NGËRO 23:9 - KARÚK-PËRIM KAWALU Nouveau Testament

⁹ Din, a irim watsësari; balon tsi bajukan-ulua tsi kajara Bafariseu, natsa apok, a bu kë ja: “Wund winats nin ko u waraatsa wi tsi niintsi; yën me un ne ulon ucaay ñakanaanul wun, ane uwaanju ank?”

NGËRO 23:9 ပူးပေါင်းရင်းမြစ်များ

MARKU 2:16

A ba bapican-ngëtsua ban bofëna biki tsi Bafariseu win bi Yeesu kë riala ni bajuban, ni bayep bëluk-uraasa, a ba ja bafetsul: “Aro um? Ka riala ni bayep bëluk-uraasa ni bajuban?”

LÚKAS 23:22

Na ja bukul uyaas uwaajantsan: “We wi namëntsi ro wun kalon-i? Kaats ko wi n win wi tsi nul, wi kan tsuul wi na fiŋa; mán tsuul na pikaara, ka wëtanul.”

LÚKAS 23:4

A Pilaatus ja bawiak-bajakan, ni indënd bañaan: “In winats nin ulaci tsi namëntsi.”

LÚKAS 5:30

Din, Bafariseu, ni bapican-ulua ba ya biki kajara Bafariseu ci tsi pëŋëmŋëm, a ba ja bafets Yeesu: “We ka wun nduu riala, a nduu raan ni bayep bëluk-uraasa, ni bajuban?”

KAKÚRAN-KAWAR YEESU KRISTU BI JOŊ LEENŢ BI KUL AJA 12:29

A kandënd bañaan ban do biki ci tsul, ute bukul përim, a ba ja: “Aci kampalambamb.” A balo n ja: “Aci ulon uwaanju ñakanaanul wun.”

NGËRO 11:17

Par, uci Nasien-batsi wël bukul utseend uloole wi na wëlnjawunk, n ja ba uwak biki tsi Yeesu Këristu, Ajug, nji man ci yën pa pëjaa man totëlar ni Nasien-batsi?”

NGËRO 22:6

A bi n depa bi bëga pëtsëp, a n dë wokan Damaasku, përuakan myëŋ pënak, tsi uyëk umënts wun a ufac batsi uwiak fietsin fayësan.

NGËRO 22:7

Din a n yër tsi utsia, a n te pëlon përim pa n jain pi: ‘Sol, Sol! We ka wun a kë noor-nooranin?’

NGËRO 23:29

Man tsas, a n win uci-undo ngëko ulua bukul, ka wun ba tumtsarul; maa kaats ko wi na ro wi, un tsënkan wi pëjaa afiŋa, oo arica.

NGËRO 23:8

Par Basaduseu aja, kanatsee-di-pëcäts cits, nin uwaanju, nin ucaay; maa Bafariseu niiran ngëmënts ngan bëlieng.

NGËRO 25:25

Maa, ma win na kaats ko wi na ro wi, un kësul wi pëfiŋa. Bi na ñaanin bi pëtsëpanda di Seesar a baaraan pëwëtanul nul pëtsëp di Seesar.

NGËRO 26:31

Bi ba kikësa bi, a ba ñakan tsi ba ci tsi aja: “Niintsi roots ko un kës wi pëjaa afiŋa, oo arica.”

NGËRO 27:23

Par, tsi bërëm bi, ulon uwaanju Nasien-batsi, nan kaini, ni n du leempari, acili tsi bërun nji,

NGËRO 5:39

Maa, uci u ci wi Nasien-batsi, nda yëlanats pëgar wul, pa ind tsii tsë jaka nda natsara pëkaman Nasien-batsi.”

NGËRO 9:4

Na yër tsi utsia, na te pëlon përim jaul: “Sol, Sol, we ka wun a kë noor-nooranin?”

1 KORINTU 10:22

Oo nja ka tsu Ajug na riabats-a? Ane ngë peanul uyëlan-a?