NGËRO 24:14 - KARÚK-PËRIM KAWALU Nouveau Testament

¹⁴ Maa, mán pets n jau, ma nja n doon koo leempar Nasien-batsi basin wund tsi Bëga bi ba ja bank ‘bëtawsër bëjukan ban pats bi;’ a n wakand tsi ngëko bëlieng ngan bofëna ngi tsi ulua, ni tsi bëpican bayëlia.

NGËRO 24:14 ပူးပေါင်းရင်းမြစ်များ

MATEU 10:32

A ban ja biki tsi bërun bañaan bëci namiñ, nji buts, tsi bërun Asin nji nan cii di batsi, mee ja bukul bë ci bamiñ.

MATEU 22:40

Utsua bëlieng ni bayëlia, asëtsaraan tsi ngëlai ngëtëb ngi.”

MATEU 7:12

Ngëko bëlieng, ngi nda ŋal ngi bañaan përo ind, nda rori bukul ngul buts, par unk di ulua-Moises ja run, ni bayëlia.

LÚKAS 1:70

aci ko wi na ro wi ja, ajaana wël tsi mtum bayëliaul bayëman, ki uwal ujon;

LÚKAS 16:16

Ulua, ni bayëlia, aleentsaa te uwal Joŋ. Pëpën tsi uwal umënts wun te inkri, Upetsan-uwar pësien Nasien-batsi ci tsi pëleentsaa, a uja nandooni në tambandar mak, pa pëniaj tsi pul.

LÚKAS 16:29

Abraam jaul: ‘Bu tsij Moises, ni bayëlia; ba cikëndëni bukul.’

LÚKAS 24:27

Na piban bukul ko wi Bëpica n ja wi bëlieng tsi ulekaul, akur-ni tsi ngëlíbëru Moises aa na bandan bukul tsi bayëlia bëlieng.

LÚKAS 24:44

Na ja bukul: “Yi ci yun irim nji, i n do yi ka leents ind, bi n wama bi n ci ni ind: Ngan picana ngi bëlieng tsi uleka nji tsi ulua-Moises, ni tsi bayëlia, ni tsi uya-ubëndan, aka përolaa.”

KAKÚRAN-KAWAR YEESU KRISTU BI JOŊ LEENŢ BI KUL AJA 1:45

A Filip win Natanael, a na jaul: “Wund awin nan picana unk ulekaul tsi ulua-Moises, ni tsi ngi bayëlia pican ngi: aci Yeesu Kanpënë-ni-nasaret, abuk Juse.”

NGËRO 10:43

Ulekaul wi bayëlia bëlieng ñakandar wun aja: Na waki ba këwak tsi nul, në jampësaa ngëjuban tsi katimul.”

NGËRO 13:15

Bi ba ba bi bëjuk ko un pica wi tsi Utsua, ni tsi ko wi bayëlia pic wi, a bawiak kato-kajuki ja bukul: “Batsaar ni wund, uci nda ka pëlon përim pa pëliinc-liincanaan ngëwaas bañaan, nda ñakani pul.”

NGËRO 15:5

Maa balon tsi Bafariseu ban niiran biki Yeesu natsa, ba ja, ban cits bukunk Bajudeu a ba niiran Yeesu, bu ka ba roon bu ka welana kambac, bu ka tsua pëmob tsi ulua-Moises.

NGËRO 19:23

Tsi uwal umënts wun, a u ro ka barúj bëwiak tsi undo Bëga Ajug.

NGËRO 19:9

Maa, bi balon tsi bukul ci bi tsi katamb-iyeen, bë wakats, a bu kë ja ngëko nga waraatsa ngi uleka Bëga Ajug tsi pëncuaf bañaan bacumal mak. A Pol pën tsi bukul, a na tsëpand ba uwak bukunk, a na ja kara unu nuu totëlar irim ni bukul di ikol Tiraanu.

NGËRO 22:14

Na ja: ‘Nasien-batsi basin nja acar aratu pa pëme bëŋalul, ni pëwin bëmabalul, ni pëte përimul bërierul.

NGËRO 24:22

A Felikës nandoi me ba uwar uleka ngëko Bëga, din a na kik uñakan, a na ja: “Uwal wi Liisias nawiak basondaari baandi wi, kee me pi ndu baaraan pi tsi uleka ind.”

NGËRO 24:5

Par, wund awin niintsi ci nagëbëlan, a nuu tsiji pëŋom tsi pëncuaf Bajudeu ban gara biki ajëk umundu; a na ci buts nawiak itawar bëjukan bañaan Nasaret ban pats bi.

