NGËRO 22:25 - KARÚK-PËRIM KAWALU Nouveau Testament

²⁵ Bi bu kë tanul bi ni icär, a Pol ja kapëton basondaari na natsi tsul: “Nda niiranaa pëbúp ñaan nan ci ñaan Rooma, uci na netse lacana-a?”

NGËRO 22:25 ပူးပေါင်းရင်းမြစ်များ

MATEU 10:17

Nda rukan ibats tsi bañaan, par bu ka tsëpand ind di ito kawat-pëleents; bu ka bup ind di ito-ijuki.

MATEU 27:54

A bi kapëton basondaari, ni ban ci biki ni nul tsi pëwaay Yeesu, win bi utsia usiintsar bi, ni ngandola ngi, a ba lënk mak, a ba ja: “Tsi ubaaraari, namëntsi ron un ci Abuk Nasien-batsi!”

MATEU 8:8

A kapëton yankul aja: “Ajug, nji n tsënkaants pëjaa m niaj bametsu kato nji; maa jaan ŋal përim pëloole rin, naleemp nji ka yës.

NGËRO 10:1

Aka nalon niints di Seesareeya, ka jaka Korneeliu; aci kapëton kandënd basondaari ki ka n jaka ki “ki Itaalia.”

NGËRO 16:37

Maa, Pol ja bukul: “Bu watats wund pëleents, a ba tsu wund wund tucana tsi këkës bañaan, wund ban ci biki bañaan Rooma! Ba guts wund di ukalabus a uu ba, bu ka wëtan wund, wund tsëp tsi kambeku? Nin a, ba bili bërier bukul bee ba pënan wund!”

NGËRO 22:26

Bi kapëton basondaari te bi irim yan, na tsëp ee leents nawiak basondaari ajaul: “Wee wi m bi kë ro? Niintsi, aci ñaan Rooma!”

NGËRO 23:17

Din, a Pol rui nalon tsi ipëton basondaari, na jaul: “Tsëpandi upaas wi di nawiak basondaari, par aka ko wi nu leentsul wi.”

NGËRO 23:27

Bajudeu amob niintsi a u ruka ko uties bu ka fiŋul, a n dë band ni basondaari, a n bëëranul, par man te ba ja, nul aci ñaan Rooma.

NGËRO 25:16

A njankëma bukul a n ja, ko wi cits bëro bañaan Rooma: Pëlacan ñaan te ban tumtsarul biki maatirëts pa na pok ko wi ba tumtsarul wi.

NGËRO 27:1

Bi u baaraana bi wund pëgija pëtsëp Itaalia, a ba wël Pol ni balon barica, tsi iñan nalon kapëton basondaari, ni ka n jakee Juuliu, abofëna di kampañ basondaari nasien nawiak.

NGËRO 27:3

Tsi unu ucints, a wund band Sidon. A Juuliu këmand Pol uwar, a na wëtul na ya pëwin ifetsarul, pa ba tsënkul tsi ko wi na fier wi.

NGËRO 27:43

Maa, kapëton basondaari ŋal pëbuëran Pol, a na laaŋ bukul përo ko wan. A na tsu ba yil bukunk pëlam, ba cakës pëwela di bërëk, pa pëlamar kankay.