NGËRO 22:1 - KARÚK-PËRIM KAWALU Nouveau Testament

¹ “Batsaar ni nji, ni basin nji! Inkri nda cinkëndani ko wi ndë pokar wi been nji tsi bërun ind.”

NGËRO 22:1 ပူးပေါင်းရင်းမြစ်များ

LÚKAS 12:11

Uwal wi nda tsëpanda wi di ito-ijúki, ni tsi bërun bañaan-pësien, ni tsi bërun ba tsijëna-këboos, ind tsë wejats ko wi ndu laabaraan wi, oo ko wi ndu ja wi.

LÚKAS 21:14

Nda tsuun përim pi di ngëwaas ind: Ind tsiits car pëwejats bi ndu natsar bi iyeen ind.

NGËRO 13:26

Batsaar ni nji, ind pëbuka Abraam, ni ban ci biki tsi pëncuaf ind ba lënk biki Nasien-batsi, ja wëlee bukun përim pëbuër pi.

NGËRO 19:33

Din, a Bajudeu rat Aleksandër tsi kandënd bañaan, a ba piembarul bërun. Aleksandër riang kañan apiban na ŋal pëñakanaan bañaan tsi ulekaul.

NGËRO 23:1

A Pol kaŋan Bëjúk bawat-pëleents bawiak këkës, a na ja: “Batsaar ni nji bayënts, man yandaar tsi bërun Ajug ni uwejats uwar un ci wi-ba këci, te unu untsari.”

NGËRO 23:6

Tsi Bëjúk bawat-pëleents bawiak, Pol ame kalon kajara aci ki Basaduseu, a kacints ci ki Bafariseu, a na kat përim aja: “Batsaar ni nji bayënts, nji man ci Nafariseu, abuk Nafariseu. Undo bi n wats bi tsi kanatsee-di-pëcäts, wul ka wun n du wata pëleents.”

NGËRO 24:10

Bi nasien wiil bi Pol pa na ñakan, a Pol jankma aja: “Ma me m ci nawat-pëleents bañaan ucaak wi, a m do ngëwaanu ngëcumal; wul ka wun n yeents pëpokar been nji.

NGËRO 25:16

A njankëma bukul a n ja, ko wi cits bëro bañaan Rooma: Pëlacan ñaan te ban tumtsarul biki maatirëts pa na pok ko wi ba tumtsarul wi.

NGËRO 25:8

Maa, Pol pokar beenul aja: “Nji ndoots nin ujuban tsi uleka ulua Bajudeu, nin tsi uleka kato-kayëman, nin tsi uleka Seesar.”

NGËRO 26:24

Bi Pol wama bi ka pokar beenul, a Festu kat përim afalëlanul uñakan aja: “M yër-ngëwi, Pol! M juk mak a ba tsuu a m fuur!”

NGËRO 28:17

A u par ngënu ngëwaants, a na ru bawiak Bajudeu; bi ba juk bi, a na ja bukul: “Batsaar ni nji bayënts! Kaats ko wi n do wi bañaan-ucaak nja nin kaats ko wi n do wi bëro basini njamaa, man dica di Jerusalem, a n bi gutsara iñan bañaan Rooma.

NGËRO 7:2

Estefan yank bukul aja: “Batsaar ni nji bayënts, ni basin nji, nda cikëndëni! Nasien-batsi përëmb apibandari tsi Abraam, asin nja bi na wama bi ci di Mesopotaamia, te netse ro ci di Karan;

ROOMA 2:15

Bukul bu piban uleemp ngëtsua picana di ngëwaas bukul, ngëwejats bukul apiban bukul ko umënts wan, a ngëtsaag bukul kë yankësar tsi pëtumtsar bukul ni pënatsar bukul;

1 KORINTU 9:3

Ko wi ndu n pokëna wi tsi bërun batumtsarin, ci wun wi:

2 KORINTU 12:19

Nda jon tsi pëwejats koo ja, wund aŋal pënatsar iyeen wund tsi bërun ind. Wund ka ñakan tsi uŋal Këristu tsi bërun Nasien-batsi. A ngan bëlieng, aci pa pëliincan ind, ind ba ŋala biki.

2 KORINTU 7:11

Par nda teenan-e ko wi pëjuatsan pan pënë-ni pi tsi Nasien-batsi, tsiji ind wi! Ko wi nda tukar wi pëpiban ko wi nda ci wi! Ko wi nda ci wi ban kawarana biki! Ko wi nda ci wi balënk-Nasien-batsi; Ko wi nda tsij wi uŋal! Ko wi nda tsij wi uŋal karo-ko! Ko wi tsij wi uŋal pëtucan naro-ngëwutsëtsuel! Tsi ngëmënts ngan bëlieng, nda piban nda ci ban jënts biki tsi ko wan.

FILIIPUS 1:17

Maa bukun, bë ja ba roon bu kë leents uleka Këristu, undo mampícëlër. Ngi bu kë wejats ngi jëntsats; bë ja ne bu yëlan pëtsu pëtana pi n tanaa pink mkorente pa pe këpe pëjuats.

FILIIPUS 1:7

Nji pëwejats unk tsi uleka ind, ind bëlieng, aci ko u mab wi, par man tsu ind tsi uwaas nji; par tsi mdica mi n dica mi, ni tsi pënatsar Upetsan-uwar ni pëpiban u baaraan pëci, ind bëlieng nda bof ni nji tsi bëtseend Nasien-batsi.

2 TIMOTEU 4:16

Bëyaas bëcak, bi n nats bi pëpok ko wi n tsupara wi, ñaan tsënkatsin, bë bërin bëlieng. Wul tsë kakanaa bukul.

1 PER 3:15

maa nda yëmani Këristu di ngëwaas ind, nul nan ci Ajug. Nda ciin ban bayecisër ngënu bëlieng, pa pëyankës na yepar indi ba këyepar, uleka uwats un ci wi tsi ind.