NGËRO 27:1 - KARÚK-PËRIM KAWALU Nouveau Testament

¹ Bi u baaraana bi wund pëgija pëtsëp Itaalia, a ba wël Pol ni balon barica, tsi iñan nalon kapëton basondaari, ni ka n jakee Juuliu, abofëna di kampañ basondaari nasien nawiak.

NGËRO 27:1 ပူးပေါင်းရင်းမြစ်များ

MATEU 27:54

A bi kapëton basondaari, ni ban ci biki ni nul tsi pëwaay Yeesu, win bi utsia usiintsar bi, ni ngandola ngi, a ba lënk mak, a ba ja: “Tsi ubaaraari, namëntsi ron un ci Abuk Nasien-batsi!”

LÚKAS 23:47

Bi kapëton basondaari win bi ko un par wi, na bëndan Nasien-batsi, aja: “Tsi ubaaraari, ñaan ni aro ci namabal.”

LÚKAS 7:2

Aka kapëton basondaari nan ci rul, aka naleemp ni na tsui mak tsi uwaasul. Naleemp bi maak a nu tsas pëcäts.

NGËRO 10:1

Aka nalon niints di Seesareeya, ka jaka Korneeliu; aci kapëton kandënd basondaari ki ka n jaka ki “ki Itaalia.”

NGËRO 10:22

A ba ja: “Korneeliu, aci kapëton basondaari, niints namabal, na lënkand Nasien-batsi; a ucaak Bajudeu bëlieng kë jaarul ko u wara wi. Ulon uwaanju uyëma njaul wun na ruiu bi katoul, nii te irimu.”

NGËRO 16:10

Bi na win bi bëwinal bi, uyëk umënts wun wund kë tsas pëtsëp Masedoonia, par wund abaaraan pëme u ci Nasien-batsi rui wund un, pa pëleents rul Upetsan-uwar.

NGËRO 18:2

A na jëk rul ni nalon ni ka n jakee Akiilas, aciina Pontus, nan du pëni Itaalia ni aarul Priskila; par Klaudiu aro tsu Bajudeu bëlieng ba pën di Rooma. A Pol ya pëwin bukul.

NGËRO 19:21

Bi ngëko ngan par bi, a Pol baaraan tsi uwejatsul pëpar-na Masedoonia ni Akaaya, pëtsëp Jerusalem. Na ja: “Uwal wi ci wi rul, man ka pëya Rooma buts.”

NGËRO 21:32

Din, na jukëlan basondaari ni ipëton basondaari, na welara bukul; bi ba win bi nawiak basondaari ni basondaari, ba wëtan pëbúp Pol.

NGËRO 22:26

Bi kapëton basondaari te bi irim yan, na tsëp ee leents nawiak basondaari ajaul: “Wee wi m bi kë ro? Niintsi, aci ñaan Rooma!”

NGËRO 23:11

Tsi bërëm ban neki bi, Ajug pibandar tsi bërun Pol a na ja: “Liincandari! Par, bi m leents bunk uleka nji di Jerusalem, unk di m ka run pëleents buts uleka nji di Rooma.”

NGËRO 23:17

Din, a Pol rui nalon tsi ipëton basondaari, na jaul: “Tsëpandi upaas wi di nawiak basondaari, par aka ko wi nu leentsul wi.”

NGËRO 24:23

A na tsu kapëton basondaari na ríc Pol di ukalabus, maa në wëlul pëfac ko uties, nul tsë laaŋ bayiicul pëkëmandul.

NGËRO 25:12

Bi Festu ba bi pëñakan ni bawat-pëleents, a najankma aja: “M ñaan pëtsëpanda di Seesar; kë tsëp di Seesar.”

NGËRO 25:25

Maa, ma win na kaats ko wi na ro wi, un kësul wi pëfiŋa. Bi na ñaanin bi pëtsëpanda di Seesar a baaraan pëwëtanul nul pëtsëp di Seesar.

NGËRO 27:11

Maa, kapëton basondaari pe pëfiaar ajug bëntsian, ni kapëton bëntsian, ni pëjaa afiaar ngi Pol kë ja ngi.

NGËRO 27:43

Maa, kapëton basondaari ŋal pëbuëran Pol, a na laaŋ bukul përo ko wan. A na tsu ba yil bukunk pëlam, ba cakës pëwela di bërëk, pa pëlamar kankay.

NGËRO 27:6

A kapëton basondaari tsënk rul bëntsian Aleksandëria, bi kan tsëp bi Itaalia, a na tsu wund pëgija bul.

NGËRO 28:1

Bi wund bëër bi aband kankay, a wund me unjiu umënts wun kë jakaa Malta.

NGËRO 28:16

Bi wund band bi Rooma, a Pol niiranaa pëpats tsi nu ciina tsi, ni nasondaari ni ka waayuli.

BAYEBËREU 13:24

Nda leeni ban tsijëna ind biki, bukul bëlieng, ni bayëman bëlieng. Biki Itaalia bë leeni ind.