NGËRO 24:16 - KARÚK-PËRIM KAWALU Nouveau Testament

¹⁶ Wul ka wun, a n do buts uyëlan pa pëwëtaants pëtsij uwejats utsëkal tsi bërun Nasien-batsi, ni tsi bërun bañaan-bajin.

NGËRO 24:16 ပူးပေါင်းရင်းမြစ်များ

NGËRO 23:1

A Pol kaŋan Bëjúk bawat-pëleents bawiak këkës, a na ja: “Batsaar ni nji bayënts, man yandaar tsi bërun Ajug ni uwejats uwar un ci wi-ba këci, te unu untsari.”

ROOMA 2:15

Bukul bu piban uleemp ngëtsua picana di ngëwaas bukul, ngëwejats bukul apiban bukul ko umënts wan, a ngëtsaag bukul kë yankësar tsi pëtumtsar bukul ni pënatsar bukul;

ROOMA 9:1

Mán leents ucär tsi Këristu, in di ka n tsup. tsi Uwejats-ujënts, uwejats nji bërierin aleents ko wi n ci wi, aja:

1 KORINTU 10:32

Ind tsë ci ko wi kan tsu wi Najudeu na yër, nin nagërek, nin Ngëriisia Nasien-batsi.

1 KORINTU 4:4

Uwejats nji pibanatsin ne man lac, maa cits pëjaa nji n kaats ulaci; par ni ka watini pëleents, aci Ajug.

2 KORINTU 1:12

Par ko wi wund kë pícëna wi, ci wun wi: “Ko wi uwejats wund leents wi, aci pëci tsi umundu ni pëpe pëci ni ind tsi bëjëntsal, ni pëmob tsi ucär un pënë-ni wi di Nasien-batsi; cits tsi kameko ñaan-najin, maa tsi bëtseend Nasien-batsi.”

2 KORINTU 4:2

Maa wund abër përo ngëko ngan beka ngi, ngan kawaran ngi, wund ri ka yandaar tsi maniamëlan, a wund ri ka cík përim Nasien-batsi. A bi wund kë piban bi ucär, wund kë tsas pëgañaar ngëwejats bañaan bacumal tsi bërun Nasien-batsi.

1 TESALONIKA 2:10

Ind nda ci bamaatir, a Nasien-batsi win wund ci ni ko u yëman wi, ni u mab wi, un kaats wi ulaci, tsi pëncuaf ind ba uwak biki.

1 TIMOTEU 1:19

kë moband tsi uwak, ni tsi uwejats un fac wi. Uwejats umënts wun, balon awëtan wul, din a ba niaman uwak.

1 TIMOTEU 1:5

Ko un ka wi n tsuu përo ank, aci pa pëpiban bëŋal ban pëni bi di uwaas un jënts wi, ni di ume-kabats un fac wi, ni di uwak un kaats wi kanguungu.

1 TIMOTEU 3:9

Ba moban ba liincan undoots wunk mea, wi uwak; ba moban tsi wul ni ume-kabats un jënts wi.

2 TIMOTEU 1:3

Ma n ja Nasien-batsi baran, nul ni n ci tsi pëleempar, pi batiem-batiem nji, ni ume-kabats ujëntsal, uwal wnja wi n doon koo n lesu tsi bëñaan nji, bërëm ni pënak.

TIITU 1:15

Pa bajëntsal, ngëko bëlieng ajënts. Maa pa batsopal, bawakats, kaats ko un jënts wi, par uwejats bukul ni ume-kabats bukul atsop;

BAYEBËREU 10:22

nda ju ngë wok Nasien-batsi ni uwaas un ci wi ucär, ni tsi kacum uwak, a ngëwaas jëntsana ume-kabats un tsij wi ko u waraatsa wi, a ngëliaf ñawaa ni mlik mjëntsal.

BAYEBËREU 13:18

Nda ñaandëri wund, par wund afiaar koon ume-kabats wund jënts, a uŋal wund ci wund puu ro uwar tsi ngëko bëlieng.

BAYEBËREU 9:14

andes pëñaak Këristu, tsi Uwejats un dits wi ka ba, nul bërierul na wëli Nasien-batsi ubiiraul, a u ci bëjakan ban kaats bi ujink. Pul ka jëntsan pun ume-kabats nja pa pëpënan tsi wul ngëko ngan dolaa ngi, ngi kan tsëpand ngi ñaan pëcäts. Unk, nja ka yëlan puu leempar Nasien-batsi nayësal.

1 PER 2:19

Par aci bëtseend, uwal wi ñaan kë miira wi ngënoor, undo atsu uwejatsul tsi Nasien-batsi, a nuu noorana te kaats ko wi na ro wi.

1 PER 3:16

Maa, nda roan ko wan tsi kajuab-ngëwaas, ni urispiitu. Ndë tsijand ngëwejats ngëwar, pa tsi ko wi bu kë karëni ind wi, bu ka kawa, bukul biki ka nja biki ngan waraatsa ngi tsi bëci ind bëwar tsi Këristu.

1 PER 3:21

A mlik mmënts mi ci mun ulimënts bëmijan ban bueran ind bink inkri, cits pa pëjëntsan mtsopi ngëliaf, maa pëjaankëma Nasien-batsi ni utsaag uwar tsi undo bi Yeesu natsee bi di pëcäts.