NGËRO 26:18 - KARÚK-PËRIM KAWALU Nouveau Testament

¹⁸ kë waants bukul këkës, kë pënani bukul di karëm, pa ba bi tsi ufac; kë pënani bukul di pëyëlan Useetaani pa ba bi tsi Nasien-batsi, bu ka jampësaa ngëjuban, bu ka yank kafa bërukanda tsi ban patsanaana biki uwak tsi nji.’

NGËRO 26:18 ပူးပေါင်းရင်းမြစ်များ

MATEU 4:10

A Yeesu ja : “Pënan tsi, wi useetaani, par ko wi picana wun: ‘Jintëlaan Ajug, nul nan cii Nasien-batsiu, kuu bëndanul, nul koorul.’”

MATEU 4:16

Bañaan bando biki ci tsi karëm, bu win ufac uwiak; bando biki ci di mcäts a pëcäts límëntsan bukul, ufac afietsi bukul.”

LÚKAS 1:77

pa pëtsu bañaanul pëme pëbuër, tsi pëjampësaa ngëjuban kul,

LÚKAS 1:79

pa pëfiets ban ci biki tsi karëm, a pëcäts límtsan kul, pa pëkaŋan iyots nja tsi bëga bi kan tsij nja bi tsi pëfac.”

LÚKAS 2:32

ufac pa upiban bañaan ban cits biki Bajudeu, ni përëmb Israel, bañaanu.”

LÚKAS 24:45

Din na waants bukul uwejats, pa bukul pëme ko wi Bëpican pac wi.

LÚKAS 24:47

din kayaar-ibats, pa pëjampësaa ngëjuban, ka leentsaa tsi katimul pa bañaan ban cits biki Bajudeu bëlieng, pëkurëna tsi Jerusalem.

LÚKAS 4:18

“Uwejats Ajug aci tsi nji, par aratin pa pëleents baranj, Upetsan-uwar; ayëliin pa pëleents bamoba pëfacana, ni bakuel pëkak pëwin, ni pëwëtan ban tsua biki tsi unoor ba fac,

KAKÚRAN-KAWAR YEESU KRISTU BI JOŊ LEENŢ BI KUL AJA 17:17

Patsanaani bukul ucär; përimu ci pun ucär.

KAKÚRAN-KAWAR YEESU KRISTU BI JOŊ LEENŢ BI KUL AJA 3:19

A kawat-pëleents kamënts ci kun ki: Ufac abi tsi umundu, a bañaan-bajin ŋal krëm mak apean ufac, par ngi bu kë ro ngi waraatsa.

KAKÚRAN-KAWAR YEESU KRISTU BI JOŊ LEENŢ BI KUL AJA 4:10

A Yeesu yankësul ajaul: “Uci m do me bëtseend Nasien-batsi, ni na n jaui tseendin përaan, wi bi ka ñaanul, nul në wëlu mlik ubiira.”

KAKÚRAN-KAWAR YEESU KRISTU BI JOŊ LEENŢ BI KUL AJA 4:14

maa ñaan daan mlik mi ndu wëlul mi, di ka lofënts yaas; par mlik mi ndu wëlul mi ka witsa man ci ukëpës tsi nul, wi kan këpësi wi mlik pa ubiira un dits wi ka ba.”

KAKÚRAN-KAWAR YEESU KRISTU BI JOŊ LEENŢ BI KUL AJA 8:12

A Yeesu kaka ñakanaan bukul aja: “Nji n ci-un ufac umundu; ñaan nan ci tsi pëfetsin, di ka yandaar tsi krëm, yaas; maa ka ka ufac ubiira.”

KAKÚRAN-KAWAR YEESU KRISTU BI JOŊ LEENŢ BI KUL AJA 9:39

Din, a Yeesu jaul: “Man bi tsi umundu wi, pa kawat-pëleents; pa ban dits biki ka win, bu kë win; a biki ka win biki, bu ka witsa ka ci bakuel.”

KAKÚRAN-KAWAR YEESU KRISTU BI JOŊ LEENŢ BI KUL AJA 9:5

N wama n ci ba këci tsi umundu, nji n ci-un ufac umundu.”

NGËRO 10:43

Ulekaul wi bayëlia bëlieng ñakandar wun aja: Na waki ba këwak tsi nul, në jampësaa ngëjuban tsi katimul.”

NGËRO 13:47

Par, unk di Ajug wund wël wund run ulai aj: ‘Man tsuu ufac ci pa ban cits biki Bajudeu, pa wi pëtsëpand pëbuër te di untsañi ucaak.’”

NGËRO 15:9

patsëlanatsi njani bukul; a tsi uwak, na jëntsan ngëwaas bukul.

