

KAKÚRAN-KAWAR YEESU KRISTU BI JOŊ LEENŢ BI KUL AJA 19:15

Maa, ba lië bëlieng aja: “Fiŋan! Fiŋan! Rieŋanul di kruus!” A Pilaatus ja bukul: “Man ka n doon ka rieŋ nasien ind di kruus-a?” A bawiak-bajakan yankul aja: “Wund kaats nalon nasien, ucits ba Seesar.”

KAKÚRAN-KAWAR YEESU KRISTU BI JOŊ LEENŢ BI KUL AJA 7:39

Yeesu ja ko wan, uleka Uwejats-ujënts wi bawak tsi nul kii yank wi; par Uwejats-ujënts netse ro wëlaa, par Yeesu netse ro rëmbanaa.

NGËRO 22:14

Na ja: ‘Nasien-batsi basin nja acar aratu pa pëme bëŋalul, ni pëwin bëmabalul, ni pëte përimul bërierul.

NGËRO 24:14

Maa, mán pets n jau, ma nja n doon koo leempar Nasien-batsi basin wund tsi Bëga bi ba ja bank ‘bëtawsër bëjukan ban pats bi;’ a n wakand tsi ngëko bëlieng ngan bofëna ngi tsi ulua, ni tsi bëpican bayëlia.

NGËRO 3:12

Bi Per win bi ko wan, a na ja bañaan: “Bayënts Israel, we ka wun a nda pikra tsi ko wi? Oo, we ka wun nda kaŋani wund këkës pi aci pëyëlan wund, ni kayëk-ipës wund, ki wund tsuuna kun niintsi a nu yandaar?

NGËRO 3:26

Unk, Nasien-batsi anatsani naleempul, a na yëliul bërun tsi ind, pii jaar ind ngëwar, uja kara ñaan tsi ind në cikësiul tsi ngëkoul ngi kawaraatsa.”

NGËRO 4:27

Tsi ucär, Eroodis ni Ponsiu Pilaatus, ni ban cits biki Bajudeu, ni bañaan Israel, bë bofëlar tsi përaasa pi, a ba natsara naleempu nayëman, Yeesu, ni m dati.

NGËRO 4:30

kë colan kañan pa puu yësan bañaan, puu ro ngëpibanaani ni ngëko ngan pikërën ngi, tsi katim Yeesu, naleempu nayëman.’”

NGËRO 7:32

‘Nji n ci-un Nasien-batsi basinu; Nasien-batsi Abraam, Nasien-batsi Isaak, Nasien-batsi Jakob.’ Maa, Moises lal a nuu lënk, yeentsats pëteen.

ROOMA 9:5

tsi bukul tsi basin pënë-ni tsun, a tsi bukul buts tsi pëñaak, tsi Këristu pënë-ni tsun; a tsi ruets ngëko bëlieng, nul ci-un Nasien-batsi na n jaaree ngëwar pa sandëndën. Ameen!

BAYEBËREU 2:9

Maa nan welanee apar ngëwaanju ko uties, nul Yeesu, nja ka teenul bikink a na wurana përëmb ni urispiitu, par anoor unoor pëcäts. Unk tsi bëtseend Nasien-batsi a na juaban pëcäts pa ñaan nan ci ba këci.

UPIBAN 1:18

ni Nayësal; mando n cats, maa nji n ci ink nayësal pa sandëndën. Nji n tsijëna un inigësaani pëcäts ni yi mcats.

UPIBAN 1:5

ni pëpën-ni tsi Yeesu Këristu, nul nan ci na maatiri a na mob tsi përim, nan cakësi pënatsee tsi bacäts, nawiak ban ci biki basien umundu. Nul na ŋalinjai; a ni pëñaakul a na pënani nja tsi ngëjuban nja