NGËRO 25:8

Maa, Pol pokar beenul aja: “Nji ndoots nin ujuban tsi uleka ulua Bajudeu, nin tsi uleka kato-kayëman, nin tsi uleka Seesar.”

NGËRO 26:22

Maa, Nasien-batsi tsënkin a wama ci te pënak pëntsari; nji i kaats ko wi ndë leents wi upäts ni bawiak, ucits ba ko wi bayëlia ja wi ni Moises kee u ci,

NGËRO 26:27

Agëripa, nasien! M wak tsi bayëlia Batsi a? Ma me m wak.”

NGËRO 26:4

Tsi uleka ubiira nji, bi u par bi ja ki ujuundi, bi wam bi napäts di bañaan nji di Jerusalem, bukul Bajudeu me bëlieng.

NGËRO 26:6

A inkri, a n ci tsi pëwataa pëleents, undo uwats wi Nasien-batsi watsan wi basin wund.

NGËRO 28:22

Maa, wund aŋal pëte ko wi m wejats wi bërieru. Par tsi ucär, wund ate uleka bëjukan bi, di ngëburu bëlieng bu ka ñakandar bul ngëwutsëtsuël.”

NGËRO 28:23

A ba tsu unu ni Pol. Tsi unu umënts wun, a ba cumi ee jëk ni Pol di katoul, ki bëfa te bëtakala, na leents bukul uleka pësien Nasien-batsi ajëntsan. A nuu tsas pëtsu bukul ba niiran uleka Yeesu, bi na ci bi tsi pëñakan tsi uleka ulua-Moises, ni bayëlia.

NGËRO 3:13

Nasien-batsi Abraam, Nasien-batsi Isaak, Nasien-batsi Jakob, nul Nasien-batsi basin nja arëmban Yeesu, naleempul, ni nda gutsi a nda bërul tsi bërun Pilaatus, bi na ŋal bi pëwëtanul.

NGËRO 5:30

Nasien-batsi basin nja anatsani Yeesu, ni nda fiŋ unk a nda rialul di pëmul.

NGËRO 7:32

‘Nji n ci-un Nasien-batsi basinu; Nasien-batsi Abraam, Nasien-batsi Isaak, Nasien-batsi Jakob.’ Maa, Moises lal a nuu lënk, yeentsats pëteen.

NGËRO 9:2

a na yepul ngëletar pa pëtsëpand Damaasku di ito-ijuki; pa uci nee win balon ban bof biki tsi Bëga, bayënts oo bakaats, në tan bukul ka tsëpand Jerusalem.

ROOMA 1:9

Nasien-batsi, nul ni ndu leempari tsi uwejats nji, tsi pëleents Upetsan-uwar Abukul, amaatir bi n wëtaants bi pëles ind

ROOMA 3:21

Maa inkri, pëteenënats tsi ngëtsua, bëmabal Nasien-batsi apibandar; ngëtsua ni bayëlia aleents uleka bul.

1 KORINTU 11:19

Te mantotëlër aka pëci tsi pëncuaf ind, pa u meaa ban ci biki tsi ucär, tsi pëncuaf.

GALAASIA 5:20

ni kajintëla icap, ni pëkaalam, ni mañaasëlër, ni katamb-ulats, ni pëyëkandar ko pëci wiicu, ni uriab, ni ukam, ni pëŋom, ni mankicësar,

2 TIMOTEU 1:3

Ma n ja Nasien-batsi baran, nul ni n ci tsi pëleempar, pi batiem-batiem nji, ni ume-kabats ujëntsal, uwal wnja wi n doon koo n lesu tsi bëñaan nji, bërëm ni pënak.

TIITU 3:10

Ñaan nan ci nakicës, ñakanaaniul uyaas ucak ni utëbantsan, din cats bof përo ko ni nul.

1 PER 1:11

bu tsas pëme uwar uwal umënts, ni ngëko ngi kan piban ngi ko wan kë ci, bi Uwejats Këristu un ci wi di bukul, leents bi ki këlum ngënoor ngi Këristu kë par-na ngi, ni përëmb pan ka pi pii fets ngul.

UPIBAN 19:10

A n yër tsi iyots wul pa pëjintëla wul, maa a u jain: “Teenan-e, cats ro! Man ci acintsu naleemp, a n ciind acints ban tsaar biki ni wi, ba mob biki tsi ngi Yeesu. Jintëlaan Nasien-batsi; par pëmob tsi ngi Yeesu, ci wun uwejats pëleents u meaatsa wi.”