NGËRO 21:3 - KARÚK-PËRIM KAWALU Nouveau Testament

³ Bi wund ruka bi yueran Cipëri, wund rukar dul kajara kamay, wund par pëtsëp Siiria; a wund band Tiiru di bëntsiando ri ka pëgíjësaan pëyunts.

NGËRO 21:3 ပူးပေါင်းရင်းမြစ်များ

MATEU 11:21

“Bëjoats tsi wi, Korasin! Bëjoats tsi wi, Betësaida! Par, ngëko bawitsa nga roa ngi tsi pëncuaf ind, do roa tsi Tiiru, ni tsi Sidon, ngë ro jon ba ki nga yaar ki ibats, tsi katiema ngësaaku, ni kagurar ufab.

MATEU 4:24

A katimul jëk ucaak Siiria bëlieng. A bañaan kë rëŋaniul bamoj bëlieng, ba maak biki gëkorar mmaak bëlieng a ba tsijar mak ni ngëliaf bukul: Biki ngëcaay niaj biki, ni bacäts-bëcäts ni balab; a Yeesu yësan bukul bëlieng.

LÚKAS 10:13

Cay wi Korasin! Cay wi Betësaida! Par, ngëko bawitsa ngandoa ngi tsi pëncuaf ind do roa tsi Tiiru ni tsi Sidon, i ro jon ba ki i yaar ki ibats, i tiema ngësaaku, i tsoar tsi ufab.

LÚKAS 2:2

Bi bëmarkaar bëcak bëmënts kë roa bi, Kiriinius sienun ucaak Siiria.

NGËRO 11:19

Bañaan ban gara biki, undo pënoor-noorana pan baandi pi tsi uleka Estefan, tsëp te Feniisia, ni Cipëri, ni Antiookia, a bë leentsats ñaan përim, ucits Bajudeu baŋ.

NGËRO 12:20

Eroodis ro riabatsar mak ni bañaan Tiiru, ni biki Sidon. Maa, ba baar pëloole, pii bi tsi nul. A ba kaaya Bëlaastu, nan ci naleemp di kato nasien, a ba ñaan Eroodis ba ro pëfac, par pëboos bukul ka yankëna ngëko bariala di pëboos nasien.

NGËRO 13:4

A Uwejats-ujënts yël bukul, a ba tsëp Seleusia. Dul, a ba paat alutar Cipëri.

NGËRO 15:23

A ba pican ni iñan bukul aja: “Wund bapostolu ni bajëŋal, ban tsaar biki ni ind, wund awëli ind mboos, ind ban cits biki Bajudeu a nda niiran Yeesu, a nda ciina Antiookia, ni Siiria, ni Siliisia.

NGËRO 15:39

A u ka manteelarats mwiak tsi bukul, a ba patsësar tsi ba ci tsi; Barnabas jej Marku, a ba gija pëlutar Cipëri;

NGËRO 15:41

A Pol yaana Siiria ni Siliisia, a nuu liinc-liincan iriisia.

NGËRO 18:18

Maa, Pol kaka ro di Korintu ngënu ngëcumal, a uu ba, na patsësar ni bafets Yeesu, na gija pëtsëp Siiria, na ci ni Priskila, ni Akiilas. A na manc beenul di Senkreeya, undo ko wi na ro wi tsup Nasien-batsi.

NGËRO 21:16

a balon bafets Yeesu ban pënë-ni biki Seesareeya ñuatsani wund, ba tsëpand wund pii ci di kato Mnaason nan pënë-nii Cipëri, nul ajon ki na ci ki nafets Yeesu.

NGËRO 21:2

A wund tsënk bëlon bëntsian bi ka ya bi Feniisia, a wund gija bul pëtsëp.

NGËRO 21:7

Bi wund ba bi pëpari Tiiru, wund band Pëtolemais; a wund wël bafets Yeesu mboos; ban ci biki rul aro unu ni bukul.

NGËRO 27:4

Upën wund tsul, wund paat ayaana kambaŋ bërëk Cipëri; par ufuts anatsaree wund.

NGËRO 4:36

A Juse, nul ni bapostolu tsui katim, Barnabas, uci wi, (abuk kawël katëb). Nul abofëna tsi pëbuka Lewi a na pënë-ni Cipëri,