NGËRO 24:5 - KARÚK-PËRIM KAWALU Nouveau Testament

⁵ Par, wund awin niintsi ci nagëbëlan, a nuu tsiji pëŋom tsi pëncuaf Bajudeu ban gara biki ajëk umundu; a na ci buts nawiak itawar bëjukan bañaan Nasaret ban pats bi.

NGËRO 24:5 ပူးပေါင်းရင်းမြစ်များ

MATEU 10:25

A najuk ci pi najukanul, din u liing; a naleemp ci pi nawiakul, din u liing. Uci ajug kato kë rua ‘Beelsebul,’ a m do um bañaan katoul!

MATEU 2:23

Ubandul, a na ciina përaasa pi kanjaka pi Nasaret, pa u ci ko wi bayëlia ro wi ja; iink di ba ja run: “Kee ru jaka, ‘Kanpënë-ni-nasaret.’”

MARKU 1:24

“Yeesu, Kanpënë-ni-nasaret, we wi wund kaaraan wun ni wi? M bi pii cok-cokan wund-a? Ma me ne m cii: Najënts Nasien-batsi!”

LÚKAS 23:19

Nul Barabas, arica, undo bi na tsu bi bañaan ba natsa agusëlan ngëko tsi përaasa, ni undo bi ñaan fiŋa bi.

LÚKAS 23:2

Ba kur pëtumtsarul, a bu kë ja: “Wund atsënk niintsi, nuu cok ucaak nja; aci tsi pëlaaŋ bañaan pëluk Seesar uraasa, nuu ja, nul bërierul ci-un Këristu nasien.”

LÚKAS 23:25

Na wëtani ni ba yep unk, nul nandoi rica undo bi na tsu bi bañaan ba natsa agusëlan ngëko, ni undo bi ñaan fiŋa bi. Maa Yeesu, na gutsul tsi uŋal bukul.

LÚKAS 23:5

Maa, ba mob tsi pëja: “Aja na roon në sualan bañaan; ajëkan Judeeya bëjukan, akur-ni di Galileeya te tsi.”

NGËRO 15:5

Maa balon tsi Bafariseu ban niiran biki Yeesu natsa, ba ja, ban cits bukunk Bajudeu a ba niiran Yeesu, bu ka ba roon bu ka welana kambac, bu ka tsua pëmob tsi ulua-Moises.

NGËRO 21:28

Bu kë lië koo ja: “Bayënts Israel, nda tsënk wund! Niints ni, ci un ni ka yaani ngëcaak bëlieng koo jukan pënatsara bañaan, pënatsara ulua, ni pënatsara tsëko tsi; nul bërierul aniajandi Bagërek di kato-kayëman, a na tsopan tsëko-tsëyëman tsi.”

NGËRO 22:22

A Bajudeu cikëndënul te tsi përim pan, a ba kur pëlië koo ja: “Nda pënani ñaan namëntsi tsi ucaak, par kaats pëjaa awamand ubiira.”

NGËRO 24:14

Maa, mán pets n jau, ma nja n doon koo leempar Nasien-batsi basin wund tsi Bëga bi ba ja bank ‘bëtawsër bëjukan ban pats bi;’ a n wakand tsi ngëko bëlieng ngan bofëna ngi tsi ulua, ni tsi bëpican bayëlia.

NGËRO 24:4

Maa, pa përits lawan tsi uñakan, man ñaanu kë jampësa kë cikëndën wund ko uties.

NGËRO 25:7

Bi Pol baandi bi, a Bajudeu ban pëni bukunk Jerusalem fayul, a ba kur pëtumtsarul tsi ngëko ngëcumal ngan waraatsa ngi; maa tsi ngëmënts ngan, bu kaats ko wi kan piban wi nga ci ngëcar.

NGËRO 26:5

Aci ucär, bë mein ki ujuundi; uci ba ŋal, bë yëlan pëleents ko wan. Par man yandaar këfariseu tsi bëjukan ban pats bi, bul ban pe bi pëliinc tsi bëga wund.

NGËRO 28:22

Maa, wund aŋal pëte ko wi m wejats wi bërieru. Par tsi ucär, wund ate uleka bëjukan bi, di ngëburu bëlieng bu ka ñakandar bul ngëwutsëtsuël.”

NGËRO 5:17

Maa, nan pei pëci nawiak-bajakan, ni ban ci biki ni nul bëlieng, ban ci bkii ban bofëna biki di bëjukan Basaduseu, cum ni mankocar;

NGËRO 6:13

A ba tumtsarul aja: “Ñaan ni, wëtaants pëja irim in ci yi ikar pa tsëko-tsëyëman tsun, ni pa Utsua;

1 KORINTU 11:19

Te mantotëlër aka pëci tsi pëncuaf ind, pa u meaa ban ci biki tsi ucär, tsi pëncuaf.

1 KORINTU 4:13

wund kë jaara ko u waraatsa wi, wund kë yank ni përim pëwar; te inkri wund atsua pëci iwetar umundu, irukësar bañaan bëlieng.

1 PER 2:19

Par aci bëtseend, uwal wi ñaan kë miira wi ngënoor, undo atsu uwejatsul tsi Nasien-batsi, a nuu noorana te kaats ko wi na ro wi.