NGËRO 22:3 - KARÚK-PËRIM KAWALU Nouveau Testament

³ “Nji, man ci Najudeu, man bukëna Tarsu di Siliisia. Maa, a n kusëna tsi përaasa pi; tsi kañan Gamaliel tsi jukanaana tsun ko u mab wi tsi ulua basin nja a n do ka yëkandar ngi Nasien-batsi, pi ind bëlieng ntsari.

NGËRO 22:3 ပူးပေါင်းရင်းမြစ်များ

LÚKAS 10:39

Nan tsaari ni nul, ni ka n jakee Maaria, tsoar tsi itsiim Ajug, a nuu cikëndën përimul.

LÚKAS 2:46

A uu ro ngënu ngëwaants, ba ru winul, bi na tsoar bi di kato-kayëman tsi pëncuaf bajukan-bëga, a nu cikëndën kul, na ci tsi pëyepar kul irim.

LÚKAS 8:35

Din, bañaan pëni, pa pii win ko un par wi. Ba baandi tsi Yeesu, ba tsënki ñaan namënts un tsoar tsi bërun Yeesu; ngëcaay apën tsi nul, na tiema iŋi, a been tsëkënul. Bukul, ba lënk.

NGËRO 11:25

A Barnabas pën atsëp Tarsu, pëtsas Sol;

NGËRO 15:23

A ba pican ni iñan bukul aja: “Wund bapostolu ni bajëŋal, ban tsaar biki ni ind, wund awëli ind mboos, ind ban cits biki Bajudeu a nda niiran Yeesu, a nda ciina Antiookia, ni Siiria, ni Siliisia.

NGËRO 15:41

A Pol yaana Siiria ni Siliisia, a nuu liinc-liincan iriisia.

NGËRO 21:20

Bi ba te bi ko wan, ba bëndan Nasien-batsi a ba ja Pol: “Natsaar ni wund! Ngëmiil ngëntaaja um ngi Bajudeu ba uwak biki gi mwin gun, bukul bëlieng bu yëkan tsi ulua.

NGËRO 21:39

Pol yankul aja: “Nji, man ci Najudeu, man pënë-ni Tarsu, përaasa pan tienkëtsats pi katim di Siliisia. Man ñaanu, wëtin ma ñakanaan bañaan-ucaak.”

NGËRO 23:34

A nasien juk uletar a uu ba, na yepar Pol pëboos pi na ciina pi; bi na me bi na ciina Siliisia,

NGËRO 23:6

Tsi Bëjúk bawat-pëleents bawiak, Pol ame kalon kajara aci ki Basaduseu, a kacints ci ki Bafariseu, a na kat përim aja: “Batsaar ni nji bayënts, nji man ci Nafariseu, abuk Nafariseu. Undo bi n wats bi tsi kanatsee-di-pëcäts, wul ka wun n du wata pëleents.”

NGËRO 26:5

Aci ucär, bë mein ki ujuundi; uci ba ŋal, bë yëlan pëleents ko wan. Par man yandaar këfariseu tsi bëjukan ban pats bi, bul ban pe bi pëliinc tsi bëga wund.

NGËRO 26:9

Tsi ucär, man do ja ne man ka përo ngëko ngëcumal pa pëkaman katim Yeesu, nul Kanpënë-ni-nasaret.

NGËRO 5:34

Maa, a nalon Nafariseu ni ka n jakee Gamaliel, nan ci najukan-ulua, ni bañaan rëmbani bëlieng, natsa di kato kawat-pëleents kawiak, a na tsu bukul ba pënani bapostolu utsand ko uties;

NGËRO 6:9

Maa, balon ban bofëna biki di kato-kajuki, ki ka n jaka ki, ki bafacana, ni bañaan ban pënë-ni biki Sireeni, a balon pëni Aleksandëria, ni balon ban pëni biki Siliisia ni Aasia, ci tsi mantotëlër ni Estefan;

NGËRO 9:1

A Sol wama ka pícar pëfiŋ bafets Ajug, a na tsëp di nan pei pëci nawiak-bajakan,

NGËRO 9:11

Din, Ajug jaul: “Natsaan kë tsëp di urawa wi ka n jaka wi Urawa-ucol, kë tsas nalon niints, aci di bëñaan di kato Judas, ka jaka Sol, apënë-ni Tarsu;

NGËRO 9:30

Bi batsaar tsi Këristu me bi ko wan, a ba tsëpandul Seesareeya; a ba wëtanul na tsëp Tarsu.

ROOMA 11:1

Bi u ci bank, mán yepar: Ane Nasien-batsi abër bañaanul-a? Nin-a! Par nji buts man ci ñaan Israel nan pënë-ni tsi kajër Abraam, di pëbuka Be n jamin.

2 KORINTU 11:22

Bukul bë ci Bayebëreu a? Nji buts! Bu ci baisrael a? Nji buts! Bu pënë-ni tsi kajër Abraam a? Nji buts!

GALAASIA 1:14

Man do pe bacumal tsi ngëraan nji ni bañaan-ucaak nji pëmob tsi bëga Bajudeu, a nja doon ka yëkandar ngëndimaan basin nji mak.

GALAASIA 1:21

A uu ba, a n tsëp këboos Siiria, ni ki Siliisia.