NGËRO 2:38

A Per yankës bukul aja: “Nda wëtani bëci ind, uja kara ñaan tsi ind në mijana tsi katim Yeesu Këristu, pa pëjampësaa ngëjubanul, ndë yank utseend Uwejats-ujënts.

NGËRO 20:21

A n leents Bajudeu ni Bagërek përim, pa ba witsësa pa Nasien-batsi, bu ka wak tsi Ajug nja Yeesu.

NGËRO 20:32

A inkri, man tanan ind Nasien-batsi, ni përimul pi bëtseend, pan ka pi pëyëlan pëliican ind ni pëwël ind bërukanda ban tsuura bi ban patsana biki bëlieng.

NGËRO 26:19

Unk, Agëripa, nasien, nji i pokats përo ko wi win wi di bëwinal batsi;

NGËRO 26:23

un ci wi, Këristu aka pëci tsi unoor, në ci nacäk ni ka natsee di pëcäts, në leents Bajudeu ni ban cits biki Bajudeu, uleka ufac.”

NGËRO 3:19

Nda yaari ibats, ndë witsësee tsi Nasien-batsi, pa ngëjuban ind pëfaawaa

NGËRO 5:31

Maa, a Nasien-batsi riangul tsi kariirul, pa na ci Nasien ni Nabuëran, pa pëwël Israel kayaar-ibats, ni pëjampësaa ngëjuban.

ROOMA 8:17

A uci ngë ci upäts Nasien-batsi, ngë ci barukanda, barukanda ngi Nasien-batsi, barukanda ni Këristu. Uci bi ngë bof bink tsi unoorul, n ja kee bof buts tsi përëmbul.

1 KORINTU 1:2

pa Ngëriisia Nasien-batsi ngan ci ngi di Korintu, ban jëtsanana biki tsi Këristu Yeesu, ban duura biki pëci, ni ba nja biki ba roon tsi ngëleka bëlieng, bu kë ru bëlieng katim Yeesu Këristu, Ajug nja; aci Ajug bukul a na ciind níic nja.

1 KORINTU 1:30

Maa ind nda ci bayiicul tsi Këristu Yeesu, nul nan dukee ciir nja ka meko kan pënë-ni ki tsi Nasien-batsi, ni bëmabal, ni uyëman, ni kaluk-pëbuer.

2 KORINTU 4:4

pa ban fiaarats biki; biki nasien-batsi umundu wi kuelëtsan biki uwejats, pa bukul tsë win ufietsar Upetsan-uwar përëmb Këristu, nul nan ci bënaam Nasien-batsi.

2 KORINTU 4:6

Par Nasien-batsi na njai: ufac fietsan tsi pëncuaf krëm; a nul bërierul fiets un di ngëwaas nja pa pëwël nja ufac ume përëmb Nasien-batsi tsi urostu Këristu.

2 KORINTU 6:14

Ind tsë bofëlar ni ba uwakats biki; bëmabal ni karika-lënk Nasien-batsi, we wi nga tsok wun? Um bi ufac ni krëm yëlan bun pëbofëlar?

GALAASIA 2:20

Nji man yafënts, maa katse ci nji ka n yafënts un, aci Këristu ka yafëntsun di nji; a ubiira wi n ciina wink inkri tsi uliaf, mán tsijëna wul tsi uwak wi n ka wi tsi Abuk Nasien-batsi, nul na ŋalini, a na wël beenul bërierul undo nji.

GALAASIA 3:14

Ko wan aci pa ngëko ngëwar Abraam pëband di ban cits biki Bajudeu, tsi Yeesu Këristu; pa tsi uwak, nja kë yank Uwejats u watsana wi.

GALAASIA 3:2

Ko wi rin wi n ŋal wun pëme tsi uleka ind: Undo përo ko wi ulua tsu wi ka wun nda yank Uwejats Nasien-batsi, ane undo nda cikëndën përim uwak-a?

EFEESU 1:11

A tsi nul buts tsi ngë ratënaa tsun, ngë ci ban yecisa biki tsi utsaag na leempi ngëko bëlieng tsi buwejatsul tsi uŋalul;

EFEESU 1:14

wul ci wun umobanaani bërukanda nja te ulukaa pëbuer biki Nasien-batsi ka biki pa ubëndan Përëmbul.

EFEESU 1:18

Nul na waantsan ind ngëwaas pa ind pëme uwats un ci wi tsi karuaul, ni bëka Përëmbul bi bayëmanul kë rukanda bi.

EFEESU 1:7

tsi nul, tsi ngë lukaraana pëbuer, tsi pëñaakul, pa pëjampësaa ngëjuban; tsi undo përëmb bëtseendul,

EFEESU 2:8

Par tsi bëtseend ka bun nda buer, tsi undo uwak ind. Umënts wan biinatsi tsi ind, aci ko wi Nasien-batsi wël wi;

EFEESU 4:18

Bëlipal bukul arëmënts, bëbi bofats tsi ubiira Nasien-batsi undo kameets-ko kan tsu ki bukul kajëŋ-ngëwaas.

