NGËRO 23:1 - KARÚK-PËRIM KAWALU Nouveau Testament

¹ A Pol kaŋan Bëjúk bawat-pëleents bawiak këkës, a na ja: “Batsaar ni nji bayënts, man yandaar tsi bërun Ajug ni uwejats uwar un ci wi-ba këci, te unu untsari.”

NGËRO 23:1 ပူးပေါင်းရင်းမြစ်များ

MATEU 5:22

Maa nji, man ja ind: Nan diabatsari ni ba tsaari, në wata pëleents; a nanjai ni ba tsaari, raka, në wataa pëleents di kato kawat-pëleents kawiak; a na njai ni ba tsaari, nafuur, nii lacana pa nfeernu bërua.

NGËRO 22:1

“Batsaar ni nji, ni basin nji! Inkri nda cinkëndani ko wi ndë pokar wi been nji tsi bërun ind.”

NGËRO 22:30

Tsi unu ucints, nawiak basondaari ŋal pëme uwar ko un ka wi Bajudeu kë tumtsar Pol; a na pacul mkorante, na tsu bawiak-bajakan, ni kato kawat-pëleents kawiak bëlieng, ba júk. A na welandee Pol ee natsan tsi bërun bukul bëlieng.

NGËRO 22:5

Nan pei pëci nawiak-bajakan, ni bëjuk bawiak Bajudeu, bëlieng, bë maatir; man yankëna ngëletar di bukul pa ban tsaar biki ni bukul di Damaasku, a n tsëp pii tani bukul pëtsiji di Jerusalem bee ba pikaara.

NGËRO 23:15

Inkri, ind, ni Bëjúk bawat-pëleents bawiak, nda ñaani nawiak basondaari na rëŋani ind nul faan, pi ka yeparaa ulon ko kak tsi ulekaul; wund ka yecisër pa pëfiŋul tsini urukaul ka baandi.”

NGËRO 23:20

Upaasjankmaul aja: “Bajudeu abaar pëloole, pëñaanu, pa wi pëtsëpand Pol faan di Bëjúk bawat-pëleents bawiak; bu ro pi bu ŋal pëtsas pëme un pe wi pëjënts, tsi ulekaul.

NGËRO 23:28

A ndo ŋal pëme ko un ka wi ba tumtsarul, a n tsëpandul di Kato bukul ki kawat-pëleents kawiak.

NGËRO 23:6

Tsi Bëjúk bawat-pëleents bawiak, Pol ame kalon kajara aci ki Basaduseu, a kacints ci ki Bafariseu, a na kat përim aja: “Batsaar ni nji bayënts, nji man ci Nafariseu, abuk Nafariseu. Undo bi n wats bi tsi kanatsee-di-pëcäts, wul ka wun n du wata pëleents.”

NGËRO 24:16

Wul ka wun, a n do buts uyëlan pa pëwëtaants pëtsij uwejats utsëkal tsi bërun Nasien-batsi, ni tsi bërun bañaan-bajin.

NGËRO 6:15

A ban tsoar biki bëlieng di kato kawat-pëleents kawiak kaŋan Estefan këkës, a ba win këkësul, pi këkës uwaanju.

1 KORINTU 4:4

Uwejats nji pibanatsin ne man lac, maa cits pëjaa nji n kaats ulaci; par ni ka watini pëleents, aci Ajug.

2 KORINTU 1:12

Par ko wi wund kë pícëna wi, ci wun wi: “Ko wi uwejats wund leents wi, aci pëci tsi umundu ni pëpe pëci ni ind tsi bëjëntsal, ni pëmob tsi ucär un pënë-ni wi di Nasien-batsi; cits tsi kameko ñaan-najin, maa tsi bëtseend Nasien-batsi.”

2 KORINTU 4:2

Maa wund abër përo ngëko ngan beka ngi, ngan kawaran ngi, wund ri ka yandaar tsi maniamëlan, a wund ri ka cík përim Nasien-batsi. A bi wund kë piban bi ucär, wund kë tsas pëgañaar ngëwejats bañaan bacumal tsi bërun Nasien-batsi.

2 TIMOTEU 1:3

Ma n ja Nasien-batsi baran, nul ni n ci tsi pëleempar, pi batiem-batiem nji, ni ume-kabats ujëntsal, uwal wnja wi n doon koo n lesu tsi bëñaan nji, bërëm ni pënak.

BAYEBËREU 13:18

Nda ñaandëri wund, par wund afiaar koon ume-kabats wund jënts, a uŋal wund ci wund puu ro uwar tsi ngëko bëlieng.

1 PER 3:16

Maa, nda roan ko wan tsi kajuab-ngëwaas, ni urispiitu. Ndë tsijand ngëwejats ngëwar, pa tsi ko wi bu kë karëni ind wi, bu ka kawa, bukul biki ka nja biki ngan waraatsa ngi tsi bëci ind bëwar tsi Këristu.