EFEESU 5:11

ind tsë bof tsi ngëko ngi kandola ngi tsi karëm, ngul ngan kaats ngi bëkat, maa nda kúndësi ngul tsi ufac.

EFEESU 5:14

par nga wina ngi bëlieng aci ufac. Wul ka wun u jaka: “Teenani, wi ni ka ŋooyi, natsaan tsi pëncuaf bacäts, Këristu ka fietsu.”

EFEESU 5:8

par uwal ujon, ind nda ro ci karëm, maa inkri, nda ci ufac tsi Ajug. Nda yandaari pi upäts ufac;

EFEESU 6:12

par nja, ngë ri ka kaman pëñaak ni uyamats; maa nja ka kaman msien, ni myëlan, ni myëlan ngan tsijëna ngi umundu wi, wi karëm, ni ngëwejats kawaraatsa ngan ci ngi di tsëko tsan ci tsi ba këci di batsi.

2 TIMOTEU 2:26

din bu ka kak ba tsij ngëwejats ngëwar, pa bu ka pën tsi igungan Ujabël, wul u mob wi bukul, a u tsu bukul puu ro ko wi u ŋal wi.

BAYEBËREU 10:10

Aci tsi uŋal umënts wun tsi ngë yëmanaana tsun, tsi bëjakan uliaf Yeesu Këristu uyaas uloole baŋ.

BAYEBËREU 10:14

Par, ni bëjakan bëloole baŋ, atsu ba yëmana biki a ba ci ban ba biki pëci bawar, pa ngëwal bëlieng.

BAYEBËREU 11:6

Ucits ba tsi uwak, kaats bi Nasien-batsi kë lílandër bi ñaan. Par, ni ka woki Nasien-batsi aka pë wak Nasien-batsi ci, a na ciind naluk ban tsu biki ibats tsi pëtsasul.

BAYEBËREU 9:15

Wul ka wun Këristu ci natsu-manteelar tsi karo-pëloole kawalu, bi na cäts bunk, pa pëluk pëbuer bañaan tsi ngëjuban ngandolaa ngi tsi uwal karo-pëloole kacak, pa banduee biki ka yank bërukanda ba watsana bi, bul ban dits bi ka ba.

JAKOB 2:5

Batsaar ni nji, ind biki n ŋal biki! Nda cikëndëni-e: Nasien-batsi ratats iink ba n jaka biki tsi umundu bë ci baranj-a? Pa ba ci barëmb tsi uwak, ni barukanda pësien pi na watsan pi ba ŋalul biki.

1 PER 1:4

ninja pëka bërukanda ban dits bi ka coka, ban kaats bi mtsopi, ban dits bi ka rots, ban gaangara ind bi di batsi.

1 PER 2:25

Par nda ro ci ba niam biki pi ngënkaanel; maa inkri, nda awitsësaree Nayafan ind ni Nawaay ngëwaas ind.

1 PER 2:9

Maa ind, nda ci uraasa un data wi, bëjúk baro-ijakan nasien, ucaak uyëman, bañaan ban ci biki bëka Nasien-batsi, pa pëleents ngëko ngëwiak, ngi nandui ind unk di karëm, pa ufacul upikërënuel;

1 JOŊ 1:9

Uci ngë pets ngëjuban nja nul aci na mobi tsi përim, a na ci namabal; në jampësa nja ngë juban, në jëntsan nja tsi kamabats kan ci ki-ba këci.

1 JOŊ 2:12

Upats uties, mán picari ind, par ngëjuban ind ajampësaa, tsi undo katim Këristu.

1 JOŊ 3:8

Ñaan na mobi tsi përo ujuban, aci ni Ujabël, par Ujabël ajuban ki ujuundi. Ko umënts wun ka wun Abuk Nasien-batsi bi, pa pëcok uleemp Ujabël.

1 JOŊ 5:19

Ngë me ngë ci biki Nasien-batsi, a umundu upëban ci tsi kañan Naro-ngëko-kawaraatsa.

JÚDAS 1:1

Júdas, naluek Yeesu Këristu, a na ci buts nan tsaari ni Jakob; pa bandua biki, biki Nasien-batsi Asin ŋal biki, a ba waaya tsi Yeesu Këristu.

UPIBAN 21:27

Nin utsopal di ka niaj rul yaas, nin naro ko uñutsanuel, oo wi kafal. Maa aci koon ban picanaa biki tsi ulibëru ubiira Ubuk-unkaanel.